ഇ​ന്ത്യ​ക്ക്​ ഫു​ട്​​ബാ​ളി​ൽ പ്ര​തീ​ക്ഷി​ക്കാ​നേ​റെ -ഇ​വാ​ൻ വു​കോ​മ​നോ​വി​ച്ച്

റി​യാ​ദ്​: മീ​ഡി​യ​വ​ൺ സൂ​പ്പ​ർ​ ക​പ്പ് സീ​സ​ൺ ത്രീ ​ഉ​ദ്ഘാ​ട​ന​ത്തി​നാ​യി റി​യാ​ദി​ലെ​ത്തി​യ കേ​ര​ള ബ്ലാ​സ്റ്റേ​ഴ്സ് മു​ൻ പ​രി​ശീ​ല​ക​നാ​യ ഇ​വാ​ൻ വു​കോ​മ​നോ​വി​ച്ച്​ ‘ഗ​ൾ​ഫ്​ മാ​ധ്യ​മ’​ത്തോ​ട് സം​സാ​രി​ച്ച​തി​​ന്‍റെ പ്ര​സ​ക്ത​ഭാ​ഗ​ങ്ങ​ൾ.

ഇ​ന്ത്യ​ൻ ഫു​ട്ബാ​ളി​​ന്‍റെ സാ​ധ്യ​ത​ക​ൾ?

ക​ഴി​വു​ള്ള ഫു​ട്​​ബാ​ൾ ക​ളി​ക്കാ​രു​ള്ള നാ​ടാ​ണ് ഇ​ന്ത്യ. ഫു​ട്​​ബാ​ളി​നെ ഇ​ഷ്​​ട​പ്പെ​ടു​ന്ന പു​തു​ത​ല​മു​റ​യെ കേ​ര​ള​ത്തി​ലും മ​റ്റ്​ സം​സ്ഥാ​ന​ങ്ങ​ളി​ലും ക​ണ്ടി​ട്ടു​ണ്ട്. ക​ഴി​വു​ള്ള​വ​രെ ചെ​റു​പ്രാ​യ​ത്തി​ൽ ത​ന്നെ ക​ണ്ടെ​ത്തി അ​വ​ർ​ക്ക്​ ലോ​കോ​ത്ത​ര നി​ല​വാ​ര​ത്തി​ലു​ള്ള ഗ്രൗ​ണ്ടും പ​രി​ശീ​ല​ന​വും ന​ൽ​കാ​നു​ള്ള സം​വി​ധാ​ന​ങ്ങ​ൾ ഒ​രു​ക്കു​ക​യാ​ണ് ഫു​ട്​​ബാ​ളി​ൽ വ​ള​രാ​ൻ സാ​ധ്യ​ത​ക​ളു​ള്ള രാ​ജ്യം ചെ​യ്യേ​ണ്ട​ത്. അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത ഫു​ട്ബാ​ളി​​ന്‍റെ വ​ള​ർ​ച്ച​യെ പി​ന്നോ​ട്ട് വ​ലി​ക്കും.

ബ്ലാ​സ്​​റ്റേ​ഴ്‌​സ് ഓ​ർ​മ​ക​ൾ?

ജീ​വി​ത​ത്തി​ൽ എ​ന്നും ഓ​ർ​മി​ക്കാ​നി​ഷ്​​ട​പ്പെ​ടു​ന്ന നി​മി​ഷ​ങ്ങ​ളാ​ണ് കേ​ര​ള ബ്ലാ​സ്​​റ്റേ​ഴ്സി​ന്‍റെ കോ​ച്ചെ​ന്ന നി​ല​യി​ൽ ഇ​ന്ത്യ​യി​ൽ ചെ​ല​വ​ഴി​ച്ച വ​ർ​ഷ​ങ്ങ​ൾ സ​മ്മാ​നി​ച്ച​ത്. ലോ​ക​ത്തി​ന്‍റെ ഏ​ത്​ മൂ​ല​യി​ൽ ചെ​ന്നാ​ലും മ​ല​യാ​ളി​ക​ൾ ത​ന്നെ തി​രി​ച്ച​റി​യു​ക​യും സ്നേ​ഹം കൊ​ണ്ട്​ മൂ​ടു​ക​യും ചെ​യ്യു​ന്ന​ത്​ ഭാ​ഗ്യ​മാ​ണ്. ഇ​വി​ടെ റി​യാ​ദി​ൽ ഇ​പ്പോ​ൾ ല​ഭി​ക്കു​ന്ന സ്വീ​ക​ര​ണം ത​ന്നെ മ​ല​യാ​ളി​ക​ളു​ടെ സ്‌​നേ​ഹ​ത്തി​ന്‍റെ ഉ​ത്ത​മ ഉ​ദാ​ഹ​ര​ണ​മാ​ണ്.

