ഹാ​ർ​മോ​ണി​യ​സ്​ കേ​ര​ള; അര​​ങ്ങൊരുങ്ങി, ഒരുമയു​ടെ ആരവമുയരാൻ മണിക്കൂറുകൾ മാത്രം

ദ​മ്മാം: പ്ര​വാ​സ​ത്തി​​ന്‍റെ നോ​വും നൊ​മ്പ​ര​ങ്ങ​ളും ആ​ധി​യും സ്വ​പ്ന​ങ്ങ​ളും കൂ​ട്ടി​പ്പി​ടി​ച്ച് മാ​റി​മാ​റി വ​രു​ന്ന കൊ​ടും ശൈ​ത്യ​ത്തി​നും ക​ഠി​ന താ​പ​ത്തി​നു​മി​ടി​യി​ലൂ​ടെ ദുഃ​ഖ തു​രു​ത്തു​ക​ളി​ലേ​ക്ക് ഒ​റ്റ​പ്പെ​ടു​ന്ന പ്ര​വാ​സി​ക​ൾ​ക്ക്​ പ്ര​തീ​ക്ഷ​ക​ളു​ടെ ചി​റ​കും അ​വ​കാ​ശ ബോ​ധ​ത്തി​​ന്‍റെ ആ​കാ​ശ​വും ചേ​ർ​ത്തു​പി​ടി​ക്ക​ലി​​ന്‍റെ സ്​​നേ​ഹ​വു​മാ​യി മാ​റി 25 വ​ർ​ഷം പി​ന്നി​ടു​ന്ന ‘ഗ​ൾ​ഫ് മാ​ധ്യ​മ’​ത്തി​ന്‍റെ ര​ജ​ത ജൂ​ബി​ലി ആ​ഘോ​ഷം ദ​മ്മാ​മി​ൽ അ​ര​ങ്ങേ​റാ​ൻ ഇ​നി മ​ണി​ക്കൂ​റു​ക​ൾ മാ​ത്രം ബാ​ക്കി. ഒ​രു​മ​യു​ടെ മ​ഹോ​ത്സ​വ​മാ​യ ‘ഹാ​ർ​മോ​ണി​യ​സ് കേ​ര​ള’ വെ​ള്ളി​യാ​ഴ്​​ച​ ദ​മ്മാം ലൈ​ഫ്​ പാ​ർ​ക്കി​ലെ ആം​ഫി തി​യ​റ്റ​റി​ൽ ആ​ഘോ​ഷ രാ​വൊ​രു​ക്കും.

പ്ര​തി​സ​ന്ധി​ക​ളി​ലും ആ​ഘോ​ഷ​ങ്ങ​ളി​ലും ക​രം കോ​ർ​ക്കു​ന്ന മ​ല​യാ​ള മാ​ന​വി​ക​ത​ക്ക്​ ആ​ദ​ര​മ​ർ​പ്പി​ച്ചാ​ണ് പ​രി​പാ​ടി സം​ഘ​ടി​പ്പി​ക്കു​ന്ന​ത്. ഒ​രു​ക്കം പൂ​ർ​ത്തി​യാ​യ​താ​യി സം​ഘാ​ട​ക​ർ അ​റി​യി​ച്ചു. അ​ഞ്ച് വി​ഭാ​ഗ​ങ്ങ​ളി​ലാ​യി ക്ര​മീ​ക​രി​ച്ചി​രി​ക്കു​ന്ന ടി​ക്ക​റ്റു​ക​ൾ നേ​ടാ​ൻ അ​വ​സാ​ന സ​മ​യ​ങ്ങ​ളി​ലും ആ​ളു​ക​ൾ തി​ര​ക്കു​കൂ​ട്ടു​ക​യാ​ണ്.

ക​ഴി​ഞ്ഞ കാ​ല​ങ്ങ​ളി​ൽ ഗ​ൾ​ഫ് മാ​ധ്യ​മം സം​ഘ​ടി​പ്പി​ച്ച പ​രി​പാ​ടി​ക​ളു​ടെ മി​ക​വ​റി​യു​ന്ന​തി​നാ​ൽ ആ​ളു​ക​ൾ കൂ​ടു​ത​ൽ പ്ര​തീ​ക്ഷ​ക​ളോ​ടെ​യാ​ണ് ഹാ​ർ​മോ​ണി​യ​സ് കേ​ര​ള​യി​ൽ എ​ത്താ​നൊ​രു​ങ്ങു​ന്ന​തും.

