മാ​ർ​പാ​പ്പ​യു​ടെ നി​ര്യാ​ണം; അ​നു​ശോ​ചി​ച്ച്​ ഭ​ര​ണാ​ധി​കാ​രി​ക​ൾ

ദു​ബൈ: പോ​പ്പ്​ ഫ്രാ​ൻ​സി​സ്​ മാ​ർ​പാ​പ്പ​യു​ടെ നി​ര്യാ​ണ​ത്തി​ൽ അ​നു​ശോ​ചി​ച്ച്​ യു.​എ.​ഇ ഭ​ര​ണാ​ധി​കാ​രി​ക​ൾ. യു.​എ.​ഇ ​പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ എ​ക്സ്​ അ​ക്കൗ​ണ്ടി​ലെ കു​റി​പ്പി​ൽ ലോ​ക​ത്താ​ക​മാ​ന​മു​ള്ള ക​ത്തോ​ലി​ക്ക വി​ശ്വാ​സി​ക​ൾ​ക്ക്​ അ​നു​ശോ​ച​ന​മ​റി​യി​ച്ചു.

സ​മാ​ധാ​ന​പൂ​ർ​ണ​മാ​യ സ​ഹ​വ​ർ​ത്തി​ത്വ​വും​പ​ര​സ്പ​രം മ​ന​സ്സി​ലാ​ക്ക​ലും പ്രോ​ത്സാ​ഹി​പ്പി​ച്ച ജീ​വി​ത​മാ​യി​രു​ന്നു മാ​ർ​പാ​പ്പ​യു​ടേ​തെ​ന്നും അ​ദ്ദേ​ഹം അ​നു​സ്മ​രി​ച്ചു. നി​ര്യാ​ണ വാ​ർ​ത്ത ഏ​റെ ദുഃ​ഖി​പ്പി​ക്കു​ന്ന​താ​ണെ​ന്ന് യു.​എ.​ഇ വൈ​സ്​ പ്ര​സി​ഡ​ന്‍റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം എ​ക്സ്​ അ​ക്കൗ​ണ്ടി​ൽ കു​റി​ച്ചു.

അ​നു​ക​മ്പ​യി​ലൂ​ടെ​യും സ​മാ​ധാ​ന​ത്തോ​ടു​ള്ള പ്ര​തി​ബ​ദ്ധ​ത​യി​ലൂ​ടെ​യും എ​ണ്ണ​മ​റ്റ ജീ​വി​ത​ങ്ങ​ളെ സ്പ​ർ​ശി​ച്ച മ​ഹാ​നാ​യ നേ​താ​വാ​യി​രു​ന്നെ​ന്നും, മാ​ന​വി​ക​ത​യു​ടെ​യും മ​താ​ന്ത​ര ഐ​ക്യ​ത്തി​ലെ​യും മാ​ർ​പാ​പ്പ​യു​ടെ പൈ​തൃ​കം ലോ​ക​ത്താ​ക​മാ​ന​മു​ള്ള ധാ​രാ​ളം സ​മൂ​ഹ​​ങ്ങ​ളെ പ്ര​ചോ​ദി​പ്പി​ക്കു​മെ​ന്നും അ​ദ്ദേ​ഹം അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു.യു.​എ.​ഇ​യു​മാ​യി സൗ​ഹാ​ർ​ദ​പൂ​ർ​വ​മാ​യ ബ​ന്ധം സൂ​ക്ഷി​ച്ച മാ​ർ​പാ​പ്പ 2019 ഫെ​ബ്രു​വ​രി​യി​ൽ രാ​ജ്യം സ​ന്ദ​ർ​ശി​ച്ചി​രു​ന്നു. ഇ​തോ​ടൊ​നു​ബ​ന്ധി​ച്ച്​ അ​ബൂ​ദ​ബി​യി​ലെ സാ​യി​ദ്​ സ്​​പോ​ർ​ട്​​സ്​ സി​റ്റി​യി​ൽ ന​ട​ന്ന ച​ട​ങ്ങി​ൽ 1.8 ല​ക്ഷം പേ​രാ​ണ്​ ഒ​ഴു​കി​യെ​ത്തി​യ​തെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്​. 40,000 പേ​ർ​ക്ക് ഇ​രി​ക്കാ​വു​ന്ന സ്റ്റേ​ഡി​യം നി​റ​ഞ്ഞു​ക​വി​യു​ക​യാ​യി​രു​ന്നു. മ​റ്റു​ള്ള​വ​ർ​ക്ക്​ ആ​യി​ര​ക്ക​ണ​ക്കി​ന് സ​ന്ന​ദ്ധ​പ്ര​വ​ർ​ത്ത​ക​രു​ടെ സ​ഹാ​യ​ത്തോ​ടെ സ്റ്റേ​ഡി​യ​ത്തി​ന് പു​റ​ത്ത് കൂ​റ്റ​ൻ സ്‌​ക്രീ​നു​ക​ളി​ൽ കു​ർ​ബാ​ന വീ​ക്ഷി​ക്കാ​ൻ സൗ​ക​ര്യ​മൊ​രു​ക്കു​ക​യാ​യി​രു​ന്നു. ആ​ത്മീ​യ​മാ​യ ച​ട​ങ്ങ്​ എ​ന്ന​തോ​ടൊ​പ്പം സ​മാ​ധാ​ന​ത്തി​ന്റെ​യും സ​ഹി​ഷ്ണു​ത​യു​ടെ​യും പ്ര​ദ​ർ​ശ​നം കൂ​ടി​യാ​യി​രു​ന്നു അ​ത്. യു.​എ.​ഇ സ​ഹി​ഷ്ണു​താ- സ​ഹ​വ​ർ​ത്തി​ത്വ​കാ​ര്യ മ​ന്ത്രി ശൈ​ഖ്​ ന​ഹ്​​യാ​ൻ ബി​ൻ മു​ബാ​റ​ക് ആ​ൽ ന​ഹ്​​യാ​നും ച​ട​ങ്ങി​ന്​ സാ​ക്ഷി​യാ​യി​രു​ന്നു.

