കോസ്മോ ട്രാവല്‍സിന്‍റെ പുതിയ സെയില്‍സ് ഓഫിസ് റാസല്‍ഖൈമയിലെ അൽ നഖീലിൽ റാക് സിവില്‍ ഏവിയേഷന്‍ വകുപ്പ് ചെയര്‍മാന്‍ എൻജിനീയര്‍ ശൈഖ് സാലിം ബിന്‍ സുല്‍ത്താന്‍ ബിന്‍ സഖര്‍ ആല്‍ ഖാസിമി ഉദ്ഘാടനം ചെയ്യുന്നു
റാസല്‍ഖൈമ: എയര്‍ അറേബ്യ ഗ്രൂപ്പിന്‍റെ ഉടമസ്ഥതയിലുള്ള പ്രശസ്ത ട്രാവല്‍ ഏജന്‍റായ കോസ്മോ ട്രാവല്‍സിന്‍റെ പുതിയ സെയില്‍സ് ഓഫീസ് റാസല്‍ഖൈമ അല്‍ നഖീലില്‍ പ്രവര്‍ത്തനം തുടങ്ങി. റാക് സിവില്‍ ഏവിയേഷന്‍ വകുപ്പ് ചെയര്‍മാന്‍ എൻജിനീയര്‍ ശൈഖ് സാലിം ബിന്‍ സുല്‍ത്താന്‍ ബിന്‍ സഖര്‍ ആല്‍ ഖാസിമി കോസ്മോ ട്രാവല്‍സിന്‍റെ പുതിയ ശാഖയുടെ ഉദ്ഘാടനം നിര്‍വഹിച്ചു. വിനോദ-വ്യവസായ മേഖലയില്‍ ത്വരിതഗതിയില്‍ വികസന പ്രവര്‍ത്തനങ്ങള്‍ നടക്കുന്ന എമിറേറ്റായ റാസല്‍ഖൈമയില്‍ വിപുല സൗകര്യങ്ങളോടെ കേന്ദ്രമാരംഭിക്കുന്നതില്‍ അഭിമാനമുണ്ടെന്ന് എയര്‍ അറേബ്യ ജനറല്‍ സെയില്‍സ് ഏജന്‍റ് കോസ്മോ ട്രാവല്‍സ് സി.ഇ.ഒ ജമാല്‍ അബ്ദുന്നാസര്‍ അഭിപ്രായപ്പെട്ടു.
വേഗത്തിലുള്ള മികച്ച സേവനമാണ് കോസ്മോ ട്രാവല്‍സിന്‍റെ മുഖമുദ്ര. തങ്ങളുടെ വളര്‍ച്ചയില്‍ കൂടെ നിന്ന എല്ലാ വിഭാഗം ആളുകള്‍ക്കും സ്ഥാപനങ്ങള്‍ക്കും ജമാല്‍ അബ്ദുന്നാസര്‍ നന്ദി അറിയിച്ചു. ടിക്കറ്റ്, സന്ദര്‍ശക വിസ സേവനങ്ങളും ലോകത്തിന്റെ ഏത് കോണിലേക്കുമുള്ള യാത്രക്ക് വേണ്ട സർവ സേവനങ്ങളും റാക് അല്‍ നഖീലിലെ പുതിയ കോസ്മോ ട്രാവല്‍സ് കേന്ദ്രത്തില്‍ ലഭിക്കുമെന്ന് ബ്രാഞ്ച് മാനേജര്‍ അബ്ദുല്‍ലത്തീഫ് പറഞ്ഞു. എയർ അറേബ്യ ഫ്ലൈറ്റിൽ ഷാർജ വിമാനത്താവളം വഴി യാത്രചെയ്യുന്നവർക്ക് യാത്ര സമയത്തിന്‍റെ 36 മണിക്കൂറിനുള്ളിൽ റാസൽ ഖൈമ കോസ്മോ ട്രാവൽ എയർ അറേബ്യ സിറ്റി ചെക്ക് ഇൻ ഓഫിസിൽ വന്ന് ബാഗേജുകൾ നൽകി ബോർഡിങ് പാസ് കൈപ്പറ്റാം.
ദിവസത്തിൽ മൂന്ന് തവണ ഷാർജ വിമാനത്താവളത്തിലേക്കും തിരിച്ചു റാസൽ ഖൈമയിലേക്കും ബസ് സർവിസ് ലഭ്യമാണെന്നും കോസ്മോ ട്രാവൽസ് അധികൃതർ അറിയിച്ചു.എയര്‍ അറേബ്യ ഗ്രൂപ് സി.ഇ.ഒ ആദില്‍ അബ്ദുല്ല അലി, റാക് ഇന്ത്യന്‍ അസോസിയേഷന് പ്രസിഡന്‍റ് എസ്.എ. സലിം, റാസല്‍ഖൈമയിലെ വിവിധ കൂട്ടായ്മകളുടെയും സ്ഥാപനങ്ങളുടെയും മേധാവികളും പ്രവര്‍ത്തകരും ചടങ്ങില്‍ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.