ക​ല്യാ​ണി പാ​ടി​യൊ​ഴു​കു​ന്നു, ആ​സ്വാ​ദ​ക ഹൃ​ദ​യ​ങ്ങ​ളി​ലേ​ക്ക്

ദ​മ്മാം: പാ​ട്ടു​കാ​ർ ഒ​രു​പാ​ടു​ണ്ട്. പ​​ക്ഷേ പാ​ട്ടി​ന്റെ മ​ർ​മ​മ​റി​ഞ്ഞ് ശ്രോ​താ​ക്ക​ളു​ടെ ഹൃ​ദ​യ​ത്തി​ൽ സ്വ​ര​മാ​യി പെ​യ്തി​റ​ങ്ങാ​ൻ ക​ഴി​വു​ള്ള പാ​ട്ടു​കാ​ർ അ​പൂ​ർ​വ​മാ​ണ്. ദ​മ്മാ​മി​ലെ ക​ലാ​വേ​ദി​ക​ളി​ൽ സു​പ​രി​ചി​ത​യാ​യ ക​ല്യാ​ണി ബി​നു എ​ന്ന കു​ഞ്ഞു പാ​ട്ടു​കാ​രി മെ​ല​ഡി​ക​ൾ പാ​ടു​മ്പോ​ൾ നി​ശ്ശ​ബ്ദ​മാ​യി സ​ദ​സ്സ്​ താ​ളം പി​ടി​ക്കു​ന്ന​തും അ​ടി​പൊ​ളി പാ​ട്ടു​ക​ൾ​ക്കൊ​പ്പം നൃ​ത്ത​ച്ചു​വ​ടു​ക​ൾ വെ​ക്കു​ന്ന​തും പാ​ട്ടി​​ന്റെ മ​ർ​മ​മ​റി​ഞ്ഞു​ള്ള ആ​ലാ​പ​നം കാ​ര​ണ​മാ​ണ്.

പാ​ല സ്വ​ദേ​ശി ബി​നു പു​രു​ഷോ​ത്ത​മ​ന്റെ​യും ദ​മ്മാം ഇ​ന്റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ൾ അ​ധ്യാ​പി​ക ഡോ. ​സി​ന്ധു ബി​നു​വി​​ന്റെ​യും മ​ക​ൾ ക​ല്യാ​ണി 12ാം ക്ലാ​സ്​ വി​ദ്യാ​ർ​ഥി​നി​യാ​ണ്. ദ​മ്മാ​മി​ലെ ക​ലാ​കൂ​ട്ടാ​യ്മ​ക​ളി​ൽ ഒ​ഴി​ച്ചു​കൂ​ടാ​നാ​വാ​ത്ത ഗാ​യി​ക​യാ​യി ഈ ​പെ​ൺ​കു​ട്ടി മാ​റി​ക്ക​ഴി​ഞ്ഞു.

അ​ച്ഛ​ൻ ബി​നു ഗാ​യ​ക​നാ​ണ​ങ്കി​ലും ക​ല്യാ​ണി​യു​ടെ പാ​ടാ​നു​ള്ള ക​ഴി​വ് മാ​താ​പി​താ​ക്ക​ൾ തി​രി​ച്ച​റി​ഞ്ഞി​രു​ന്നി​ല്ല. മൂ​ന്നാം ക്ലാ​സി​ൽ പ​ഠി​ക്കു​മ്പോ​ൾ കു​ടും​ബം പ​​ങ്കെ​ടു​ത്ത ഒ​രു ഒ​രു വി​വാ​ഹാ​ഘോ​ഷ​ത്തി​ൽ താ​ൻ ഒ​രു പാ​ട്ടു​പാ​ടി​ക്കോ​ട്ടേ​യെ​ന്ന് ഈ ​കു​ട്ടി സ്വ​യം ആ​വ​ശ്യ​പ്പെ​ടു​ക​യാ​യി​രു​ന്നു. അ​ന്ന് ക​ല്യാ​ണി പാ​ടി​യ പാ​ട്ടു​കേ​ട്ട് മാ​താ​പി​താ​ക്ക​ളും സ​ദ​സ്സും അ​ന്തി​ച്ചു​പോ​യി.

