റോ​ഡു​ക​ൾ ത​ക​ർ​ന്നു; വീ​ടു​ക​ൾ​ക്കും ക​ട​ക​ൾ​ക്കും ന​ഷ്ടം

ഫു​ജൈ​റ: പേ​മാ​രി​ക്കൊ​പ്പം വ​ന്നി​റ​ങ്ങി​യ പ്ര​ള​യ​ത്തി​ൽ വി​വി​ധ എ​മി​റേ​റ്റു​ക​ളി​ലെ നി​ര​വ​ധി റോ​ഡു​ക​ൾ ത​ക​ർ​ന്നു. മ​ല​നി​ര​ക​ളി​ൽ​നി​ന്ന് വാ​ദി​ക​ളി​ലൂ​ടെ കു​ത്തി​യൊ​ലി​ച്ചെ​ത്തി​യ പ്ര​ള​യ​ജ​ല​മാ​ണ്​ പ​ല സ്ഥ​ല​ങ്ങ​ളി​ലും റോ​ഡു​ക​ൾ ത​ക​ർ​ത്ത​ത്. ​വെ​ള്ളം കെ​ട്ടി​നി​ന്നു​ണ്ടാ​യ ച​ളി​യും മ​റ്റു മാ​ലി​ന്യ​ങ്ങ​ളും റോ​ഡു​ക​ളി​ൽ ത​ട​സ്സ​മാ​യി. ചി​ല​യി​ട​ങ്ങ​ളി​ൽ ന​ട​പ്പാ​ത​ക​ളും റൗ​ണ്ട്​ എ​ബൗ​ട്ടു​ക​ളും ന​ശി​ച്ചു.

നി​ര​വ​ധി വീ​ടു​ക​ൾ​ക്കും വ്യാ​പാ​ര സ്ഥാ​പ​ന​ങ്ങ​ൾ​ക്കും കേ​ടു​പാ​ട് സം​ഭ​വി​ച്ചു. വീ​ടു​ക​ളി​ലെ​യും ക​ട​ക​ളി​ലെ​യും വ​സ്തു​വ​ക​ക​ളും വ്യാ​പ​ക​മാ​യി ന​ശി​ച്ചു. വീ​ടു​ക​ൾ​ക്ക​ക​ത്ത്​ വെ​ള്ളം ക​യ​റി​യ​തോ​ടെ ഉ​പ​ക​ര​ണ​ങ്ങ​ളും മ​റ്റു വ​സ്തു​ക്ക​ളും ഉ​പ​യോ​ഗ​ശൂ​ന്യ​മാ​യി. മ​ല​യാ​ളി​ക​ള​ട​ക്ക​മു​ള്ള പ്ര​വാ​സി തൊ​ഴി​ലാ​ളി​ക​ളു​ടെ താ​മ​സ സ്ഥ​ല​ങ്ങ​ളി​ലും വെ​ള്ളം ക​യ​റി. അ​തി​വേ​ഗം ന​ട​ന്ന ര​ക്ഷാ​പ്ര​വ​ർ​ത്ത​ന​മാ​ണ്​ നാ​ശ​ന​ഷ്ടം കു​റ​ച്ച​ത്.

ഫു​ജൈ​റ​യി​ൽ വി​വി​ധ സ്ഥാ​പ​ന​ങ്ങ​ളി​ൽ വെ​ള്ളം ക​യ​റി​യ​തോ​ടെ ക​ച്ച​വ​ട​ത്തി​നാ​യി സൂ​ക്ഷി​ച്ച വ​സ്തു​ക്ക​ൾ ന​ശി​ച്ചു. ചി​ല വെ​യ​ർ ഹൗ​സു​ക​ളി​ൽ സൂ​ക്ഷി​ച്ച വ്യാ​പാ​ര വ​സ്തു​ക്ക​ളും ന​ഷ്ട​പ്പെ​ട്ടു. ഇ​ത്ത​ര​ത്തി​ൽ പ​ല വ്യാ​പാ​രി​ക​ൾ​ക്കും വ​ലി​യ സാ​മ്പ​ത്തി​ക ബാ​ധ്യ​ത​യു​ണ്ടാ​യി. വാ​ഹ​ന​ങ്ങ​ൾ ഒ​ഴു​കി​പ്പോ​യ​തും പ​ല​ർ​ക്കും വ​ലി​യ ന​ഷ്ട​മു​ണ്ടാ​ക്കി. നി​ർ​ത്തി​യി​ട്ട വാ​ഹ​ന​ങ്ങ​ളി​ൽ വെ​ള്ളം ക​യ​റി​യ​തോ​ടെ പ​ല​രു​ടെ​യും കാ​റു​ക​ളും മ​റ്റ് വാ​ഹ​ന​ങ്ങ​ളും വ​ലി​യ തു​ക ചെ​ല​വ​ഴി​ച്ച്​ അ​റ്റ​കു​റ്റ​പ്പ​ണി ന​ട​ത്തേ​ണ്ട സാ​ഹ​ച​ര്യ​മാ​ണ്.

