സൗദി അറേബ്യയുടെ ദേശീയദിനത്തിന്‌ അഭിവാദ്യമര്‍പ്പിച്ച് ദമ്മാം ഇന്ത്യന്‍ ഫുട്ബാൾ അസോസിയേഷന്‍ സംഘടിപ്പിച്ച
പരിപാടി ഡിഫ പ്രസിഡന്‍റ് മുജീബ് കളത്തില്‍ കേക്ക് മുറിച്ച് ഉദ്ഘാടനം ചെയ്യുന്നു
ദമ്മാം: ലക്ഷക്കണക്കിന്‌ വിദേശികള്‍ക്ക് ഉപജീവനം അരുളുന്ന സൗദി അറേബ്യയുടെ ദേശീയദിനത്തിന്‌ അഭിവാദ്യമര്‍പ്പിച്ച് ദമ്മാമിലെ പ്രവാസി കാല്‍പന്ത് പ്രേമികള്‍. ഫൈസലിയയില്‍ സംഘടിപ്പിച്ച് വരുന്ന മാഡ്രിഡ് എഫ്.സിയുടെ ഫുട്ബാൾ മേളയുടെ വേദിയിലാണ് ദമ്മാം ഇന്ത്യന്‍ ഫുട്ബാൾ അസോസിയേഷൻ (ഡിഫ) പരിപാടി സംഘടിപ്പിച്ചത്. ഡിഫ പ്രസിഡന്‍റ് മുജീബ് കളത്തില്‍ കേക്ക് മുറിച്ചു ഉദ്ഘാടനം നിർവഹിച്ചു.
സൗദി ഭരണാധികാരി സല്‍മാന്‍ രാജാവിന്‍റെയും കിരീടാവകാശി മുഹമദ് ബിന്‍ സല്‍മാന്‍റേയും നേതൃത്വത്തില്‍ വലിയ മുന്നേറ്റമാണ് രാജ്യം കൈവരിച്ചിരിക്കുന്നതെന്ന് ഡിഫ ഭാരവാഹികള്‍ പറഞ്ഞു. ഭാരവാഹികളായ വില്‍ഫ്രഡ് ആൻഡ്രൂസ്, ലിയാഖത്ത് കരങ്ങാടന്‍, മൻസൂര്‍ മങ്കട, മുജീബ് പാറമ്മല്‍, നാസര്‍ വെള്ളിയത്ത്, റിയാസ് പറളി, സഹീര്‍ മജ്ദാല്‍, ഖലീല്‍ പൊനാനി, ജാബിര്‍ ഷൗക്കത്ത് എന്നിവരും ടെക്നിക്കല്‍ കമ്മിറ്റി ആൻഡ് വെല്‍ഫെയര്‍ കമ്മിറ്റി അംഗങ്ങളായ സകീര്‍ വള്ളക്കടവ്, റിയാസ് പട്ടാമ്പി, ശരീഫ് മാണൂര്‍, അസ്സു കോഴിക്കോട്, ശുക്കൂര്‍ അല്ലിക്കല്‍, ജൗഹര്‍ കുനിയില്‍, ആശി നെല്ലിക്കുന്ന് എന്നിവരും പരിപാടിയില്‍ സംബന്ധിച്ചു. ഫത്തീൻ മങ്കട, സഫീര്‍ മണലൊടി, സമീര്‍ സാം, ശുകൂര്‍ എന്നിവര്‍ പരിപാടിക്ക് നേത്യത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.