ശൈഖ് മുഹമ്മദ് ബിൻ സായിദ് ആൽ നഹ്യാൻ
അബൂദബി: സഹിഷ്ണുതയും പരസ്പരം മനസ്സിലാക്കലും മികച്ച ഭാവി കെട്ടിപ്പടുക്കാൻ സഹായിക്കുമെന്നും അതു തുടരുന്നതിന് താൻ പ്രതിജ്ഞാബദ്ധമാണെന്നും അബൂദബി കിരീടാവകാശിയും യു.എ.ഇ സായുധസേനയുടെ ഡെപ്യൂട്ടി സുപ്രീം കമാൻഡറുമായ ശൈഖ് മുഹമ്മദ് ബിൻ സായിദ് ആൽ നഹ്യാൻ.
അന്താരാഷ്ട്ര സാഹോദര്യദിനമായ ഫെബ്രുവരി നാലിന് ട്വിറ്ററിൽ നടത്തിയ പ്രസ്താവനയിലാണ് അദ്ദേഹം ഇക്കാര്യം വ്യക്തമാക്കിയത്.
സഹകരിച്ചു പ്രവർത്തിക്കുന്നതിലൂടെ ലോകത്തിന് ഏതു സങ്കീർണമായ വെല്ലുവിളികളെയും നേരിടാനും ലോകത്തിനാകെ സമാധാനവും ഐശ്വര്യവും ലഭ്യമാക്കാനും കഴിയുമെന്നും അദ്ദേഹം പറഞ്ഞു.
യു.എസ് പ്രസിഡന്‍റ് ജോ ബൈഡൻ, ഫ്രാൻസിസ് മാർപാപ്പ, അൽ അസ്ഹർ ഗ്രാൻഡ് ഇമാം ഡോ. അഹ്മദ് അൽ ത്വയ്യിബ് തുടങ്ങിയവരും സാഹോദര്യ മൂല്യം നിലനിർത്തുന്നതിന് ആഹ്വാനം ചെയ്തു.
അതിനിടെ ബെയ്ജിങ്ങിൽ നടക്കുന്ന ശൈത്യകാല ഒളിമ്പിക്സിന്‍റെ ഉദ്ഘാടനത്തിൽ സംബന്ധിക്കുന്നതിനായി ശൈഖ് മുഹമ്മദ് ബിൻ സായിദ് ചൈനയിലെത്തി. ചൈനീസ് പ്രസിഡന്‍റ് ഷി ജിൻപിങ്ങിന്‍റെ ക്ഷണം സ്വീകരിച്ചാണ് അബൂദബി കിരീടാവകാശി ചൈനയിലെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.