ദുബൈ: യു.എ.ഇയില്‍ കര്‍ത്തവ്യനിര്‍വഹണത്തിനിടെയുണ്ടായ അപകടത്തില്‍ സായുധസേനയിലെ നാലു അംഗങ്ങള്‍ മരിച്ചതായി യു.എ.ഇ പ്രതിരോധ മന്ത്രാലയം അറിയിച്ചു. ഒമ്പത് പേര്‍ക്ക് പരിക്കേറ്റു. ചൊവ്വാഴ്ച വൈകീട്ടാണ് അപകടം. പരിക്കേറ്റവരെ ഉടന്‍ ആശുപത്രിയിലേക്ക് മാറ്റിയതായും ആവശ്യമായ വൈദ്യസഹായം നല്‍കുന്നുണ്ടെന്നും മന്ത്രാലയം വ്യക്തമാക്കി. പരിക്കേറ്റ സൈനികർ വേഗത്തില്‍ സുഖം പ്രാപിക്കുമെന്ന പ്രത്യാശയും പ്രകടിപ്പിച്ചു.
ധീരസൈനികരുടെ വിയോഗത്തില്‍ പ്രതിരോധ മന്ത്രാലയം അനുശോചനം രേഖപ്പെടുത്തുകയും രക്തസാക്ഷികളുടെ കുടുംബങ്ങള്‍ക്ക് അനുശോചനം അറിയിക്കുകയും ചെയ്തിട്ടുണ്ട്. ഫെബ്രുവരിയില്‍ സൊമാലിയയിലുണ്ടായ ഭീകരാക്രമണത്തില്‍ യു.എ.ഇ സായുധസേനയിലെ നാലു അംഗങ്ങളും ഒരു ബഹ്‌റൈന്‍ ഉദ്യോഗസ്ഥനും കൊല്ലപ്പെട്ടിരുന്നു.
കേണല്‍ മുഹമ്മദ് അല്‍ മന്‍സൂരി, അണ്ടർ സെക്രട്ടറി വണ്‍ മുഹമ്മദ് അല്‍ ഷംസി, അണ്ടർ സെക്രട്ടറി വണ്‍ ഖലീഫ അല്‍ ബലൂഷി, കോര്‍പറല്‍ സുലൈമാന്‍ അല്‍ ഷെഹി എന്നിവര്‍ സൊമാലിയന്‍ സായുധസേനയെ പരിശീലിപ്പിക്കുന്നതിനും യോഗ്യത നേടുന്നതിനുമുള്ള ചുമതലകള്‍ വഹിക്കുമ്പോഴായിരുന്നു ആക്രമണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.