അ​ഭി​ന​യ ചാ​തു​രി​യും നി​ല​പാ​ടു​ക​ളും കൊ​ണ്ട്​ ഏ​റെ ശ്ര​ദ്ധേ​യ​രാ​യ ആ​സി​ഫ്​ അ​ലി, നി​ഖി​ല വി​മ​ൽ എ​ന്നി​വ​രു​ടെ നേ​തൃ​ത്വ​ത്തി​ൽ മു​തി​ർ​ന്ന ഗാ​യ​ക​രാ​യ മ​ധു ബാ​ല​കൃ​ഷ്ണ​ൻ, സി​താ​ര കൃ​ഷ്ണ​കു​മാ​ർ എ​ന്നി​വ​രു​ൾ​പ്പെ​ടെ മി​ക​ച്ച ക​ലാ​കാ​ര​ന്മാ​രു​ടെ വ​ൻ നി​ര​യാ​ണ് മ​ഹോ​ത്സ​വ​ത്തി​ൽ ഒ​രു​മി​ക്കു​ന്ന​ത്. ഒ​പ്പം യു​വ​മാ​ന​സ​ങ്ങ​ള​ട​ക്കം എ​ല്ലാ​വി​ഭാ​ഗം ആ​സ്വാ​ദ​ക​രു​ടെ​യും പ്രി​യം നേ​ടി​യ അ​ഞ്ച് യു​വ ഗാ​യ​ക​രും.

അ​നു​ക​ര​ണ​ക​ല​യി​ൽ വി​ര​സ​ത സൃ​ഷ്​​ടി​ക്കാ​തെ ചി​രി​മ​ഴ പെ​യ്യി​ക്കാ​ൻ ക​ഴി​വു​ള്ള മ​ഹേ​ഷ് കു​ഞ്ഞു​മോ​​ന്‍റെ ഒ​റ്റ​യാ​ൾ പ്ര​ക​ട​നം ഹാ​ർ​മോ​ണി​യ​സ് കേ​ര​ള​യു​ടെ മ​റ്റൊ​രു പ്ര​ത്യേ​ക​ത​യാ​ണ്. പ​ഴ​യ ​ഗ്രീ​സ് റോ​മ​ൻ നാ​ട​ക​ങ്ങ​ൾ അ​ര​ങ്ങേ​റി​യി​രു​ന്ന മൂ​ന്ന്​ വ​ശ​ങ്ങ​ളി​ൽ​നി​ന്നും സു​ഗ​മ​മാ​യി കാ​ണാ​ൻ ക​ഴി​യു​ന്ന ത​ര​ത്തി​ൽ സം​വി​ധാ​നി​ച്ചി​ട്ടു​ള്ള ആം​ഫി തി​യ​റ്റ​ർ ഹാ​ർ​മോ​ണി​യ​സ് കേ​ര​ള​യു​ടെ കാ​ഴ്ച​ക്കാ​ർ​ക്ക് പു​തി​യ അ​നു​ഭ​വം സ​മ്മാ​നി​ക്കും.

തി​യ​റ്റ​റു​ക​ളി​ലേ​തു​പോ​ലെ ത​ട്ടു​ത​ട്ടാ​യി ക്ര​മീ​ക​രി​ച്ചി​രി​ക്കു​ന്ന സീ​റ്റു​ക​ൾ ഏ​റ്റ​വും അ​വ​സാ​ന​മെ​ത്തു​ന്ന ആ​ൾ​ക്കും സ്​​റ്റേ​ജി​ലെ പ​രി​പാ​ടി​ക​ൾ കൃ​ത്യ​മാ​യി കാ​ണു​ന്ന​തി​ന്​ സൗ​ക​ര്യ​പ്ര​ദ​മാ​കും. വ്യാ​ഴാ​ഴ്​​ച​യോ​ടെ താ​ര​ങ്ങ​ൾ ദ​മ്മാ​മി​ലെ​ത്തും. അ​വ​സാ​ന നി​മി​ഷ​ങ്ങ​ളി​ൽ ടി​ക്ക​റ്റു​ക​ൾ ക​ര​സ്ഥ​മാ​ക്കാ​നു​ള്ള ഓ​ട്ട​ത്തി​ലാ​ണ് പ്ര​വാ​സി​ക​ൾ. പ​ല​യി​ട​ങ്ങ​ളി​ലും ടി​ക്കറ്റു​ക​ൾ തീ​ർ​ന്നു​പോ​യി​യെ​ന്ന പ​രി​ഭ​വ​വും ഉ​യ​രു​ന്നു​ണ്ട്. ഏ​താ​യാ​ലും മ​ണി​ക്കൂ​റു​ക​ൾ​ക്കകം ദ​മ്മാ​മി​ൽ ഒ​രു​മ​യു​ടെ സിം​ഫ​ണി മു​ഴ​ങ്ങും.