തനിമ അൽഖോബാർ അഖ്‌റബിയ ഏരിയയുടെ ആഭിമുഖ്യത്തിൽ നടന്ന ഈദ് സംഗമത്തിൽ ശിഹാബ് കോട്ടയം സന്ദേശം കൈമാറുന്നു
അൽഖോബാർ : തനിമ അൽഖോബാർ സോണിനു കീഴിലെ അഖ്‌റബിയ ഏരിയയുടെ ആഭിമുഖ്യത്തിൽ ഈദ് സംഗമം നടത്തി. ചെറിയ പെരുന്നാൾ നമസ്കാരത്തിനു ശേഷം ജലവിയാ പാർക്കിലാണ് സംഗമം അരങ്ങേറിയത്. നാം ഈദ് ആഘോഷിക്കുമ്പോൾ ബുദ്ധിമുട്ടുന്നവരെയും, മറ്റ് സഹായം ആവശ്യമുള്ളവരെയും നമ്മൾ ഓർക്കണമെന്ന് ഈദ് സന്ദേശം നൽകിയ ശിഹാബ് കോട്ടയം പറഞ്ഞു.
സഹായഹസ്തം നീട്ടുക, നിങ്ങളുടെ സന്തോഷം പങ്കിടുക, റമദാൻ നമ്മിൽ പകർന്ന ഉദാരതയുടെ ആത്മാവ് തുടരുക. ഈദ് ഐക്യത്തിനുള്ള സമയവുമാണ്. കുടുംബവുമായും സുഹൃത്തുക്കളുമായും അയൽക്കാരുമായും ഉള്ള നമ്മുടെ ബന്ധങ്ങൾ നാം ശക്തിപ്പെടുത്തണം. മുൻകാല പരാതികൾ ക്ഷമിക്കുക.
നമ്മുടെ സമൂഹങ്ങളിൽ സമാധാനം വ്യാപിപ്പിക്കാം. നമ്മുടെ പുഞ്ചിരികളും, ദയയുള്ള വാക്കുകളും, പ്രവൃത്തികളും ഇസ്ലാമിന്റെ സൗന്ദര്യത്തെ പ്രതിഫലിപ്പിക്കട്ടെ എന്ന് അദ്ദേഹം പറഞ്ഞു. ഏരിയ കൺവീനർ ജലീൽ അധ്യക്ഷത വഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.