ഡോ. ​ആ​സാ​ദ് മൂ​പ്പ​ന്‍ അ​നു​ശോ​ചി​ച്ചു

ദു​ബൈ: പോ​പ്പ് ഫ്രാ​ന്‍സി​സി​ന്‍റെ വി​യോ​ഗ​ത്തി​ല്‍ ആ​സ്റ്റ​ര്‍ ഡി.​എം ഹെ​ല്‍ത്ത് കെ​യ​ർ സ്ഥാ​പ​ക ചെ​യ​ർ​മാ​ൻ ഡോ. ​ആ​സാ​ദ്​ മൂ​പ്പ​ൻ ദുഃ​ഖം രേ​ഖ​പ്പെ​ടു​ത്തി. ക​രു​ണ​യും ദീ​ര്‍ഘ​വീ​ക്ഷ​ണ​വു​മു​ള്ള ഒ​രു നേ​താ​വാ​യി​രു​ന്നു അ​ദ്ദേ​ഹം.

വി​ന​യം, ഐ​ക്യം, സ​മാ​ധാ​ന​ത്തോ​ടു​ള്ള അ​ച​ഞ്ച​ല​മാ​യ പ്ര​തി​ബ​ദ്ധ​ത എ​ന്നി​വ കൈ​മു​ത​ലാ​ക്കി​യ അ​ദ്ദേ​ഹ​ത്തി​ന്‍റെ പാ​ര​മ്പ​ര്യം ലോ​ക​മെ​മ്പാ​ടും ആ​ഴ​ത്തി​ലു​ള്ള സ്വാ​ധീ​നം ചെ​ലു​ത്തി​യി​ട്ടു​ണ്ട്.

സ​ഹി​ഷ്ണു​ത​ക്കും മ​ത​സൗ​ഹാ​ര്‍ദ​ത്തി​നും ഏ​റെ പ്രാ​ധാ​ന്യം ന​ല്‍കു​ന്ന രാ​ജ്യ​മാ​യ യു.​എ.​ഇ​യി​ലേ​ക്ക് 2019ല്‍ ​അ​ദ്ദേ​ഹം ന​ട​ത്തി​യ ച​രി​ത്ര​പ​ര​മാ​യ സ​ന്ദ​ര്‍ശ​നം നാം ​വി​ല​മ​തി​ക്കു​ന്ന സ​ഹ​വ​ര്‍ത്തി​ത്വ​ത്തി​ന്‍റെ​യും പ​ര​സ്പ​ര ബ​ഹു​മാ​ന​ത്തി​ന്‍റെ​യും മൂ​ല്യ​ങ്ങ​ളെ ശ​ക്തി​പ്പെ​ടു​ത്തു​ന്ന നി​ര്‍ണാ​യ​ക മു​ഹൂ​ര്‍ത്ത​മാ​യി മാ​റി​യി​രു​ന്നെ​ന്നും അ​ദ്ദേ​ഹം പ​റ​ഞ്ഞു.