ചി​ല​രു​ടെ സു​പ്ര​ധാ​ന രേ​ഖ​ക​ളും മ​റ്റും വെ​ള്ളം ക​യ​റി ന​ശി​ച്ചു. ക​ട​ക​ളി​ലും താ​മ​സ സ്ഥ​ല​ങ്ങ​ളി​ലും സൂ​ക്ഷി​ച്ച രേ​ഖ​ക​ൾ പ​ല​രും ര​ക്ഷ​പ്പെ​ടു​ന്ന സ​മ​യ​ത്ത്​ കൈ​യി​ൽ ക​രു​തി​യി​രു​ന്നു. എ​ന്നാ​ൽ, ഇ​ത്ത​ര​ത്തി​ൽ സൂ​ക്ഷി​ക്കാ​ൻ ക​ഴി​യാ​ത്ത ചി​ല​ർ​ക്കാ​ണ്​ പ്ര​യാ​സ​മു​ണ്ടാ​യ​ത്.

റാ​സ​ൽ​ഖൈ​മ​യി​ലെ കാ​ർ​ഷി​ക മേ​ഖ​ല​യി​ൽ വ​ലി​യ ന​ഷ്ടം സം​ഭ​വി​ച്ചി​ല്ല. വി​ള​വെ​ടു​പ്പ്​ സ​മ​യം ക​ഴി​ഞ്ഞ​തി​നാ​ൽ കൃ​ഷി​യി​ട​ങ്ങ​ളെ​ല്ലാം ഒ​രു​പ​രി​ധി​വ​രെ ഒ​ഴി​ഞ്ഞു​കി​ട​ക്കു​ക​യാ​യി​രു​ന്നു. ക​ടു​ത്ത വേ​ന​ലാ​യ​തി​നാ​ൽ അ​ടു​ത്ത​ഘ​ട്ട കൃ​ഷി ആ​രം​ഭി​ച്ചി​രു​ന്നു​മി​ല്ല. ഒ​രു ദി​വ​സ​ത്തി​ന​കം വെ​ള്ള​മി​റ​ങ്ങി​യ​തോ​ടെ ന​ഷ്ട​ങ്ങ​ളു​ടെ ക​ണ​ക്കെ​ടു​പ്പി​ലാ​ണ്​ എ​ല്ലാ​വ​രും. അ​തി​വേ​ഗം പൂ​ർ​വ​സ്ഥി​തി​യി​ലേ​ക്ക്​ മ​ട​ങ്ങാ​നാ​വു​മെ​ന്ന പ്ര​തീ​ക്ഷ​യി​ലാ​ണ്​ മി​ക്ക​വ​രും.

ര​ക്ഷാ​പ്ര​വ​ർ​ത്ത​നം സ​മ്പൂ​ർ​ണ വി​ജ​യം

ഫു​ജൈ​റ: മൂ​ന്നു പ​തി​റ്റാ​ണ്ടി​നി​ട​യി​ലെ ക​ന​ത്ത മ​ഴ വി​ത​ച്ച പ്ര​ള​യം​ വ​ലി​യ അ​പ​ക​ട​ങ്ങ​ളി​ല്ലാ​തെ ഒ​ഴി​ഞ്ഞു. തെ​ളി​ഞ്ഞ അ​ന്ത​രീ​ക്ഷ​ത്തി​ൽ തെ​രു​വു​ക​ളി​ലും വീ​ടു​ക​ളി​ലും വെ​ള്ളി​യാ​ഴ്ച ശു​ചീ​ക​ര​ണ തി​ര​ക്കാ​യി​രു​ന്നു. റോ​ഡി​ലെ മ​ര​ങ്ങ​ളും മ​റ്റും നീ​ക്കി ഗ​താ​ഗ​തം പു​ന​രാ​രം​ഭി​ച്ചു. ത​ക​ർ​ന്ന റോ​ഡു​ക​ളി​ലെ ഗ​താ​ഗ​തം വ​ഴി​തി​രി​ച്ചു​വി​ട്ടു. പ​ല​യി​ട​ങ്ങ​ളി​ലും വെ​ള്ളം കെ​ട്ടി​നി​ൽ​ക്കു​ന്ന​തും ഗ​താ​ഗ​ത​ ത​ട​സ്സ​മാ​യി.

