ദുബൈ: മോർ ഇഗ്നാത്തിയോസ് യാക്കോബായ സുറിയാനി കത്തീഡ്രൽ കൂദാശയുടെ രജത ജൂബിലിയോടനുബന്ധിച്ചുള്ള (ഗ്രാസിയ25) ആഘോഷ പരിപാടികൾ ഈ മാസം 16ന് ശനിയാഴ്ച വൈകീട്ട് ആറു മണിക്ക് അൽ നാസർ ലെഷർലാൻഡ് ഐസ്റിങ്കിൽ നടക്കും.
യോഗത്തിൽ സമൂഹത്തിന്‍റെ വിവിധ മേഖലകളിലുള്ള പ്രമുഖ വ്യക്തിത്വങ്ങൾ പങ്കെടുക്കും. യു.എ.ഇ ഭദ്രാസനാധിപൻ മോർ യൗസേബിയോസ് കുര്യാക്കോസ് മെത്രാപ്പൊലീത്ത സമ്മേളനത്തിൽ അധ്യക്ഷത വഹിക്കുമെന്ന് വികാരി ഫാ. സജി വർഗീസ് അറിയിച്ചു. തുടർന്ന് കേരളത്തിലെ പ്രധാന സംഗീത ബാൻഡായ ‘തൈക്കുടം ബ്രിഡ്ജ്’ അവതരിപ്പിക്കുന്ന സംഗീതനിശയും അരങ്ങേറുമെന്ന് പ്രോഗ്രാം കൺവീനർ അറിയിച്ചു.
സംഗീതനിശയുടെ പ്രവേശനം ടിക്കറ്റ് മുഖേന നിയന്ത്രിക്കുമെന്ന് സംഘാടക സമിതിക്കുവേണ്ടി ചെറിയാൻ ജോസഫ്, എൽദോ പി.ജോർജ് എന്നിവർ അറിയിച്ചു. പ്രോഗ്രാമിന്‍റെ ടിക്കറ്റുകൾ platinumlist, ticketmagic എന്നീ രണ്ട് ഓൺലൈൻ പോർട്ടലുകളിൽ ലഭ്യമാണ്. ടിക്കറ്റുകൾ നേരിട്ട് വാങ്ങുന്നതിന് 0505253101 എന്ന നമ്പറിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.