കെ.സി.സി റാക് സോണിന്റെ നേതൃത്വത്തില്‍ നടന്ന നോമ്പ് ധ്യാനത്തോടനുബന്ധിച്ച് വൈദികര്‍ക്ക് ഒരുക്കിയ യാത്രയയപ്പ്
റാസല്‍ഖൈമ: കേരള ക്രിസ്ത്യന്‍ കൗണ്‍സില്‍(കെ.സി.സി) റാക് സോണിന്റെ നേതൃത്വത്തില്‍ നോമ്പ് ധ്യാനവും സ്ഥലം മാറി പോകുന്ന വൈദികര്‍ക്ക് യാത്രയയപ്പ് സമ്മേളനവും നടന്നു. അല്‍ നഖീല്‍ സെന്‍റ് മേരീസ് ഇന്ത്യന്‍ ഓര്ത്തഡോക്സ് പള്ളിയില്‍ സന്ധ്യാ നമസ്കാരത്തിനുശേഷം നടന്ന ധ്യാന യോഗത്തില് കെ.സി.സി റാക് സോണ് പ്രസിഡന്‍റ് ഫാ. സിറില്‍ വര്‍ഗീസ് വടക്കടത്ത് അധ്യക്ഷത വഹിച്ചു.
സി.എസ്.ഐ ഇടവക വികാരി റവ. സുനില്‍ രാജ് ഫിലിപ്പ് മുഖ്യ സന്ദേശം നല്‍കി. യാത്രയയപ്പ് സമ്മേളനത്തില്‍ ഫാ. ജോയ് മേനാചേരില്‍ അധ്യക്ഷത വഹിച്ചു. ആനി ഫിലിപ്പ്, ഗീവര്‍ഗീസ് ടി. സാം, അബിന്‍ ചാക്കോ, ഷൈജു ജോണ്, ജോര്ജ് സാമുവല്‍, ഡെജി പൗലോസ് എന്നിവര്‍ സംസാരിച്ചു. സുനില്‍ ചാക്കോ പ്രശസ്തി ഫലകം വിതരണം ചെയ്തു.
സിറില്‍ വര്‍ഗീസ് വടക്കടത്ത്, ബ്ലസി കൊച്ചമ്മ എന്നിവര്‍ മറുപടി പ്രസംഗം നടത്തി. അജി സ്കറിയ സ്വാഗതവും ഷാജി തോമസ് നന്ദിയും പറഞ്ഞു. സന്തോഷ് മാത്യു, മോന്സി ജേക്കബ്, ഷാജു മിഥുന്‍, നിം എബ്രഹാം, റോബിന് വര്‍ഗീസ് എന്നിവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.