യു.എ.ഇ ദേശീയ ദിനത്തിലേക്ക് നടന്നുചെന്ന് സൗദി സാഹസികരുടെ ഐക്യദാർഢ്യം

റി​യാ​ദ്: സൗ​ദി​യി​ൽ​നി​ന്ന് കാ​ൽ​ന​ട​യാ​യി പു​റ​പ്പെ​ട്ട് യു.​എ.​ഇ ദേ​ശീ​യ ദി​നാ​ഘോ​ഷ​ത്തി​ൽ പ​ങ്കെ​ടു​ത്ത് ശ്ര​ദ്ധ പി​ടി​ച്ചെ​ടു​ത്ത്​ ര​ണ്ട് സൗ​ദി സാ​ഹ​സി​ക​ർ. 30 ദി​വ​സം ന​ട​ന്ന് 1200 കി​ലോ​മീ​റ്റ​ർ താ​ണ്ടി​യാ​ണ് നാ​ഇ​ഫ് ശു​ക്റി​യും അ​ന​ന്ത​ര​വ​ൻ 19കാ​ര​ൻ അ​ബ്ദു അ​ൽ ശു​ക്റി​യും യു.​എ.​ഇ​യി​ലെ​ത്തി​യ​ത്. യാ​ത്ര​യു​ടെ വി​വ​ര​ങ്ങ​ൾ സ​മൂ​ഹ മാ​ധ്യ​മ​ത്തി​ൽ പ​ങ്കു​വെ​ച്ച​തോ​ടെ സൗ​ദി-​യു.​എ.​ഇ അ​തി​ർ​ത്തി​യി​ൽ ഇ​രു​വ​രെ​യും സ്വീ​ക​രി​ക്കാ​ൻ ഇ​രു​രാ​ജ്യ​ങ്ങ​ളി​ലെ​യും സു​ഹൃ​ത്തു​ക്ക​ളു​ൾ​പ്പെ​ടെ ഒ​രു വ​ലി​യ സം​ഘം എ​ത്തി​യി​രു​ന്നു.

ല​ഭി​ച്ച ഊ​ഷ്മ​ള സ്വീ​ക​ര​ണം ആ​ശ്ച​ര്യ​പ്പെ​ടു​ത്തി​യെ​ന്ന് സ്വീ​ക​ര​ണ പ​രി​പാ​ടി​യി​ൽ നാ​ഇ​ഫ് പ​റ​ഞ്ഞു. എ​ന്റെ ഇ​മാ​റാ​ത്തി സ​ഹോ​ദ​ര​ങ്ങ​ൾ​ക്കൊ​പ്പം അ​വ​രു​ടെ ദേ​ശീ​യ ദി​നാ​ഘോ​ഷ​ത്തി​ൽ പ​ങ്കെ​ടു​ക്കാ​ൻ ആ​ഗ്ര​ഹി​ച്ച​താ​ണെ​ന്നും ഇ​പ്പോ​ൾ ഇ​വി​ടെ എ​ത്തി​നി​ൽ​ക്കാ​നു​ള്ള കാ​ര​ണം അ​താ​ണെ​ന്നും നാ​ഇ​ഫ് പ​റ​യു​ന്നു. ഇ​രു രാ​ജ്യ​ങ്ങ​ളി​ലെ​യും ജ​ന​ങ്ങ​ൾ​ക്കി​ട​യി​ൽ ശ​ക്ത​മാ​യ ഹൃ​ദ​യ​ബ​ന്ധ​മു​ണ്ട്. അ​തു​കൊ​ണ്ട് ത​ന്നെ ഈ ​യാ​ത്ര ജീ​വി​ത​കാ​ലം മു​ഴു​വ​ൻ അ​ഭി​മാ​നി​ക്കു​ന്ന ഒ​രു ച​രി​ത്ര​മാ​യെ​ന്ന്​ നാ​ഇ​ഫ് കൂ​ട്ടി​ച്ചേ​ർ​ത്തു.

