റിയാദ്: ജീവകാരുണ്യരംഗത്ത് റിയാദ് കേന്ദ്രമായി പ്രവർത്തിക്കുന്ന മൈത്രി കരുനാഗപ്പള്ളി കൂട്ടായ്മ 20ാം വാർഷികത്തോട് അനുബന്ധിച്ച് അർബുദ ബാധിതരായ നിർധനരായ 200 പേർക്കായി 20 ലക്ഷം രൂപയുടെ ധനസഹായം നൽകുന്ന പദ്ധതിയിലേക്ക് അപേക്ഷ സമർപ്പിക്കേണ്ട അവസാന ദിവസം വ്യാഴാഴ്ച് (ഏപ്രിൽ 10) വൈകീട്ട് അഞ്ചു വരെ ആണെന്ന് സംഘാടകർ അറിയിച്ചു.
അപേക്ഷ ഫോം വാങ്ങിയവർ അതു പൂരിപ്പിച്ച് കരുനാഗപ്പള്ളി ഗേൾസ് ഹൈസ്‌കൂളിന് സമീപം വൈദ്യുതഭവന് ഏതിർവശത്തെ ഷാലിമാർ വില്ലയിൽ പ്രവർത്തിക്കുന്ന മൈത്രി ഓഫീസിൽ തിരികെ നൽകണം.
ലഭിച്ച അപേക്ഷയിൽനിന്നും ഏറ്റവും അർഹതപ്പെട്ട 200 കാൻസർ രോഗികൾക്കാണ് ‘മൈത്രി കാരുണ്യ ഹസ്തം’ എന്ന പദ്ധതിയിലൂടെ 10,000 രൂപ വീതം നൽകുന്നതെന്നും ഏപ്രിൽ അവസാന വാരം തന്നെ ഈ തുക ഏറ്റവും അർഹതപ്പെട്ടവരിലേക്ക് എത്തിക്കുന്നതാണെന്നും പദ്ധതി ജനറൽ കൺവീനർ ഷംനാദ് കരുനാഗപ്പള്ളി, പ്രഡിഡന്റ് റഹ്‌മാൻ മുനമ്പത്ത്, ജനറൽ സെക്രട്ടറി നിസാർ പള്ളിക്കശ്ശേരിൽ, ട്രഷറർ സാദിഖ് കരുനാഗപ്പള്ളി, ജീവകാരുണ്യ കൺവീനർ അബ്ദുൽ മജീദ് എന്നിവർ വാർത്തക്കുറിപ്പിൽ അറിയിച്ചു. കൂടുതൽ വിവരങ്ങൾക്ക് 7994343560 എന്ന നമ്പറിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.