കേ​ര​ള ബ്ലാ​സ്റ്റേ​ഴ്സി​ലേ​ക്ക് കോ​ച്ചാ​യി തി​രി​കെ​യെ​ത്താ​ൻ സ​ന്തോ​ഷ​മേ​യു​ള്ളൂ. ഇ​പ്പോ​ൾ കു​ടും​ബ​ത്തോ​ടൊ​പ്പം അ​വ​ധി​യി​ലാ​ണ്. ഉ​ട​ൻ ത​ന്നെ ഫു​ട്​​ബാ​ളി​ലേ​ക്ക് തി​രി​ച്ചെ​ത്തും. ഐ.​എ​സ്.​എ​ൽ ഫ്രാ​ഞ്ചൈ​സി​ക​ളെ കൂ​ടാ​തെ യൂ​റോ​പ്പി​ൽ​നി​ന്നും ക്ഷ​ണം ല​ഭി​ച്ചി​ട്ടു​ണ്ട്. ഈ ​വ​ർ​ഷാ​വ​സാ​ന​ത്തോ​ടെ ഗ്രൗ​ണ്ടി​ൽ സ​ജീ​വ​മാ​വും.

സൗ​ദി ഫു​ട്​​ബാ​ളി​ലെ മാ​റ്റ​ങ്ങ​ളെ​ക്കു​റി​ച്ച്​?

സൗ​ദി അ​റേ​ബ്യ​ൻ ഫു​ട്​​ബാ​ളി​ലെ മാ​റ്റ​ങ്ങ​ൾ ഏ​റെ ആ​ശ്ച​ര്യ​ത്തോ​ടെ​യാ​ണ് നോ​ക്കി​ക്കാണു​ന്ന​ത്. റൊ​ണാ​ൾ​ഡോ, നെ​യ്‌​മ​ർ, ബെ​ൻ​സി​മ തു​ട​ങ്ങി​യ ലോ​കോ​ത്ത​ര താ​ര​ങ്ങ​ളു​ടെ സൗ​ദി പ്രോ ​ലീ​ഗി​ലേ​ക്കു​ള്ള വ​ര​വ് സൗ​ദി​യെ ലോ​ക ഫു​ട്​​ബാ​ൾ ഭൂ​പ​ട​ത്തി​ൽ അ​ട​യാ​ള​പ്പെ​ടു​ത്തു​ന്ന​തി​ന്​ സ​ഹാ​യി​ച്ചി​ട്ടു​ണ്ട്.

2018ൽ ​ആ​ദ്യ​മാ​യി സ​ന്ദ​ർ​ശി​ച്ച​തി​ൽ നി​ന്നും നി​ര​വ​ധി ന​ല്ല മാ​റ്റ​ങ്ങ​ളാ​ണ് സൗ​ദി​യി​ൽ എ​ങ്ങും കാ​ണു​ന്ന​ത്. സൗ​ദി ഫു​ട്ബാ​ളി​ലും ഈ ​മാ​റ്റ​ങ്ങ​ൾ പ്ര​ക​ട​മാ​ണ്. വ​രും വ​ർ​ഷ​ങ്ങ​ളി​ൽ ലോ​ക ഫു​ട്​​ബാ​ളി​ലെ ച​ല​ന​ങ്ങ​ളി​ൽ സൗ​ദി​ക്കും വ​ലി​യ പ​ങ്കു​വ​ഹി​ക്കാ​നു​ണ്ടാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