ഓ​രോ ദി​വ​സ​വും ര​ണ്ടു​പേ​രും സൂ​ര്യോ​ദ​യ​ത്തി​നു​ശേ​ഷം ന​ട​ന്നു​തു​ട​ങ്ങും. ഉ​ച്ച​സ​മ​യ​ത്ത് അ​ൽ​പം വി​ശ്ര​മം. തു​ട​ർ​ന്ന് ഉ​ച്ച​ക​ഴി​ഞ്ഞ് യാ​ത്ര പു​ന​രാ​രം​ഭി​ക്കും. സൗ​ദി അ​റേ​ബ്യ​ൻ മ​രു​ഭൂ​മി​ക​ളി​ൽ മൊ​ബൈ​ൽ ഫോ​ൺ ക​ണ​ക്ഷ​നി​ല്ലാ​ത്ത ചി​ല പ്ര​ദേ​ശ​ങ്ങ​ളു​ണ്ട്. ചി​ല​യി​ട​ങ്ങ​ളി​ൽ നി​ര​ന്ത​രം പൊ​ടി​യി​ൽ മു​ങ്ങു​ന്ന കാ​ലാ​വ​സ്ഥ​യും ഉ​ണ്ട്. സാ​ധാ​ര​ണ ശ​രാ​ശ​രി 30 കി​ലോ​മീ​റ്റ​റാ​ണ് ന​ട​ക്കു​ന്ന​ത്.

എ​ന്നാ​ൽ, ഈ ​പ്ര​തി​സ​ന്ധി​ക​ൾ മ​റി​ക​ട​ക്കാ​ൻ ചി​ല ദി​വ​സ​ങ്ങ​ളി​ൽ 70 കി​ലോ​മീ​റ്റ​ർ വ​രെ ന​ട​ക്കും. ഭ​ക്ഷ​ണ​ത്തി​നാ​യി വ​ഴി​യി​ലെ പെ​ട്രോ​ൾ സ്റ്റേ​ഷ​നു​ക​ളി​ലെ റ​സ്റ്റാ​റ​ന്റു​ക​ളെ ആ​ശ്ര​യി​ക്കും. മ​രു​ഭൂ യാ​ത്ര​ക​ൾ സു​പ​രി​ചി​ത​മാ​യ​തി​നാ​ൽ ഒ​രി​ക്ക​ലും ഭ​യം തോ​ന്നി​യി​ട്ടി​ല്ലെ​ന്നും നാ​ഇ​ഫ് പ​റ​ഞ്ഞു. അ​ത്യാ​വ​ശ്യ സാ​ധ​ന​ങ്ങ​ൾ അ​ട​ങ്ങി​യ ഒ​രു യാ​ത്ര ബാ​ഗും മ​രു​ഭൂ​മി​യി​ൽ ത​മ്പ​ടി​ക്കാ​നു​ള്ള കൂ​ടാ​ര​വും ബാ​ഗി​ന് പു​റ​കി​ൽ ഇ​രു രാ​ജ്യ​ങ്ങ​ളു​ടെ​യും പ​താ​ക​യു​മാ​ണ് യാ​ത്ര​യി​ൽ കൂ​ടെ​യു​ണ്ടാ​കു​ന്ന​ത്.

ഇ​താ​ദ്യ​മാ​യ​ല്ല നാ​ഇ​ഫി​ന്റെ കാ​ൽ​ന​ട​യാ​ത്ര. നി​യോം, മ​ക്ക, അ​ബ​ഹ, മ​ദീ​ന, അ​ൽ​ഉ​ല ഉ​ൾ​പ്പെ​ടെ സൗ​ദി ന​ഗ​ര​ങ്ങ​ളി​ലൂ​ടെ 4000 കി​ലോ​മീ​റ്റ​ർ കാ​ൽ​ന​ട​യാ​യി സ​ഞ്ച​രി​ച്ച് 400​ കോ​ടി​യി​ല​ധി​കം ചു​വ​ടു​ക​ൾ പൂ​ർ​ത്തി​യാ​ക്കി​യ നേ​ട്ടം കൂ​ടി​യു​ണ്ട് നാ​ഇ​ഫി​ന്റെ സാ​ഹ​സി​ക ജീ​വി​ത​ത്തി​ൽ. ടി​ക് ടോ​ക്, സ്നാ​പ് ചാ​റ്റ് ഉ​ൾ​പ്പെ​ടെ​യു​ള്ള സ​മൂ​ഹ​മാ​ധ്യ​മ പ്ലാ​റ്റ്ഫോ​മു​ക​ളി​ൽ ആ​യി​ര​ക്ക​ണ​ക്കി​ന് ഫോ​ളോ​വേ​ഴ്‌​സു​ള്ള ഇ​ൻ​ഫ്ലു​വ​ൻ​സ​ർ കൂ​ടി​യാ​ണ് നാ​ഇ​ഫ് അ​ൽ ശു​ക്റി.