കൊല്ലം പ്രീമിയർ ലീഗ് ധനസഹായം സുരേഷ് റാവുത്തർ നൗഷാദ് തഴവയിൽനിന്ന് ഏറ്റുവാങ്ങുന്നു
ദമ്മാം: സൗദി കിഴക്കൻ പ്രവിശ്യയിലെ കൊല്ലം ജില്ല പ്രവാസി സൗഹൃദ കൂട്ടായ്‌മ സംഘടിപ്പിച്ച കൊല്ലം പ്രീമിയർ ലീഗ് (കെ.പി.എൽ) സീസൺ രണ്ടിെൻറ വിജയത്തെ തുടർന്ന് ജീവകാരുണ്യ പ്രവർത്തനങ്ങളുടെ ഭാഗമായി കൊല്ലം ജില്ലയിലെ നിർധനരായ എട്ടു കുടുംബങ്ങൾക്ക് ധനസഹായം നൽകി. മത്സരത്തിൽ പങ്കെടുത്ത എട്ടു ടീമുകളുടെ ഓർമകൾ പങ്കുവച്ചുകൊണ്ടാണ് എട്ടു കുടുംബങ്ങളെ കണ്ടെത്തിയത്. കഴിഞ്ഞ ദിവസം സൈഹാത്ത് ഫിർദൗസ് റിസോർട്ടിൽ സംഘടിപ്പിച്ച വിജയാഘോഷ പരിപാടിയിൽ കെ.പി.എൽ ചെയർമാൻ സുരേഷ് റാവുത്തർ, പൈതൃകം പ്രസിഡൻറ് നൗഷാദ് തഴവയിൽനിന്ന് ഫണ്ട് ഏറ്റുവാങ്ങി. മുഹമ്മദ് തസീബ് ഖാൻ, സലിം ഷാഹുൽ, ബിജു സിയാദ്, ഷൈജു വിളയിൽ, നജീം ബഷീർ, ഹുസൈൻ പറമ്പിൽ, അനസ് ബഷീർ, ബാബു സലാം, അൻസാരി ബസ്സാം, നാസർ, അൻസാർ ബഷീർ, നാസർ കരാട്ടെ, രാജേഷ് ഖാൻ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.