ദുബൈ: മെട്രോയുടെ 15ാം വാർഷികത്തോടനുബന്ധിച്ചുള്ള ദുബൈ മെട്രോ സംഗീതോത്സവത്തിന്റെ നാലാം പതിപ്പ് സമാപിച്ചു. ദുബൈ മാൾ, മാൾ ഓഫ് എമിറേറ്റ്സ്, ബുർജുമാൻ, യൂനിയൻ മെട്രോ സ്റ്റേഷൻ, ദുബൈ മൾട്ടി കമ്മോഡിറ്റീസ് സെന്റർ (ഡി.എം.സി.സി) എന്നീ അഞ്ച് മെട്രോ സ്റ്റേഷനുകളിലായി 20 സംഗീതജ്ഞരുടെ നേതൃത്വത്തിലാണ് സംഗീത പരിപാടികൾ അരങ്ങേറിയത്. സ്റ്റേഷനുകൾക്ക് പുറമേ മെട്രോ ട്രെയ്നുകളിലും സംഗീതജ്ഞർ പ്രകടനങ്ങൾ നടത്തിയിരുന്നു.
സമാപിച്ചുസംഗീത പ്രതിഭകളെ നേരിട്ട് കാണാനും സർഗാത്മകത ആസ്വദിക്കാനും ഒട്ടേറെ പേരാണ് വൈകുന്നേരങ്ങളിൽ മെട്രോ സ്റ്റേഷനുകളിലെ സംഗീത വേദിളിലെത്തിയത്. സംഗീതത്തിന്റെയും സാംസ്കാരിക വൈവിധ്യത്തിന്റെയും ആഘോഷമാണ് ദുബൈ മെട്രോ സംഗീതോത്സവം. ദുബൈ റോഡ് ഗതാഗത അതോറിറ്റി (ആർ.ടി.എ) സഹകരണത്തോടെ ദുബൈ സർക്കാർ മീഡിയ ഓഫിസിന്റെ സർഗാത്മത വിഭാഗമായ ബ്രാൻഡ് ദുബൈയിയാണ് പരിപാടി സംഘടിപ്പിക്കുന്നത്. ആഘോഷങ്ങളുടെ ഭാഗമായി ആർ.ടി.എ പ്രത്യേക നോൾ കാർഡുകളും പുറത്തിറക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.