ഒളവറ പ്രവാസി കൂട്ടായ്മ കുടുംബസംഗമത്തിൽ ഒരുമിച്ച് കൂടിയവർ
ദുബൈ: യു.എ.ഇ ഒളവറ പ്രവാസി കൂട്ടായ്മയുടെ നേതൃത്വത്തിൽ ‘ഒരുമയോടെ ഒളവറ’ എന്ന പേരിൽ ഏഴാമത് കുടുംബസംഗമം സംഘടിപ്പിച്ചു. ഡിസംബർ ഒന്നിന് ദുബൈ ആഷിയാന ഫാം ഹൗസിൽ നടന്ന സംഗമത്തിൽ ജാതി, മത, രാഷ്ട്രീയ ഭേദമെന്യേ മുന്നൂറോളം ഒളവറ സ്വദേശികൾ ഒത്തുചേർന്നു. രാവിലെ ഒമ്പതിന് തുടങ്ങിയ പരിപാടി രാത്രി 12 ഓടെ അവസാനിച്ചു.
പ്രോഗ്രാമിൽ പങ്കെടുക്കാനായി എത്തിയ വ്യവസായ പ്രമുഖരായ എസ്.എൻ. അഹമ്മദ്, അബ്ദുൽ റഹീം ഹാജി, പി.എം. അബ്ദുൽ സലാം, കെ.പി. മുകുന്ദൻ, അഞ്ചില്ലത്ത് മുഹമ്മദ്‌, നളിനാക്ഷൻ ഒളവറ, റഫീഖ് ഒളവറ, വി. അബ്ദുൽ റസാഖ് എന്നിവരെ ആദരിച്ചു. ചെയർമാൻ പി.എം. നൂറുദ്ദീൻ അധ്യക്ഷതവഹിച്ചു. കുവൈത്ത് പ്രതിനിധി നളിനാക്ഷൻ ഒളവറ ഉദ്ഘാടനം നിർവഹിച്ചു. സ്വാഗതസംഘം കമ്മിറ്റി ജനറൽ കൺവീനർ എം. അബ്ദുൽ ഷുക്കൂർ സ്വാഗതവും ഒളവറ പ്രവാസി കൂട്ടായ്മ കമ്മിറ്റി ജനറൽ സെക്രട്ടറി എം.വി. റംഷാദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.