അ​ബ്ര​ഹാ​മി​ക്​ ഫാ​മി​ലി ഹൗ​സ്​ തു​റ​ന്നു

അ​ബൂ​ദ​ബി: യു.​എ.​ഇ മു​ന്നോ​ട്ടു​വെ​ക്കു​ന്ന സ​ഹി​ഷ്ണു​ത​യെ ലോ​ക​ത്തോ​ട്​ വി​ളം​ബ​രം ചെ​യ്ത്​ അ​ബൂ​ദ​ബി​യി​ൽ അ​ബ്ര​ഹാ​മി​ക്​ ഫാ​മി​ലി ഹൗ​സ്​ തു​റ​ന്നു. സാ​ദി​യാ​ത്​ ദ്വീ​പി​ലാ​ണ്​ മ​സ്​​ജി​ദും ച​ർ​ച്ചും സി​ന​ഗോ​ഗും ഒ​രു കോ​മ്പൗ​ണ്ടി​ൽ മ​നോ​ഹ​ര​മാ​യി പ​ണി​ക​ഴി​പ്പി​ച്ച​ത്. കേ​ന്ദ്രം ഉ​ദ്​​ഘാ​ട​നം ചെ​യ്യ​പ്പെ​ട്ട​ത്​ യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ ട്വി​റ്റ​ർ വ​ഴി​യാ​ണ്​ അ​റി​യി​ച്ച​ത്. പ​ര​സ്പ​ര ബ​ഹു​മാ​നം, സ​ഹ​ക​ര​ണം, വൈ​വി​ധ്യം എ​ന്നി​വ​യു​ടെ ശ​ക്തി ഉ​പ​യോ​ഗ​പ്പെ​ടു​ത്തി പു​രോ​ഗ​തി കൈ​വ​രി​ക്കാ​ൻ രാ​ജ്യം പ്ര​തി​ജ്ഞാ​ബ​ദ്ധ​രാ​ണെ​ന്ന്​ ഉ​ദ്​​ഘാ​ട​ന കാ​ര്യം അ​റി​യി​ച്ചു​ള്ള ട്വീ​റ്റി​ൽ അ​ദ്ദേ​ഹം പ​റ​ഞ്ഞു.

പ​ഠ​ന​ത്തി​നും സം​വാ​ദ​ത്തി​നും ആ​രാ​ധ​ന​ക്കു​മു​ള്ള ഇ​ടം എ​ന്ന നി​ല​യി​ൽ അ​ബ്ര​ഹാ​മി​ക് ഫാ​മി​ലി ഹൗ​സ് രാ​ജ്യ​ത്തെ പ്ര​ധാ​ന സാം​സ്കാ​രി​ക കേ​ന്ദ്ര​മാ​യി​ത്തീ​രും. അ​ൽ അ​സ്ഹ​റി​ലെ ഗ്രാ​ൻ​ഡ് ഇ​മാം ഡോ. ​അ​ഹ്​​മ​ദ്​ അ​ൽ ത്വ​യ്യി​ബ്, ഫ്രാ​ൻ​സി​സ് മാ​ർ​പാ​പ്പ, 12ാം നൂ​റ്റാ​ണ്ടി​ലെ യ​ഹൂ​ദ ത​ത്ത്വ​ചി​ന്ത​ക​നാ​യ മോ​സ​സ് ബെ​ൻ മൈ​മ​ൺ എ​ന്നി​വ​രു​ടെ പേ​രി​ലാ​ണ്​ മൂ​ന്ന് ആ​രാ​ധ​നാ​ല​യ​ങ്ങ​ളും അ​റി​യ​പ്പെ​ടു​ക. ഇ​സ്‌​ലാം, ക്രി​സ്തു​മ​തം, യ​ഹൂ​ദ​മ​തം എ​ന്നി​വ​ക്കി​ട​യി​ൽ പ​ങ്കി​ടു​ന്ന മൂ​ല്യ​ങ്ങ​ളെ ഉ​യ​ർ​ത്തി​ക്കാ​ണി​ക്കു​ന്ന​താ​ണ് പ​ദ്ധ​തി​യു​ടെ രൂ​പ​ക​ൽ​പ​ന. മാ​ർ​ച്ച് ഒ​ന്നു മു​ത​ൽ കോ​മ്പൗ​ണ്ട് പൊ​തു​ജ​ന​ങ്ങ​ൾ​ക്കാ​യി തു​റ​ക്കും. രാ​വി​ലെ 10 മു​ത​ലാ​ണ്​ സ​ന്ദ​ർ​ശ​നം അ​നു​വ​ദി​ക്കു​ക. സ​ന്ദ​ർ​ശ​ന​ത്തി​ന് മു​ൻ​കൂ​ട്ടി ബു​ക്കി​ങ്​ ന​ട​ത്ത​ണം.