സൗദിയിലെ ലുലു ഹൈപ്പർമാർക്കറ്റുകളിൽ ‘പിനോയ് ഫിയസ്റ്റ’ ഫിലിപ്പീൻസ് അംബാസഡർ അദ്നാൻ വില്ലാലുന അലൻഡോ ഉദ്ഘാടനം ചെയ്യുന്നു, ലുലു സൗദി ഡയറക്ടർ ജനറൽ ഷെഹീം മുഹമ്മദ് സമീപം
റിയാദ്: ഫിലിപ്പീൻസ് സ്വാതന്ത്ര്യദിനം ആഘോഷിക്കുന്ന വേളയിൽ സൗദി അറേബ്യയിലെ ലുലു ഹൈപ്പർമാർക്കറ്റുകളിൽ പിനോയ് ഭക്ഷ്യമേളക്ക് തുടക്കം. 'പിനോയ് ഫിയസ്റ്റ' എന്ന പേരിൽ ഒരുങ്ങിയ മേള റിയാദ് അവന്യൂ മാളിലെ ലുലു ഹൈപ്പർമാർക്കറ്റിൽ സൗദിയിലെ ഫിലിപ്പീൻസ് അംബാസഡർ അദ്നാൻ വില്ലാലുന അലൻഡോ ഉദ്ഘാടനംചെയ്തു. ലുലു സൗദി ഡയറക്ടർ ജനറൽ ഷെഹീം മുഹമ്മദും ഹൈപ്പർമാർക്കറ്റ് മാനേജ്മെന്റ് ഉദ്യോഗസ്ഥരും ചേർന്ന് അംബാസഡറെ വരവേറ്റു. ശനിയാഴ്ച വരെ നീളുന്ന മേള രാജ്യത്തെ മുഴുവൻ ലുലു ഹൈപ്പർമാർക്കറ്റുകളിലും നടക്കുന്നുണ്ട്.
തനത് ഫിലിപ്പീൻസ് ഭക്ഷ്യവിഭവങ്ങളും മറ്റ് ഉൽപന്നങ്ങളും മേളയിൽ അണിനിരന്നിട്ടുണ്ട്. ഉപഭോക്താക്കൾക്ക് നിരവധി ആനുകൂല്യങ്ങളും വിലക്കിഴിവും പ്രഖ്യാപിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.