വി.കെ. അഷറഫ്‌ ഹാജിയുടെ വിയോഗത്തിൽ തിരുവത്ര വെൽഫെയർ അസോസിയേഷൻ
നടത്തിയ അനുശോചന യോഗം
ദുബൈ: അരനൂറ്റാണ്ടിലേറെ പ്രവാസലോകത്തും തിരുവത്രയുടെ ജീവകാരുണ്യ, സാമുദായിക രംഗങ്ങളിലും നിറഞ്ഞുനിന്ന് പ്രവർത്തിക്കുകയും തിരുവത്ര വെൽഫെയർ അസോസിയേഷൻ ദുബൈ കമ്മിറ്റിക്ക് ദീർഘകാലം നേതൃത്വം നൽകുകയും ചെയ്‌ത വെൽഫെയർ ഉപദേഷ്ടാവ് വി.കെ. അഷറഫ്‌ ഹാജിയുടെ വിയോഗത്തിൽ അനുശോചനവും പ്രാർഥന സദസ്സും സംഘടിപ്പിച്ചു. ദുബൈ റീഫ് ദേര റസ്റ്റാറന്‍റിൽ ചേർന്ന യോഗത്തിന് പ്രസിഡന്‍റ് മുജീബുദ്ദീൻ സൈഫുല്ല അധ്യക്ഷത വഹിച്ചു.
സാലിഹ് ഫൈസി തിരുവത്ര പ്രാർഥനക്ക് നേതൃത്വം നൽകി. ജനറൽ സെക്രട്ടറി ഷറഫുദ്ദീൻ സ്വാഗതം പറഞ്ഞു. വൈസ് പ്രസിഡന്‍റുമാരായ ഷിഹാബ് ആലുങ്ങൽ, സക്കരിയ റഷീദ് എക്സിക്യുട്ടീവ് അംഗങ്ങളായ ഇ.വി. ഷരീഫ്, ടി.എ. ഷൗക്കർ എന്നിവർ അദ്ദേഹത്തെ അനുസ്മരിച്ചു. അഷറഫ്‌ ഹാജിയുടെ ദീർഘകാല സംഭാവനകൾ കണക്കിലെടുത്ത് ജനോപകാരപ്രദമായ സ്മാരക പദ്ധതി ആവിഷ്കരിക്കാനുള്ള യോഗത്തിന്‍റെ നിർദേശം എക്സിക്യുട്ടീവ് കമ്മിറ്റിക്ക് സമർപ്പിച്ചു. കെ.കെ. ബദറുദ്ദീൻ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.