അ​ന്ന് മു​ത​ൽ ക​ല്യാ​ണി​യു​ടെ പാ​ട്ട് കാ​ര്യ​ത്തി​ൽ വീ​ട്ടു​കാ​ർ ശ്ര​ദ്ധി​ച്ചു തു​ട​ങ്ങി. മെ​ല​ഡി​ക​ൾ പാ​ടി​ത്തു​ട​ങ്ങി​യ ക​ല്യാ​ണി, വേ​ഗ​ത്തി​ലു​ള്ള പാ​ട്ടു​ക​ളും ശീ​ലി​ച്ച​തോ​ടെ ദ​മ്മാ​മി​ലെ ക​ലാ​വേ​ദി​ക​ളി​ൽ നി​ത്യ​ഗാ​യി​ക​യാ​യി. നൂ​റു​ക​ണ​ക്കി​ന് വേ​ദി​ക​ളി​ൽ പാ​ടി​യ ക​ല്യാ​ണി​ക്ക് ദ​മ്മാ​മി​ലെ​ത്തി​യ ഒ​ട്ടു​മി​ക്ക പ്ര​മു​ഖ പാ​ട്ടു​കാ​രോ​ടൊ​പ്പ​വും പാ​ടാ​നാ​യി.

ക​ണ്ണൂ​ർ ഷെ​രീ​ഫ്, കൊ​ല്ലം ഷാ​ഫി, സ​ലീം കോ​ട​ത്തൂ​ർ, ന​ജീം അ​ർ​ഷാ​ദ്, ഫി​റോ​സ് ബാ​ബു, രാ​ജ സാ​ഹി​ബ് തു​ട​ങ്ങി​യ​വ​രോ​ടൊ​പ്പം പാ​ടാ​ൻ അ​വ​സ​രം കി​ട്ടി. ഹി​ന്ദി പാ​ട്ടു​ക​ളും ഗ​സ​ലു​ക​ളും അ​നാ​യാ​സ​വും ഹൃ​ദ്യ​മാ​യും ആ​ല​പി​ക്കാ​നു​ള്ള ക​ഴി​വാ​ണ് ക​ല്യാ​ണി​യെ വേ​റി​ട്ടു​നി​ർ​ത്തു​ന്ന​ത്.

ജാ​ന​കി​യ​മ്മ​യും ശ്രേ​യാ ഘോ​ഷാ​ലു​മാ​ണ് ഇ​ഷ്​​ട​ഗാ​യ​ക​ർ. ജാ​ന​കി​യ​മ്മ​യു​ടെ ആ​ലാ​പ​ന ചാ​തു​രി കേ​ട്ട് ഉ​റ​ങ്ങു​ക എ​ന്ന​താ​ണ് ക​ല്യാ​ണി​യു​ടെ ദി​ന​ച​ര്യ​ക​ളി​ലൊ​ന്ന്. ശ്രേ​യ ഘോ​ഷാ​ലി​നെ​പോ​ലെ ഹൃ​ദ​യ​ത്തി​ൽ തൊ​ട്ട് പാ​ടു​ന്ന​വ​ർ അ​ധി​ക​മി​ല്ല. ഏ​ത് ഭാ​ഷ​യി​ൽ അ​വ​ർ പാ​ടി​യാ​ലും അ​വ​ർ ഉ​ച്ചാ​ര​ണ​ത്തി​ലും ഭാ​വ​ത്തി​ലും കൊ​ടു​ക്കു​ന്ന സൂ​ക്ഷ്​​മ​ത ന​മു​ക്ക് തി​രി​ച്ച​റി​യാ​നാ​വി​ല്ല. പ​ക​രം വെ​ക്കാ​നി​ല്ലാ​ത്ത​ത്ര​യും സു​ന്ദ​ര​മാ​ണ് അ​വ​രു​ടെ ആ​ലാ​പ​നം -ക​ല്യാ​ണി പ​റ​ഞ്ഞു.

എ​ൽ.​കെ.​ജി മു​ത​ൽ ദ​മ്മാം ഇ​ന്റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ളി​ലെ വി​ദ്യാ​ർ​ഥി​നി​യാ​യ ക​ല്യാ​ണി സ്കൂ​ളി​ലെ ഗാ​യ​ക സം​ഘ​ത്തി​ലെ മു​ൻ​നി​ര പാ​ട്ടു​കാ​രി​ൽ ഒ​രാ​ളാ​ണ്. ഇം​ഗ്ലീ​ഷി​ൽ ക​വി​ത​ക​ളും എ​ഴു​താ​റു​ണ്ട്. അ​വ​ധി​ക്ക് നാ​ട്ടി​ൽ പോ​കു​മ്പോ​ഴെ​ല്ലാം പ്ര​ഫ​ഷ​ന​ൽ ഗാ​ന​മേ​ള ട്രൂ​പ്പു​ക​ളി​ൽ പാ​ടാ​ൻ അ​വ​സ​രം കി​ട്ടി​യി​ട്ടു​ണ്ട്. ഏ​ക സ​ഹോ​ദ​ര​ൻ ആ​ദി​ത്യ​ൻ യു.​കെ​യി​ൽ വി​ദ്യാ​ർ​ഥി​യാ​ണ്.