റി​യാ​ദി​ൽ പി​ടി​ച്ചു​പ​റി സം​ഘ​ങ്ങ​ളെ കൂ​ട്ട​ത്തോ​ടെ വ​ല​യി​ലാ​ക്കി​ പൊ​ലീ​സ്​

റി​യാ​ദ്​: സൗ​ദി ത​ല​സ്ഥാ​ന ന​ഗ​ര​ത്തി​ൽ ആ​ളു​ക​ളി​ൽ ഭ​യം വി​ത​ച്ച്​ വി​ഹ​രി​ച്ച ക​വ​ർ​ച്ച സം​ഘ​ങ്ങ​ളെ കൂ​ട്ട​ത്തോ​ടെ വ​ല​യി​ലാ​ക്കി റി​യാ​ദ്​ പൊ​ലീ​സ്. അ​ടു​ത്ത കാ​ല​ത്താ​യി പ​ട്ടാ​പ്പ​ക​ൽ പോ​ലും പു​റ​ത്തി​റ​ങ്ങാ​ൻ ആ​ളു​ക​ൾ പേ​ടി​ക്കു​ന്ന സ്ഥി​തി​യി​ൽ സൈ​ക്കി​ളി​ലും ബൈ​ക്കി​ലും കാ​റി​ലും ക​റ​ങ്ങി പി​ടി​ച്ചു​പ​റി​ക്കു​ന്ന സം​ഭ​വ​ങ്ങ​ൾ വ്യാ​പ​ക​മാ​യി​രു​ന്നു. ആ​വ​ർ​ത്തി​ക്കു​ന്ന സം​ഭ​വ​ങ്ങ​ൾ ഭ​യം ഇ​ര​ട്ടി​പ്പി​ച്ചു​കൊ​ണ്ടി​രി​ക്കെ കൊ​ള്ള​യ​ടി തൊ​ഴി​ലാ​ക്കി​യ 21 പ്ര​തി​ക​ളെ ഒ​റ്റ​യ​ടി​ക്ക്​ പൊ​ലീ​സ്​ പൊ​ക്കി​യ​ത്​ ന​ഗ​ര​വാ​സി​ക​ളി​ൽ, പ്ര​ത്യേ​കി​ച്ച്​ പ്ര​വാ​സി സ​മൂ​ഹ​ങ്ങ​ളി​ൽ വ​ലി​യ തോ​തി​ൽ ആ​ശ്വാ​സം പ​ക​ർ​ന്നി​രി​ക്കു​ക​യാ​ണ്.

വ​ഴി​യാ​ത്ര​ക്കാ​രോ​ട്​ പി​ടി​ച്ചു​പ​റി​യും വീ​ടു​ക​ൾ കൊ​ള്ള​യ​ടി​ക്ക​ലും തൊ​ഴി​ലാ​ക്കി​യ സം​ഘ​ത്തെ സൂ​ച​ന​ക​ളു​ടെ അ​ടി​സ്ഥാ​ന​ത്തി​ൽ റി​യാ​ദ്​ മേ​ഖ​ല പൊ​ലീ​സ്​ കു​റ്റാ​ന്വേ​ഷ​ണ വി​ഭാ​ഗം പി​ന്തു​ട​ർ​ന്ന്​ തൊ​ണ്ടി​മു​ത​ലു​ക​ള​ട​ക്കം പി​ടി​കൂ​ടു​ക​യാ​യി​രു​ന്നു. സു​ര​ക്ഷാ ഉ​ദ്യോ​ഗ​സ്ഥ​രാ​ണെ​ന്ന്​ പ​റ​ഞ്ഞ്​ ആ​ൾ​മാ​റാ​ട്ടം ന​ട​ത്തി​യാ​ണ്​ ഈ ​പ്ര​തി​ക​ൾ കൊ​ള്ള​യും പി​ടി​ച്ചു​പ​റി​യും ന​ട​ത്തി​വ​ന്ന​ത്. സു​ര​ക്ഷാ ഉ​പ​ക​ര​ണ​ങ്ങ​ൾ ഘ​ടി​പ്പി​ച്ച സ​ർ​ക്കാ​ർ വാ​ഹ​ന​ങ്ങ​ളെ​ന്ന്​ തോ​ന്നി​പ്പി​ക്കു​ന്ന​വ​യി​ൽ ക​റ​ങ്ങി ആ​ളു​ക​ളെ ക​ബ​ളി​പ്പി​ച്ചാ​യി​രു​ന്നു കൊ​ള്ള​യ​ടി. സു​ര​ക്ഷാ​പ​രി​ശോ​ധ​ന എ​ന്ന നാ​ട്യ​ത്തി​ൽ വീ​ടു​ക​ളി​ലും ക​ട​ക​ളി​ലും ക​യ​റി​യും കൊ​ള്ള​യ​ടി ന​ട​ത്തി. പ്ര​തി​ക​ളി​ൽ 18 പേ​ർ യ​മ​നി​ക​ളാ​ണ്. മൂ​ന്നു​ പേ​ർ സൗ​ദി പൗ​ര​ന്മാ​രും. പ്ര​തി​ക​ൾ​ക്കെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്കു​ക​യും പ​ബ്ലി​ക് പ്രൊ​സി​ക്യൂ​ഷ​ന് റ​ഫ​ർ ചെ​യ്യു​ക​യും ചെ​യ്തു.

