മോഹൻലാൽ ഫാൻസ് കൾചറൽ വെൽഫെയർ അസോസിയേഷൻ വനിതഘടകം പ്രഖ്യാപനയോഗത്തിൽനിന്ന്
റിയാദ്: മോഹൻലാൽ ഫാൻസ് കൾചറൽ വെൽഫെയർ അസോസിയേഷന്റെ സൗദി അറേബ്യയിലെ ആദ്യ വനിതാഘടകം റിയാദിൽ പ്രവർത്തനം ആരംഭിച്ചു. ഔദ്യോഗിക പ്രഖ്യാപനവും മോഹൻലാലിന്റെ പുതിയ സിനിമ ‘തുടരും’ ഫാൻസ് ഷോയുടെ ടിക്കറ്റ് പ്രകാശനവും റിയാദിൽ വിളിച്ചുചേർത്ത യോഗത്തിൽ നടന്നു. സംഘടനയുടെ ഭാവി ചാരിറ്റി പ്രവർത്തന പരിപാടികളെ കുറിച്ചുള്ള കൂടിയാലോചനയും റിയാദ് ശുമൈസിയിലെ കാലിക്കറ്റ് ലൈവ് റസ്റ്റാറന്റിൽ സംഘടിപ്പിച്ച യോഗത്തിൽ നടന്നു.
വനിതാഘടകം പ്രസിഡന്റ് കെ.ഇ. ബിനിത, സെക്രട്ടറി സ്റ്റെഫി സജി, വൈസ് പ്രസിഡന്റ് റിയാ ജൂഡിൻ, ജോയിന്റ് സെക്രട്ടറി മാലിനി നായർ, മെന്റർ ലിൻസു സന്തോഷ്‌ എന്നിവർ യോഗത്തിന് നേതൃത്വം നൽകി. ഗൾഫിലെ ആദ്യ വനിതാസംഘടന രൂപവത്കരിക്കാൻ സഹായിച്ച ഫാൻസ് അസോസിയേഷൻ പ്രസിഡന്റ് റോബിൻ ആറ്റിങ്ങൽ, സെക്രട്ടറി റാഹനീഷ് ബിൻ റഫീഖ്, ആക്ടിങ് പ്രസിഡന്റ് ആഷിൽ, എക്സിക്യൂട്ടിവ് മെംബർ ഡെനിസ് എന്നിവർ ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.