മീ​ഡി​യ​വ​ൺ സൂ​പ്പ​ർ​ക​പ്പ് സീ​സ​ൺ ത്രീ ​ഉ​ദ്ഘാ​ട​ന​ത്തി​നാ​യി റി​യാ​ദി​ലെ​ത്തി​യ അ​ദ്ദേ​ഹം കാ​ണി​ക​ളെ ആ​വേ​ശം കൊ​ള്ളി​ച്ചു. കേ​ര​ള​ത്തി​ലെ ഫു​ട്​​ബാ​ൾ പ്രേ​മി​ക​ൾ​ക്കി​ട​യി​ൽ ‘ആ​ശാ​ൻ’ എ​ന്ന വി​ളി​പ്പേ​രി​ൽ അ​റി​യ​പ്പെ​ടു​ന്ന അ​ദ്ദേ​ഹം വെ​ള്ളി​യാ​ഴ്​​ച രാ​ത്രി ഒ​മ്പ​തോ​ടെ സൂ​പ്പ​ർ​ക​പ്പ് ന​ട​ക്കു​ന്ന റി​യാ​ദ്​ സു​ലൈ​യി​ലെ അ​ൽ മു​ത​വാ സ്​​റ്റേ​ഡി​യ​ത്തി​ലെ​ത്തി​യ​പ്പോ​ൾ ഗാ​ല​റി​യി​ൽ​നി​ന്ന്​ ഉ​യ​ർ​ന്ന​തും ആ​ശാ​ൻ വി​ളി​ക​ളാ​ണ്.

ത​​ന്‍റെ സ്വ​ത​സി​ദ്ധ​മാ​യ ശൈ​ലി​യി​ൽ കാ​ണി​ക​ളെ കൂ​ടെ​ക്കൂ​ട്ടി സ്​​റ്റേ​ഡി​യ​ത്തി​ൽ ആ​ര​വം തീ​ർ​ത്തു. ത​ന്‍റെ കൈ​യൊ​പ്പു​ള്ള ബാ​ളു​ക​ൾ സ്​​റ്റേ​ഡി​യ​ത്തി​െൻറ വി​വി​ധ വ​ശ​ങ്ങ​ളി​ലേ​ക്ക് അ​ടി​ച്ച​ത് കൈ​പ്പ​റ്റാ​ൻ കാ​ണി​ക​ൾ തി​ര​ക്ക് കൂ​ട്ടി. ത​ന്നെ സ​മീ​പി​ച്ച നൂ​റു​ക​ണ​ക്കി​ന് കു​രു​ന്നു​ക​ൾ​ക്ക് പ്ര​ത്യേ​ക പ​രി​ഗ​ണ​ന ന​ൽ​കി കൂ​ടെ നി​ന്ന് ഫോ​ട്ടോ​യെ​ടു​ക്കാ​നും ജേ​ഴ്സി​യി​ൽ കൈ​യൊ​പ്പ് ചാ​ർ​ത്താ​നും പ്ര​ത്യേ​കം ശ്ര​ദ്ധി​ക്കു​ന്നു​ണ്ടാ​യി​രു​ന്നു.

ആ​വേ​ശ​ത്തി​മ​ർ​പ്പി​ലാ​യ കാ​ണി​ക​ളി​ൽ​നി​ന്ന് സെ​ക്യൂ​രി​റ്റി വ​ല​യം തീ​ർ​ത്ത​വ​രോ​ട് കു​ട്ടി​ക​ളെ ക​ട​ത്തി​വി​ടാ​ൻ ആ​വ​ശ്യ​പ്പെ​ടു​ന്നു​ണ്ടാ​യി​രു​ന്നു അ​ദ്ദേ​ഹം. റി​യാ​ദി​നോ​ടും മ​ല​യാ​ളി​ക​ളോ​ടും ന​ന്ദി പ​റ​ഞ്ഞാ​ണ് ഉ​ദ്ഘാ​ട​ന ശേ​ഷം ഇ​വാ​ൻ വു​കോ​മ​നോ​വി​ച്ച്​ മ​ട​ങ്ങി​യ​ത്.