മാ​ത്ര​മ​ല്ല അ​ടു​ത്ത​കാ​ല​ത്താ​യി ക​വ​ർ​ച്ച കേ​സു​ക​ൾ വ​ർ​ധി​ച്ച സാ​ഹ​ച​ര്യ​ത്തി​ൽ വ്യാ​പ​ക​മാ​യി ത​ന്നെ പൊ​ലീ​സ്​ വ​ല​വി​രി​ച്ച്​ അ​ന്വേ​ഷ​ണം തു​ട​രു​ക​യാ​ണ്. ന​ഗ​ര ജീ​വി​ത​ത്തി​​ന്റെ സ്വൈ​ര​ത​യെ അ​പ​ക​ട​ത്തി​ലാ​ക്കു​ന്ന ഇ​ത്ത​രം സം​ഘ​ങ്ങ​ൾ​ക്കെ​തി​രെ ശ​ക്ത​മാ​യ പൊ​ലീ​സ്​ ന​ട​പ​ടി​യു​ണ്ടാ​കു​ന്ന​ത്​ ആ​ളു​ക​ൾ​ക്ക്​ ന​ൽ​കു​ന്ന ആ​ശ്വാ​സം ചെ​റു​ത​ല്ല. മു​മ്പ്​ ബ​ത്ഹ​യി​ൽ ഭ​യം വി​ത​ച്ചി​രു​ന്ന സം​ഘ​ങ്ങ​ൾ ഇ​ക്ക​ഴി​ഞ്ഞ നാ​ളു​ക​ളി​ൽ ശു​മൈ​സി ഉ​ൾ​പ്പെ​ടെ​യു​ള്ള മ​റ്റു​ ഭാ​ഗ​ങ്ങ​ളി​ലും കാ​ൽ​ന​ട​ക്കാ​ർ​ക്കും വാ​ഹ​ന​ങ്ങ​ളി​ൽ​നി​ന്ന് പു​റ​ത്തി​റ​ങ്ങു​ന്ന​വ​ർ​ക്കും ഭീ​ഷ​ണി​യാ​യി മാ​റി​യ സം​ഭ​വ​ങ്ങ​ൾ ആ​വ​ർ​ത്തി​ച്ചി​രു​ന്നു. ഇ​രു​ളി​ൽ പ​തു​ങ്ങി​യി​രു​ന്ന്​ ആ​ക്ര​മി​ച്ച്​ പ​ണ​വും മൊ​ബൈ​ൽ ഫോ​ണും മ​റ്റും ക​വ​ർ​ന്നി​രു​ന്ന സം​ഘ​ങ്ങ​ൾ ഇ​പ്പോ​ൾ പ​ക​ലും വി​ല​സു​ന്നു. വ​ലി​യ ക​ത്തി​ക​ളും കൈ​ക​ളി​ൽ​പി​ടി​ച്ച്​ സൈ​ക്കി​ളി​ൽ റോ​ന്തു ചു​റ്റി​യാ​ണ്​ ഇ​ര​ക​ളെ അ​ക്ര​മി​ക്കു​ന്ന​ത്.

ആ​ളി​ല്ലാ​ത്ത ഗ​ല്ലി​ക​ളി​ലൂ​ടെ ക​റ​ങ്ങി ന​ട​ക്കു​ന്ന അ​ക്ര​മി​ക​ൾ ത​രം​നോ​ക്കി ക​ത്തി​യും മ​റ്റു ആ​യു​ധ​ങ്ങ​ളും കാ​ണി​ച്ച് ഭീ​ഷ​ണി​പ്പെ​ടു​ത്തി ഇ​ര​ക​ളു​ടെ കൈ​യി​ലു​ള്ള​തെ​ല്ലാം ക​വ​രു​ന്ന സം​ഭ​വ​ങ്ങ​ൾ ആ​വ​ർ​ത്തി​ക്കു​ക​യാ​ണ്. പ​ണ​മോ വ​സ്തു​ക്ക​ളോ കി​ട്ടി​യി​ല്ലെ​ങ്കി​ൽ ദേ​ഹോ​പ​ദ്ര​വ​മേ​ൽ​പ്പി​ക്കു​ക​യും ചെ​യ്യു​ന്ന​ത് പ്ര​വാ​സി​ക​ൾ​ക്കി​ട​യി​ൽ വ്യാ​പ​ക ഉ​ത്ക​ണ്ഠ​ക്ക്​ ഇ​ട​യാ​ക്കി​യി​രു​ന്നു.