ജിദ്ദ: സൗദിയുടെ 94ാമത് ദേശീയദിനം കൊണ്ടോട്ടി സെൻ്റർ ജിദ്ദ വിപുലമായ പരിപാടികളോടെ ആഘോഷിച്ചു. വർണാഭമായ വസ്ത്രങ്ങൾ അണിഞ്ഞും ദേശീയദിനം ആലേഖനം ചെയ്ത കേക്ക് മുറിച്ചും മധുരപലഹാരങ്ങൾ വിതരണം ചെയ്തും ശറഫിയയിലെ കല്ല് പാർക്കിൽ സംഘടിപ്പിച്ച പരിപാടിയിൽ ഇന്ത്യയുടെയും സൗദിയുടെയും ദേശീയ ഗാനമാലപിച്ചും ഘോഷയാത്ര നടത്തിയും കുടുംബിനികളും കുട്ടികളും അടക്കം നിരവധി പേർ പങ്കെടുത്തു.
ആഘോഷ പരിപാടികൾ കൊണ്ടോട്ടി സെൻ്റർ പ്രസിഡന്റ് കുഞ്ഞു കടവണ്ടി ഉദ്ഘാടനം ചെയ്തു. മാധ്യമപ്രവർത്തകൻ സാദിഖലി തുവ്വൂർ, സലിം മധുവായി, ഹസ്സൻ കൊണ്ടോട്ടി, കബീർ കൊണ്ടോട്ടി, ജംഷീർ ബാവ, റഫീഖ് മാങ്കായി, ഇർഷാദ് കളത്തിങ്ങൽ തുടങ്ങിയവർ ആശംസകൾ നേർന്നു. കബീർ നീറാട് സ്വാഗതവും പി.സി. അബു നന്ദിയും പറഞ്ഞു. കബീർ തുറക്കൽ, നൗഷാദ് ആലങ്ങാടൻ, റഫീഖ് മധുവായി, മായിൻ കുമ്മാളി, ഷാലു തുടങ്ങിയവർ പരിപാടി നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.