അൽ ഇബ്തിസാമ സ്കൂളിന് സഹായം അക്കാഫ് ഇവന്റസ് കൈമാറുന്നു
ഷാർജ: ഷാർജ ഇന്ത്യൻ അസോസിയേഷന്റെ കീഴിൽ പ്രവർത്തിക്കുന്ന അൽ ഇബ്തിസാമ സ്കൂളിന് പ്രതിമാസ സാമ്പത്തിക സഹായ പദ്ധതി പ്രഖ്യാപിച്ചു അക്കാഫ് ഇവന്റസ്.
ഷാർജ ഇന്ത്യൻ അസോസിയേഷൻ ഹാളിൽ നടന്ന ചടങ്ങിൽ, ഇന്ത്യൻ അസോസിയേഷൻ ഭാരവാഹികൾ, സാമൂഹിക പ്രവർത്തകർ, ഷാർജ ഇന്ത്യൻ സ്കൂൾ പ്രിൻസിപ്പൽ മഹാജൻ, ദുബൈ ഡ്യൂട്ടി ഫ്രീ വൈസ് പ്രസിഡന്റ് റാഫി പട്ടേൽ എന്നിവരുടെ സാന്നിധ്യത്തിൽ അക്കാഫ് ഇവന്റസ് പ്രസിഡൻറ് ചാൾസ് പോൾ പദ്ധതി പ്രഖ്യാപിച്ചു.
ഇബ്തിസാമ സെന്ററിലെ കുട്ടികളുടെ ജീവിതനിലവാരം ഉയർത്താനും അവർക്ക് മികച്ച വിദ്യാഭ്യാസവും സംരക്ഷണവും നൽകാനും ഉദ്ദേശിച്ചാണ് പദ്ധതി നടപ്പിലാക്കുന്നത്. ചടങ്ങിൽ ഷാർജ ഇന്ത്യൻ അസോസിയേഷൻ പ്രസിഡന്റ് നിസാർ തളങ്കര, അക്കാഫ് ഇവന്റസ് ചെയർമാൻ ഷാഹുൽ ഹമീദ്, പ്രസിഡന്റ് ചാൾസ് പോൾ, ജനറൽ സെക്രട്ടറി വി.എസ്. ബിജുകുമാർ, ചീഫ് കോഓഡിനേറ്റർ അനൂപ് അനിൽ ദേവൻ, ജോയന്റ് ട്രഷറർ ഫിറോസ് അബ്ദുള്ള, സക്കീർ ഹുസൈൻ, റെജി മോഹനൻ നായർ, ജോൺ കെ. ബേബി, ജാഫർ കണ്ണാട്ട് തുടങ്ങിയവർ പങ്കെടുത്തു.
ഷാർജ ഇന്ത്യൻ അസോസിയേഷൻ നടത്തുന്ന ഇത്തരം ജീവകാരുണ്യ പ്രവർത്തനങ്ങൾക്കും അക്കാഫ് ഇവന്റ്സ് എപ്പോഴും കരുത്തേകാൻ പ്രതിജ്ഞാബദ്ധമാണെന്ന് അക്കാഫ് പ്രസിഡന്റ് ചാൾസ് പോൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.