അബൂദബിയിലെ ഹംദാന്‍ സ്ട്രീറ്റിൽ മലബാര്‍ ഗോള്‍ഡ് ആൻഡ് ഡയമണ്ട്സിന്‍റെ നവീകരിച്ച ഷോറൂം ഇന്‍റര്‍നാഷനല്‍ ഓപറേഷന്‍സ് മാനേജിങ് ഡയറക്ടര്‍ ഷംലാല്‍ അഹ്മദ് ഉദ്ഘാടനം ചെയ്യുന്നു
ദുബൈ: അബൂദബിയിലെ ഹംദാന്‍ സ്ട്രീറ്റിൽ മലബാര്‍ ഗോള്‍ഡ് ആൻഡ് ഡയമണ്ട്സിന്‍റെ നവീകരിച്ച ഷോറൂമില്‍ ‘ആര്‍ടിസ്ട്രി’ ബ്രാന്‍ഡഡ് ജ്വല്ലറി ഷോ ആരംഭിച്ചു. ഷോറൂം റീലോഞ്ചിങ്ങിന്‍റെ ഭാഗമായുള്ള ഷോ ഏപ്രില്‍ 13വരെ നീളും. ഷോറൂമിന്‍റെ ഉദ്ഘാടനം മലബാര്‍ ഗോള്‍ഡ് ആൻഡ് ഡയമണ്ട്‌സ് ഇന്‍റര്‍നാഷനല്‍ ഓപറേഷന്‍സ് മാനേജിങ് ഡയറക്ടര്‍ ഷംലാല്‍ അഹ്മദ് നിര്‍വഹിച്ചു.
മലബാര്‍ ഗ്രൂപ് വൈസ് ചെയര്‍മാന്‍ കെ.പി. അബ്ദുല്‍ സലാം, ഹെഡ് ഓഫ് മാനുഫാക്ചറിങ് എ.കെ. ഫൈസല്‍, അബൂദബി, അൽ ഐൻ മേഖലയിലെ സോണൽ ഹെഡ് ഇ.എം. നിജാസ്, മറ്റ് മുതിര്‍ന്ന മാനേജ്മെന്‍റ് ടീം അംഗങ്ങള്‍, ഉപഭോക്താക്കള്‍, അഭ്യുദയകാംക്ഷികള്‍ എന്നിവര്‍ ചടങ്ങില്‍ സന്നിഹിതരായിരുന്നു.
ആഗോള ജ്വല്ലറി ബ്രാന്‍ഡില്‍ നിന്നുള്ള ഏറ്റവും സവിശേഷമായ ആഭരണശ്രേണികള്‍ അവതരിപ്പിക്കുന്ന ജ്വല്ലറി എക്‌സിബിഷനായ ആര്‍ട്ടിസ്ട്രി ഷോയുടെ ഭാഗമായി അബൂദബിയിലെ ആഭരണ പ്രേമികള്‍ക്ക് കമനീയമായ ആഭരണ ശേഖരങ്ങള്‍ നേരില്‍ കാണാനുള്ള അവസരമാണ് ഒരുക്കുന്നത്. സ്വര്‍ണം, വജ്രം, അമൂല്യ രത്‌നാഭരണങ്ങള്‍ എന്നിവയില്‍ രൂപകല്‍പന ചെയ്ത നെക്ലസുകള്‍, വളകള്‍, മോതിരങ്ങള്‍, കാതണികള്‍ എന്നിവയുടെ അതുല്യ ശേഖരം എക്‌സിബിഷനില്‍ കാണാം. എക്‌സിബിഷന്‍റെ ഭാഗമായി, ഉപഭോക്താക്കള്‍ക്ക് എവിടെനിന്നും വാങ്ങിയ പഴയ ഡയമണ്ട് ആഭരണങ്ങള്‍ നല്‍കി മികച്ച മൂല്യത്തില്‍ ഏറ്റവും പുതിയ ഡിസൈനുകള്‍ മാറ്റിവാങ്ങാനുള്ള അവസരവും ഒരുക്കിയിട്ടുണ്ട്.
സ്വര്‍ണം, വജ്രം, രത്‌നാഭരണങ്ങള്‍ എന്നിവയില്‍, മലബാര്‍ ഗോള്‍ഡ് ആൻഡ് ഡയമണ്ട്‌സ് എക്സ്ക്ലൂസിവ് ബ്രാന്‍ഡുകളായ മൈന്‍, ഇറ, വിരാസ്, പ്രഷ്യ, എത്‌നിക്‌സ്, ഡിവൈന്‍ ആഭരണങ്ങളുടെ വലിയ നിരതന്നെ ഒരുക്കിയിട്ടുണ്ട്. പരമ്പരാഗത, ആധുനിക, ഡെയ്‌ലി വെയര്‍ ആഭരണങ്ങള്‍ക്കൊപ്പം, 20 രാജ്യങ്ങളിലെ ഡിസൈനുകളില്‍ രൂപകല്‍പന ചെയ്ത 18കെ, 22കെ സ്വര്‍ണ, വജ്രാഭരണങ്ങളും ഷോറൂമില്‍ ലഭ്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.