ഇ​ന്ത്യ​ൻ അ​സോ​സി​യേ​ഷ​ൻ ഷാ​ർ​ജ

ഷാ​ർ​ജ: മാ​ർ​പാ​പ്പ​യു​ടെ നി​ര്യാ​ണ​ത്തി​ൽ ഇ​ന്ത്യ​ൻ അ​സോ​സി​യേ​ഷ​ൻ ഷാ​ർ​ജ അ​നു​ശോ​ചി​ച്ചു. വി​ന​യ​ത്തി​ന്‍റെ​യും കാ​രു​ണ്യ​ത്തി​ന്‍റെ​യും സാ​ർ​വ​ത്രി​ക സ്​​നേ​ഹ​ത്തി​ന്‍റെ​യും പ്ര​തീ​ക​മാ​യി​രു​ന്ന പാ​പ്പ ശ​ബ്​​ദ​മി​ല്ലാ​ത്ത​വ​ർ​ക്കും പാ​ർ​ശ്വ​വ​ത്​​ക​രി​ക്ക​പ്പെ​ട്ട​വ​ർ​ക്കും​വേ​ണ്ടി​യാ​ണ്​ നി​ല​കൊ​ണ്ട​​തെ​ന്ന്​ ഇ​ന്ത്യ​ൻ അ​സോ​സി​യേ​ഷ​ൻ ഷാ​ർ​ജ പ്ര​സി​ഡ​ന്‍റ്​ നി​സാ​ർ ത​ള​ങ്ക​ര പ​റ​ഞ്ഞു. അ​ദ്ദേ​ഹ​ത്തി​ന്‍റെ വി​യോ​ഗം കാ​ത്തോ​ലി​ക്ക സ​മൂ​ഹ​ത്തി​ന്​ മാ​ത്ര​മ​ല്ല, മാ​ന​വ​രാ​ശി​ക്ക്​ മൊ​ത്ത​ത്തി​ൽ അ​ഗാ​ധ​മാ​യ ദുഃ​ഖ​ത്തി​ന്‍റെ നി​മി​ഷ​മാ​ണെ​ന്നും അ​ദ്ദേ​ഹം പ​റ​ഞ്ഞു.

മാ​ർ​പാ​പ്പ​യു​ടെ വി​യോ​ഗ​ത്തി​ൽ ഓ​ർ​മ അ​നു​ശോ​ച​നം

ദു​ബൈ: അ​ടി​ച്ച​മ​ർ​ത്ത​ലി​നും ചൂ​ഷ​ണ​ത്തി​നും വി​ധേ​യ​മാ​കു​ന്ന മു​ഴു​വ​ൻ മ​നു​ഷ്യ വി​ഭാ​ഗ​ങ്ങ​ളോ​ടും ഐ​ക്യ​ദാ​ർ​ഢ്യം പു​ല​ർ​ത്തി​യ, അ​വ​ർ​ക്കു​വേ​ണ്ടി വാ​ദി​ച്ച വ്യ​ക്തി​ത്വ​ത്തി​ന് ഉ​ട​മ​യാ​യി​രു​ന്നു ഫ്രാ​ൻ​സി​സ് മാ​ർ​പാ​പ്പ. മ​നു​ഷ്യ സ്നേ​ഹ​ത്തി​ന്‍റെ​യും ലോ​ക സ​മാ​ധാ​ന​ത്തി​ന്‍റെ​യും മ​ഹ​ത്താ​യ സ​ന്ദേ​ശം അ​ദ്ദേ​ഹം പ്ര​ച​രി​പ്പി​ച്ചു​കൊ​ണ്ടേ​യി​രു​ന്നു.

ജീ​വി​ത​ത്തി​ലു​ട​നീ​ളം അ​ഭ​യാ​ർ​ഥി​ക​ൾ​ക്കു​വേ​ണ്ടി ശ​ബ്ദ​മു​യ​ർ​ത്തി​യി​രു​ന്ന ഇ​ന്നേ​വ​രെ ഒ​രു മാ​ർ​പാ​പ്പ​യും സ്വീ​ക​രി​ച്ചി​ട്ടി​ല്ലാ​ത്ത വ​ഴി​ക​ളി​ലൂ​ടെ​യാ​യി​രു​ന്നു അ​ദ്ദേ​ഹ​ത്തി​ന്‍റെ യാ​ത്ര. ജ​ന​കീ​യ​നാ​യ ആ ​പാ​പ്പ ഇ​നി​യെ​ന്നും ജ​ന​ഹൃ​ദ​യ​ങ്ങ​ളി​ൽ നി​റ​വോ​ടെ നി​ല​നി​ൽ​ക്കും. മാ​ർ​പാ​പ്പ​യു​ടെ വി​യോ​ഗ​ത്തി​ൽ വേ​ദ​നി​ക്കു​ന്ന ലോ​ക ജ​ന​ത​യോ​ട് ആ​കെ​യും വി​ശ്വാ​സ സ​മൂ​ഹ​ത്തി​നോ​ട് പ്ര​ത്യേ​കി​ച്ചും അ​വ​രു​ടെ ദുഃ​ഖ​ത്തി​ൽ പ​ങ്കു​കൊ​ണ്ട് ഓ​ർ​മ അ​നു​ശോ​ച​നം രേ​ഖ​പ്പെ​ടു​ത്തു​ന്ന​താ​യി ഭാ​ര​വാ​ഹി​ക​ൾ അ​റി​യി​ച്ചു.