സെന്‍റ് ഡയനീഷ്യസ് എവർ റോളിങ് ട്രോഫി പ്രസംഗമത്സരം
ഉദ്ഘാടനച്ചടങ്ങ്
അൽഐൻ: സെന്‍റ് ഡയനീഷ്യസ് ഓർത്തഡോക്സ്‌ ക്രൈസ്തവ യുവജന പ്രസ്ഥാനത്തിന്‍റെ ആഭിമുഖ്യത്തിൽ 11ാമത്‌ സെന്‍റ് ഡയനീഷ്യസ് എവർ റോളിങ് ട്രോഫി പ്രസംഗ മത്സരം അൽഐൻ ദേവാലയത്തിൽ നടന്നു.
യു.എസ്‌ സർക്കാറിന്‍റെ സീനിയർ എക്സിക്യൂട്ടിവ്‌ സർവിസസ്‌ എക്സിക്യൂട്ടിവ്‌ ഡയറക്ടറും മലങ്കര ഓർത്തഡോക്സ്‌ സഭാംഗവുമായ ഫാ. അലക്സാണ്ടർ ജെ. കുര്യൻ ഉദ്ഘാടനം ചെയ്തു.
ഇടവക വികാരി ഫാ. ജോൺസൺ ഐപ്പ്‌ അധ്യക്ഷത വഹിച്ചു. ഫാ. മാത്യ‍ു ജോൺ, അൽ ഐൻ ഇടവക സെക്രട്ടറി ഫിലിപ് എൻ. തോമസ്‌, ഒ.സി.വൈ.എം കേന്ദ്ര കമ്മിറ്റി അംഗം ബെൻസൻ ബേബി, സെക്രട്ടറി ജെയിഷ്‌ എം. ജോയി, പ്രോഗ്രാം കൺവീനർ ഷെജിൻ ചാക്കോ എന്നിവർ സംസാരിച്ചു.
ജോസഫ് ടി. എബ്രഹാം, അൽഐൻ ഒ.സി.വൈ.എം വൈസ് പ്രസിഡന്‍റ് റോബി യോഹന്നാൻ, ട്രഷറർ ടിന‍ു ഗീവർഗീസ്‌ തുടങ്ങിയവർ സന്നിഹിതരായിര‍ുന്ന‍ു.
പ്രസംഗമത്സരത്തിൽ ഒന്നാം സ്ഥാനം ഡോ. കിംലിൻ ജോർജും (അബൂദബി സെന്‍റ് ജോർജ് ഒ.സി.വൈ.എം) രണ്ടാം സ്ഥാനം ജോയാസ് മറിയാം ഏലിയാസ് (അലൈൻ സെന്‍റ് ഡയനീഷ്യസ് ഒ.സി.വൈ.എം) മൂന്നാം സ്ഥാനം റോബിൻ ജോൺ (ജബൽ അലി സെന്‍റ് ഗ്രിഗോറിയോസ് ഒ.സി.വൈ.എം) എന്നിവർ കരസ്ഥമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.