മെഗാ ഷോക്കായി ഒരുങ്ങുന്ന സ്റ്റേജ്
ദമ്മാം: കിഴക്കൻ പ്രവിശ്യയിലെ മലയാളികൾ അതീവ സന്തോഷത്തിലാണ്. അവർ കാത്തിരുന്ന ഒരുമയുടെ മാമാങ്കം ഹാർമോണിയസ് കേരള ഇന്ന് അരങ്ങേറുന്നു. പ്രൗഢഗംഭീരമായ കിഴക്കൻ പ്രവിശ്യയിലെ പ്രവാസി സമൂഹം സാംസ്‌കാരികവും കലയും വിനോദവും സമ്മേളിക്കുന്ന ഒരുമയുടെ ഈ മഹോത്സവത്തിനായി ആകാംക്ഷയോടെ കാത്തിരിക്കുകയായിരുന്നു.
'ഗൾഫ് മാധ്യമം' രജത ജൂബിലി ആഘോഷങ്ങളുടെ ഭാഗമായാണ് ഇന്ന് (വെള്ളി) വൈകീട്ട് ദമ്മാമിലെ ലൈഫ് പാർക്കിനു സമീപത്തെ ആംഫി തിയറ്ററിൽ മലയാളത്തിന്റെ നടന ചാരുത യൂത്ത് മെഗാസ്റ്റാർ ആസിഫ് അലിയും പ്രിയ താരം നിഖില വിമലും നയിക്കുന്ന മിന്നും പ്രകടനം നടക്കുന്നത്.
ആംഫി തിയറ്ററിലേക്കുള്ള പ്രവേശനം വൈകുന്നേരം 5:30ന് ആരംഭിക്കും. കൃത്യം ഏഴ് മണിക്ക് തുടങ്ങി രാത്രി 11 വരെ ആഘോഷം നീണ്ടുനിൽക്കും. സുഗമമായ പ്രവേശനം ഉറപ്പാക്കാൻ തിയറ്ററിന് അഞ്ച് പ്രവേശന കവാടങ്ങൾ ഒരുക്കിയിട്ടുണ്ട്. ഓരോന്നിനും വ്യത്യസ്ത വിഭാഗത്തിലുള്ള അതിഥികളെ പരിപാലിക്കുന്നതിനായി രൂപകൽപന ചെയ്തിരിക്കുന്നു.
ഒരു പ്രവേശന കവാടം കലാകാരന്മാർക്കും മറ്റൊന്ന് വി.ഐ.പി അതിഥികൾക്കും ചുവന്ന പരവതാനി ടിക്കറ്റ് ഉടമകൾക്കുമായി നീക്കിവെച്ചിരിക്കുന്നു.
ഗൾഫ് മാധ്യമം ഹാർമോണിയസ് കേരളക്കായി ദമ്മാമിലെ ആംഫി തിയറ്ററിലെ ഒരുക്കങ്ങൾ
പ്ലാറ്റിനം, ഗോൾഡ്, സിൽവർ ടിക്കറ്റ് ഉടമകൾ ബാക്കി മൂന്ന് കവാടങ്ങളിലൂടെ പ്രവേശിക്കും. ഓരോരുത്തരും എളുപ്പത്തിൽ തിരിച്ചറിയുന്നതിനായി പ്രത്യേക റിസ്റ്റ് ബാൻഡ് കൈമാറും. ഇതുവരെ ടിക്കറ്റ് ലഭിക്കാത്തവർക്കായി തിയറ്ററിന് പുറത്ത് ബോക്‌സ് ഓഫിസ് ടിക്കറ്റ് വിൽപ്പനക്കായി ഉണ്ടായിരിക്കും.
ഈ വർഷത്തെ ഹാർമോണിയസ് കേരള ജീവിതകാലം മുഴുവൻ നിലനിൽക്കുന്ന ഓർമകൾ അവശേഷിപ്പിച്ചുകൊണ്ട് വരുംവർഷങ്ങളിൽ ചർച്ച ചെയ്യപ്പെടുന്ന മഹാസംഭവമാകുമെന്ന് ഉറപ്പാണ്.
ആംഫി തിയറ്റർ സാധാരണ ഓഡിറ്റോറിയങ്ങളിൽ നിന്നും ഓപൺ എയർ മൈതാനങ്ങളിൽ നിന്നും വളരെ വ്യത്യസ്‌തമായ ഒരു വേദിയാണ്. പഴയ യൂറോപ്യൻ ഓപ്പറകളുടെ ശൈലിയിൽ രൂപകൽപ്പന ചെയ്‌തിരിക്കുന്ന ഈ തിയറ്റർ അതിന്‍റെ സുഖപ്രദമായ ഇരിപ്പിടങ്ങൾ, മധ്യഭാഗത്തുള്ള ഗ്രൗണ്ട്, എല്ലാ ഇരിപ്പിടങ്ങളിൽ നിന്നും തടസ്സമില്ലാത്ത കാഴ്ച ഉറപ്പാക്കുന്ന ഒരു സ്റ്റേജ് എന്നിവ മികച്ച ആസ്വാദനം പ്രദാനം ചെയ്യുന്നു.
മുന്നിലോ പിന്നിലോ കോണിലോ, മധ്യഭാഗത്തോ എവിടെ ഇരുന്നാലും കലാവിരുന്നിന്റെ മാന്ത്രികതയിൽ പൊതിഞ്ഞ പ്രകടനത്തിന്‍റെ ഭാഗമാണെന്ന് താനെന്ന് ഓരോ പ്രേക്ഷകനും അനുഭവപ്പെടും. 5,000ത്തിലധികം പേർക്ക് ഇരിക്കാവുന്ന ആംഫി തിയറ്റർ എല്ലാ അതിഥികൾക്കും ആഴത്തിലുള്ള അനുഭവം പ്രദാനം ചെയ്യുന്നതരത്തിലാണ് രൂപകൽപന ചെയ്തിരിക്കുന്നത്.
എവിടെ ഇരുന്നാലും കാഴ്ചയും ശബ്ദ നിലവാരവും കുറ്റമറ്റതാണെന്ന് ഇത് ഉറപ്പാക്കുന്നു. അവതാരകരുടെ ശബ്ദവും സംഗീതവും ജീവസുറ്റതാക്കുന്നതിനായി ശ്രദ്ധാപൂർവമാണ് രൂപകൽപന ചെയ്തിരിക്കുന്നത്. അതേസമയം ദൃശ്യങ്ങൾ കണ്ണുകൾക്ക് വിരുന്നൊരുക്കുന്നതിനായി ഒപ്റ്റിമൈസ് ചെയ്തിരിക്കുന്നു.
ഏറ്റവും ഉയർന്ന നിലവാരത്തിലുള്ള ഇവന്‍റുകൾ സംഘടിപ്പിക്കുന്നതിന് പേരുകേട്ട 'ഗൾഫ് മാധ്യമം' പങ്കെടുക്കുന്ന എല്ലാവർക്കും ശ്രവണപരവും ദൃശ്യപരവുമായ ആനന്ദം ഉറപ്പാക്കുന്നതിനുള്ള മികച്ച സംവിധാനങ്ങൾ ഇവിടെയും ഉണ്ടാകുമെന്ന് ഉറപ്പു നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.