യാമ്പു: ജലവിതരണ വാഹനത്തിൽനിന്ന് മലയാളി ഡ്രൈവറുടെ പണവും ഇഖാമയും വാഹനത്തിെൻറ ഇസ്തിമാറയും ഇൻഷുറൻസ് കാർഡും അടങ്ങിയ പഴ്‌സ് നഷ്ടപ്പെട്ടു. മലപ്പുറം ജില്ലയിലെ കൊടിഞ്ഞി സ്വദേശിയായ എലിമ്പാട്ടിൽ മുഹമ്മദ് മുസ്തഫയുടെ പഴ്‌സാണ് ബുധനാഴ്ച രാവിലെ ജല വിതരണം നടത്തുന്നതിനിടയിൽ വാഹനത്തിൽനിന്ന് നഷ്ടപ്പെട്ടത്. വെള്ളത്തിെൻറ ബോട്ടിലുകൾ ആവശ്യമുള്ളവർക്ക് ഫ്ലാറ്റുകളിലും റൂമുകളിലും എത്തിച്ചുകൊടുക്കാൻ വാഹനം കെട്ടിടങ്ങളുടെ അടുത്തുനിർത്തി തിരിച്ചുവരാറുള്ള മുസ്തഫക്ക് രേഖകൾ അടങ്ങുന്ന പഴ്‌സ് നഷ്ടപ്പെട്ട അനുഭവം ഏറെ പ്രയാസം സൃഷ്ടിച്ചിട്ടുണ്ട്.
പഴ്‌സിലുള്ള ആയിരത്തോളം റിയാൽ നഷ്ടപ്പെട്ടാലും കുഴപ്പമില്ലെന്നും തെൻറ ഇഖാമയും ലൈസൻസ് കാർഡും മറ്റു രേഖകളും ലഭ്യമാകുമെന്ന പ്രതീക്ഷയാണുള്ളതെന്നും മുസ്തഫ പറഞ്ഞു. സ്പോൺസറുമായി ബന്ധപ്പെട്ട് യാമ്പു പൊലീസ് സ്റ്റേഷനിൽ മുസ്തഫ പരാതി നൽകിയിട്ടുണ്ട്. നഷ്ടപ്പെട്ട രേഖകൾ ആരുടെയെങ്കിലും ശ്രദ്ധയിൽ പെട്ടാൽ 050 178 4275 ൽ വിവരം അറിയിക്കണമെന്ന് ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.