പേര് പോലെ തന്നെ കാണാനും സുന്ദരിയാണ്. ഇതിന്‍റെ പൂക്കളാണ് എല്ലാവരെയും ആകർഷിക്കുന്നത്. റോസ പൂക്കളെ പോലും തോൽപ്പിക്കുന്ന ഭംഗിയാണ്. നല്ല മണവും ഉള്ള പൂക്കൾ. പൂക്കൾ ഉണ്ടാക്കുന്ന തിസിയോസ് കുടുബത്തിൽ പെട്ട ഒരു ചെടിയാണ് കാമിലിയ.
സാധാരണയായി വടക്ക്-കിഴക്ക് ഏഷ്യയിൽ ആണ് കാണുന്നത്. ജാപനീസ് കാമിലിയ എന്നാണ് പേരെങ്കിലും ചൈനയാണ് സ്വദേശം. നേരിട്ടുള്ള സൂര്യപ്രകാശം ആവശ്യമില്ലാത്ത ചെടിയാണിത്. രാവിലെയും വൈകിട്ടും ഉള്ള വെയിലാണ് നല്ലത്. വെയിൽ കൂടിയാൽ ഇലകൾക്ക് നിറ വ്യത്യാസം ഉണ്ടാകും. കടുത്ത പച്ച നിറങ്ങളിലുള്ള ഇലകളാണ്. നല്ല തിളക്കവും ഓവൽ ഓർ ലാൻസ് രൂപമാണ് ഇലകൾക്ക്.
ഇതിന്‍റെ പൂക്കൾ തന്നെ ആണ് എല്ലാവരെയും ആകർഷിക്കുന്ന പ്രധാന ഘടകം. സിംഗിൾ, ഡബിൾ, സെബി ഡെബിൾ, ഡബിൾ അല്ലെങ്കിൽ പിയോനി ഇതളുകളാണുള്ളത്. വെള്ള, പിങ്ക്, ചുവപ്പ്, മഞ്ഞ, മൾട്ടി കളർ അങ്ങനെ പല നിറങ്ങളിലും കാണാം. ലേറ്റ് വിന്‍ററിലോ സ്പ്രിങ്ങിലോ ആണ് പൂക്കൾ ഉണ്ടാകുന്നത്.
അതിക പരിചരണം ആവശ്യമില്ലാത്ത ചെടിയാണിത്. നല്ല ഡ്രൈനേജ് ഉള്ള ചെട്ടിയിൽ വെക്കണം. ഗാർഡൻ സോസയിൽ, ചകിരിച്ചോറ്, ചാണക പൊടി എന്നിവ ചേർത്ത് യോജിപ്പിച്ച് മണ്ണിൽ നടാം. എന്നും വെള്ളം ആവശ്യമാണ്. പൂക്കൾ കഴിഞ്ഞാൽ പ്രൂണിങ് ചെയ്ത് കൊടുക്കണം. എങ്കിലേ നല്ല രൂപത്തിൽ ചെടി നില്ക്കൂ.
Haseena Riyas
Youtube: Gardeneca_home
Instagram: Gardeneca_home
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.