കേളി കലാസാംസ്കാരിക വേദി ഉമ്മുൽ ഹമാം ഏരിയ മുറുജ് യൂനിറ്റ് അംഗമായിരിക്കെ മരിച്ച
സുദീപിന്റെ കുടുംബത്തിന് ധനസഹായം കൈമാറുന്നു
റിയാദ്: കേളി കലാസാംസ്കാരിക വേദി ഉമ്മുൽ ഹമാം ഏരിയ മുറുജ് യൂനിറ്റ് അംഗമായിരിക്കെ മരിച്ച സുദീപിന്റെ കുടുംബത്തിന് ധനസഹായം നൽകി.
മലപ്പുറം നിലമ്പൂർ ചുങ്കത്തറ കമ്പക്കല്ലിലെ സുദീപിന്റെ വീട്ടിൽ നടന്ന പരിപാടിയിൽ സി.പി.എം എടക്കര ഏരിയ സെക്രട്ടറി ടി. രവീന്ദ്രൻ കുടുംബത്തിന് ഫണ്ട് കൈമാറി. വഴിക്കടവ് ലോക്കൽ സെക്രട്ടറി എ.ടി. അലി അധ്യക്ഷത വഹിച്ചു.
റിയാദിൽ എക്സിറ്റ് എട്ടിനടുത്ത് വാഹനങ്ങളുടെ എൻജിൻ ഓയിൽ മാറ്റുന്ന ഷോപ്പ് നടത്തുകയായിരുന്ന സുദീപ് ഹൃദയാഘാതത്തെ തുടർന്ന് കഴിഞ്ഞ ഡിസംബറിൽ റിയാദിലെ സ്വകാര്യ ആശുപത്രിയിലാണ് മരിച്ചത്. കേളി രക്ഷാധികാരി സമിതിയംഗം സുരേന്ദ്രൻ കൂട്ടായി, പ്രവാസി സംഘം എടക്കര ഏരിയ സെക്രട്ടറി കരീം പോത്തുകല്ല്, പി.സി. നാഗൻ, അനിൽ മാമാങ്കര എന്നിവർ സംസാരിച്ചു.
കേളി പ്രവർത്തകരായ രാജേഷ് ചാലിയാർ, ഷഫീഖ് അങ്ങാടിപ്പുറം എന്നിവരും ചടങ്ങിൽ സന്നിഹിതരായിരുന്നു. കേളി മുൻ സെക്രട്ടറിമാരായ ഷൗക്കത്ത് നിലമ്പൂർ സ്വാഗതവും റഷീദ് മേലേതിൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.