വീ​ടു​ക​ളി​ൽ​നി​ന്ന്​ ഒ​ഴി​ഞ്ഞു​പോ​യ​വ​രെ തി​രി​ച്ചെ​ത്തി​ച്ചു​തു​ട​ങ്ങി​യി​ല്ല. താ​ൽ​ക്കാ​ലി​ക ​ഷെ​ൽ​ട്ട​റു​ക​ളി​ലും ഹോ​ട്ട​ലു​ക​ളി​ലും ക​ഴി​യു​ന്ന​വ​രെ വീ​ടു​ക​ൾ ശു​ചീ​ക​രി​ച്ച് സു​ര​ക്ഷ ഉ​റ​പ്പു​വ​രു​ത്തി​യ ശേ​ഷം​ തി​രി​ച്ചെ​ത്തി​ക്കും. ഷാ​ർ​ജ​യി​ലെ​യും ഫു​ജൈ​റ​യി​ലെ​യും താ​ൽ​ക്കാ​ലി​ക സെ​ന്‍റ​റു​ക​ളി​ൽ ക​ഴി​യു​ന്ന​വ​ർ​ക്ക്​ ആ​വ​ശ്യ​മാ​യ ഭ​ക്ഷ​ണ​വും മ​റ്റു സൗ​ക​ര്യ​ങ്ങ​ളും ഒ​രു​ക്കി. 800ലേ​റെ പേ​രെ​യാ​ണ്​ ക​ഴി​ഞ്ഞ ദി​വ​സ​ങ്ങ​ളി​ൽ ദു​ര​ന്ത മേ​ഖ​ല​ക​ളി​ൽ​നി​ന്ന്​ വി​വി​ധ സേ​ന​ക​ൾ ര​ക്ഷ​പ്പെ​ടു​ത്തി​യ​ത്. ഫു​ജൈ​റ​യി​ലെ 20 ഹോ​ട്ട​ലു​ക​ളി​ൽ 1885 പേ​ർ​ക്ക്​ ​താ​മ​സി​ക്കാ​ൻ സൗ​ക​ര്യം​ ഒ​രു​ക്കി​യ​താ​യി ദേ​ശീ​യ ദു​ര​ന്ത നി​വാ​ര​ണ സ​മി​തി അ​റി​യി​ച്ചു. ദു​രി​ത​ത്തി​ലാ​യ​വ​ർ​ക്ക്​ സ​ഹാ​യ​മെ​ത്തി​ക്കു​ന്ന​തി​ന്​ വി​വി​ധ ര​ക്ഷാ​സേ​ന​ക​ൾ വെ​ള്ളി​യാ​ഴ്ച​യും സ​ജീ​വ​മാ​യി. റാ​സ​ൽ​ഖൈ​മ​യി​ൽ വാ​ദി​ക​ളും ഡാ​മും ക​ര​ക​വി​ഞ്ഞ്​ കു​ടു​ങ്ങി​യ​വ​രെ ഹെ​ലി​കോ​പ്ട​റി​ലാ​ണ്​ ര​ക്ഷി​​ച്ച​ത്. കു​ട്ടി​ക​ളെ​യും വ​ള​ർ​ത്തു മൃ​ഗ​ങ്ങ​ളെ​യും അ​ട​ക്കം അ​ധി​കൃ​ത​ർ സു​ര​ക്ഷി​ത​രാ​ക്കി.

എ​മ​ർ​ജ​ൻ​സി, ക്ലീ​നി​ങ്​ ടീ​മു​ക​ൾ രാ​പ്പ​ക​ലി​ല്ലാ​തെ പ്ര​വ​ർ​ത്തി​ക്കു​ന്നു​ണ്ടെ​ന്ന് ഉ​ദ്യോ​ഗ​സ്ഥ​ർ അ​റി​യി​ച്ചു. മ​ഴ​ക്കെ​ടു​തി​യി​ൽ അ​ക​പ്പെ​ട്ട​വ​രെ സ​ഹാ​യി​ക്കു​ന്ന ടീ​മു​ക​ൾ​ക്ക് എ​ല്ലാ ത​ര​ത്തി​ലു​ള്ള ലോ​ജി​സ്റ്റി​ക്, ഫീ​ൽ​ഡ് പി​ന്തു​ണ​യും ന​ൽ​കാ​ൻ എ​മി​റൈ​റ്റ്​​സ്​ റെ​ഡ്​ ക്ര​സ​ൻ​റി​ന്​ നി​ർ​ദേ​ശം ന​ൽ​കി. സ​ഹാ​യ​മെ​ത്തി​ക്കാ​ൻ റെ​ഡ്​ ക്ര​സ​ന്‍റ്​ വ​ള​ന്റി​യ​ർ​മാ​രും സ​ജീ​വ​മാ​ണ്.

വെ​ള്ളം ക​യ​റി​യ താ​മ​സ സ്ഥ​ല​ങ്ങ​ളി​ലൊ​ന്ന്