പാ​ട്ടു​വേ​ദി​ക​ളി​ൽ നി​റ​ഞ്ഞ്​ ‘പാ​ത്തു’

റി​യാ​ദ്: റി​യാ​ദി​ലെ ക​ലാ സാം​സ്കാ​രി​ക വേ​ദി​ക​ളി​ൽ ഒ​രു നി​റ​സാ​ന്നി​ധ്യ​മാ​ണ് ഫാ​ത്തി​മ നി​സാം എ​ന്ന കൊ​ച്ചു ഗാ​യി​ക. സം​ഗീ​ത പ്രേ​മി​ക​ളെ ത​​ന്റെ ശ​ബ്​​ദ​മാ​ധു​ര്യം കൊ​ണ്ടും പാ​ട്ടു​ക​ളു​ടെ തെ​ര​ഞ്ഞെ​ടു​പ്പു​ക​ളി​ലൂ​ടെ​യും കീ​ഴ​ട​ക്കി​യി​രി​ക്കു​ക​യാ​ണ് ഈ ​കൊ​ച്ചു​മി​ടു​ക്കി. വ​ള​രെ ചെ​റു​പ്പ​ത്തി​ലേ പാ​ട്ടു​ക​ളോ​ട് ഇ​ഷ്​​ടം കാ​ണി​ച്ചി​രു​ന്ന ഫാ​ത്തി​മ പാ​ടു​ന്ന പാ​ട്ടു​ക​ളെ​ല്ലാം സ്വ​ന്ത​മാ​യി ക​ണ്ടെ​ത്തി കേ​ട്ടു പ​ഠി​ക്കു​ക​യാ​ണ് ചെ​യ്യു​ന്ന​ത്. സോ​ളോ പാ​ട്ടു​ക​ളും റി​യാ​ദി​ലെ മു​തി​ർ​ന്ന ഗാ​യ​ക​രോ​ടാ​പ്പം യു​ഗ്​​മ പാ​ട്ടു​ക​ളും പാ​ടി സ​ദ​സ്സി​നെ കൈ​യിലെ​ടു​ത്ത് സം​ഗീ​താ​സ്വാ​ദ​ക​രു​ടെ മ​നം ക​വ​രാ​ൻ സ​മ​ർ​ഥ​യാ​ണ് ഈ ​കു​ഞ്ഞു ഗാ​യി​ക.

പ്ര​വാ​സി മ​ല​യാ​ളി ഫൗ​ണ്ടേ​ഷ​ൻ, റി​യാ​ദ് ടാ​ക്കീ​സ്, സ്നേ​ഹ​തീ​രം, ക​സ​വ് ക​ലാ​വേ​ദി, ഉ​ണ​ർ​വ്, പ്രാ​ദേ​ശി​ക കൂ​ട്ടാ​യ്മ​ക​ൾ അ​ട​ക്കം റി​യാ​ദി​ലെ വ​ലു​തും ചെ​റു​തു​മാ​യ ക​ലാ​സാം​സ്കാ​രി​ക ജീ​വ​കാ​രു​ണ്യ സം​ഘ​ട​ന​ക​ളു​ടെ വേ​ദി​ക​ളി​ലെ സ്ഥി​രം പാ​ട്ടു​കാ​രി​യാ​ണ് ‘പാ​ത്തു’. സി​നി​മാ പാ​ട്ടു​ക​ളും മാ​പ്പി​ള​പ്പാ​ട്ടു​ക​ളും ഒ​രു​പോ​ലെ കൈ​കാ​ര്യം ചെ​യ്യു​ന്ന ഈ ​കൊ​ച്ചു​മി​ടു​ക്കി ഗു​രു​ക്ക​ന്മാ​രു​ടെ കീ​ഴി​ൽ സം​ഗീ​തം ശാ​സ്ത്രീ​യ​മാ​യി അ​ഭ്യ​സി​ച്ചി​ട്ടി​ല്ല. എ​ന്നി​രു​ന്നാ​ലും പാ​ത്തു​വി​ന് എ​ല്ലാ​വി​ധ പി​ന്തു​ണ​ക​ളും ന​ൽ​കു​ന്ന​ത് മാ​താ​വ് ഫൗ​സി​യ​യാ​ണ്.

റി​യാ​ദി​ലെ അ​ൽ ആ​ലി​യ ഇ​ന്റ​ർ​നാ​ഷ​ന​ൽ സ്കൂ​ൾ യു.​കെ.​ജി വി​ദ്യാ​ർ​ഥി​യാ​യ ഈ ​കു​ഞ്ഞു​പാ​ട്ടു​കാ​രി​ക്ക് സം​ഗീ​തം പ​ഠി​ച്ച് വ​ലി​യ ഗാ​യി​ക​യാ​വാ​നാ​ണ് ആ​ഗ്ര​ഹം. ആ​ല​പ്പു​ഴ ജി​ല്ല​യി​ലെ കാ​യം​കു​ളം സ്വ​ദേ​ശി​യും റി​യാ​ദി​ലെ സൈ​റ്റ് ടെ​ക്നോ​ള​ജി ക​മ്പ​നി​യി​ലെ ഡാ​റ്റാ സെ​ന്റ​ർ സൂ​പ്പ​ർ​വൈ​സ​റു​മാ​യ നി​സാം ബ​ഷീ​റി​​ന്റെ​യും ഫൗ​സി​യ​യു​ടെ​യും മൂ​ന്ന് മ​ക്ക​ളി​ൽ ര​ണ്ടാ​മ​ത്തെ​യാ​ളാ​ണ് ഫാ​ത്തി​മ. ബി​ലാ​ൽ, എ​യ്സ​ൽ മ​റി​യം എ​ന്നി​വ​ർ സ​ഹോ​ദ​ര​ങ്ങ​ളാ​ണ്.