തബൂക്ക് ഒ.ഐ.സി.സി സംഘടിപ്പിച്ച സ്വാതന്ത്ര്യദിനാഘോഷ പരിപാടി
തബൂക്ക്: ഇന്ത്യയുടെ 76-ാമത് സ്വാതന്ത്ര്യദിനത്തോടനുബന്ധിച്ച് ഒ.ഐ.സി.സി തബൂക്ക് വിപുല ആഘോഷ പരിപാടികൾ സംഘടിപ്പിച്ചു. തബൂക്ക് രാജീവ് ഗാന്ധി സെന്ററിൽവെച്ച് നടന്ന ആഘോഷ പരിപാടികൾ ശാറ തലാഥീൻ സി.യു.സി പ്രസിഡന്റ് ജോളി കുര്യൻ ഉദ്ഘാടനം ചെയ്തു.
മീഡിയ ആൻഡ് ഐ.ടി സെൽ കോഓഡിനേറ്റർ ബിബിൻ കാലായിൽ അധ്യക്ഷത വഹിച്ചു. രാജ്യത്തെ സ്വാതന്ത്ര്യത്തിലേക്ക് കൈപിടിച്ചുയർത്തിയ ഇന്ത്യൻ നാഷനൽ കോൺഗ്രസിന്റെ സംഭാവനകളെ അഭിമാനപൂർവം യോഗം അനുസ്മരിച്ചു. തുടർന്ന് അംഗങ്ങളെല്ലാവരും ചേർന്ന് കേക്ക് മുറിച്ച് സ്വാതന്ത്ര്യത്തിന്റെ മധുരം പങ്കുവെച്ചു. ജനറൽ സെക്രട്ടറി റിജേഷ് നാരായണൻ സ്വാഗതവും എക്സി. അംഗം ജയിംസ് കാപാനി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.