ബഷീർ
അബൂദബി: സാമൂഹിക പ്രവർത്തകൻ ബഷീർ ചങ്ങരംകുളത്തിന്‍റെ ആകസ്മിക വേർപാടിൽ അബൂദബിയിലെ സംഘടനാ പ്രവർത്തകർ അനുശോചിച്ചു. അബൂദബിയിലെ സാമൂഹിക, സാംസ്‌കാരിക രംഗത്തെ സജീവ സാന്നിധ്യമായിരുന്ന ബഷീർ ശക്തി തിയറ്റേഴ്സിന്‍റെയും കേരള സോഷ്യൽ സെന്‍ററിന്‍റെയും സജീവ പ്രവർത്തകനായിരുന്നു.
ചങ്ങരംകുളം നിവാസികളുടെ കൂട്ടായ്മയായ ‘ചങ്ങാത്തം ചങ്ങരംകുളം’ എന്ന സംഘടനക്ക് രൂപം നൽകുന്നതിൽ മുൻനിരയിൽനിന്ന് പ്രവർത്തിച്ച അദ്ദേഹം സ്ഥാപക ഭാരവാഹികളിൽ പ്രമുഖ സ്ഥാനം വഹിച്ചിരുന്നു.
എല്ലാവരെയും ചേർത്തുനിർത്തിക്കൊണ്ട് മികച്ച സംഘാടകൻ എന്ന നിലയിൽ ഏറെ മികവ് തെളിയിച്ച വ്യക്തിത്വമായിരുന്നുവെന്ന് ലോക കേരളസഭ അംഗം അഡ്വ. അൻസാരി സൈനുദ്ദീൻ, കേരള സോഷ്യൽ സെന്‍റർ പ്രസിഡന്‍റ് എ.കെ. ബീരാൻകുട്ടി, ജനറൽ സെക്രട്ടറി നൗഷാദ് യൂസഫ്, ശക്തി തിയറ്റേഴ്സ് അബൂദബി പ്രസിഡന്‍റ് കെ.വി. ബഷീർ, ജനറൽ സെക്രട്ടറി എ.എൽ. സിയാദ് എന്നിവർ അഭിപ്രായപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.