ശൈ​ത്യ​കാ​ല​ത്തെ വ​ര​വേ​ൽ​ക്കാ​ൻ സ​ഞ്ചാ​രി​ക​ളൊ​രു​ങ്ങു​ന്നു; ഹ​ത്ത​യി​ൽ അ​തി​സു​ര​ക്ഷ​യൊ​രു​ക്കി ദു​ബൈ പൊ​ലീ​സ്

ദു​ബൈ: ചു​ട്ടു​പൊ​ള്ളു​ന്ന മ​രു​ഭൂ​മി​യി​ൽ മ​ഞ്ഞു​പെ​യ്യു​ന്ന ശൈ​ത്യ​കാ​ല​ത്തി​ലേ​ക്ക് ക​ട​ക്കു​ക​യാ​ണ് രാ​ജ്യം. താ​മ​സ​ക്കാ​രും സ​ന്ദ​ർ​ശ​ക​രും സ​ഞ്ചാ​ര​പ്രി​യ​രും ആ​ഹ്ലാ​ദ​ത്തോ​ടെ കാ​ത്തി​രി​ക്കു​ന്ന ശൈ​ത്യ​കാ​ലം എ​ന്നാ​ൽ അ​സ്ഥി​ര കാ​ലാ​വ​സ്ഥ​യെ​യും പ്ര​തീ​ക്ഷി​ക്കേ​ണ്ട സ​മ​യ​മാ​ണെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കു​ന്നു.

അ​തു​കൊ​ണ്ടു ഏ​ത്​ അ​ടി​യ​ന്ത​ര സാ​ഹ​ച​ര്യ​ങ്ങ​ളെ​യും നി​മി​ഷ​ങ്ങ​ൾ​ക്ക​കം നേ​രി​ടാ​നു​ള്ള സ​ന്നാ​ഹ​ങ്ങ​ളും സം​വി​ധാ​ന​ങ്ങ​ളും ഉ​റ​പ്പു​വ​രു​ത്തി​യാ​ണ് ദു​ബൈ പൊ​ലീ​സ് ശൈ​ത്യ​കാ​ല​ത്തെ വ​ര​വേ​ൽ​ക്കു​ന്ന​ത്.

ഹ​ത്ത​യി​ലാ​ണ് ദു​ബൈ പൊ​ലീ​സ് വ​ലി​യ രീ​തി​യി​ലു​ള്ള സു​ര​ക്ഷ ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തി​യ​ത്. കൂ​ടു​ത​ൽ പേ​ർ സം​ഘം ചേ​ർ​ന്നും കു​ടും​ബ​ങ്ങ​ളോ​ടൊ​പ്പ​വും ത​നി​ച്ചും സ​ന്ദ​ർ​ശി​ക്കു​ന്ന പ്ര​ദേ​ശ​മെ​ന്ന നി​ല​യി​ലാ​ണ് ഹ​ത്ത​യി​ൽ അ​ടി​യ​ന്ത​ര പ്ര​തി​ക​ര​ണ സു​ര​ക്ഷ ഉ​ൾ​പ്പെ​ടെ​യു​ള്ള സം​വി​ധാ​ന​ങ്ങ​ളേ​ർ​പ്പെ​ടു​ത്തി സു​ര​ക്ഷ പ​ട്രോ​ളി​ങ് ശ​ക്ത​മാ​ക്കി​യി​രി​ക്കു​ന്ന​ത്. കു​ടും​ബ​ങ്ങ​ളു​ടെ പ്രി​യ​പ്പെ​ട്ട കേ​ന്ദ്ര​മെ​ന്ന നി​ല​യി​ൽ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ളാ​ണ് ഓ​രോ ദി​വ​സ​വും ഹ​ത്ത​യി​ലെ മ​ല​നി​ര​ക​ളു​ടെ​യും ഡാ​മു​ക​ളു​ടെ​യും ജ​ലാ​ശ​യ​ങ്ങ​ളു​ടെ​യും സൗ​ന്ദ​ര്യം നു​ക​രാ​നി​വി​ടെ എ​ത്തു​ന്ന​ത്.

ഡാ​മു​ക​ൾ​ക്ക് സ​മീ​പ​മു​ള്ള പ​ട്രോ​ളി​ങ്ങു​ക​ളു​ടെ എ​ണ്ണം വ​ർ​ധി​പ്പി​ച്ച​താ​യും വെ​ള്ള​പ്പൊ​ക്ക സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ലെ ഏ​ത് സം​ഭ​വ​ത്തെ​യും നേ​രി​ടാ​നു​ള്ള സ​ന്നാ​ഹ​ങ്ങ​ളൊ​രു​ക്കി​യ​താ​യും ഹ​ത്ത പൊ​ലീ​സ് സ്​​റ്റേ​ഷ​ൻ ഡ​യ​റ​ക്ട​ർ കേ​ണ​ൽ മു​ബാ​റ​ക് അ​ൽ കെ​റ്റ്ബി പ​റ​ഞ്ഞു.

കാ​ലാ​വ​സ്ഥ അ​സ്ഥി​ര​മാ​കു​മ്പോ​ൾ താ​ഴ്വ​ര​ക​ളി​ൽ​നി​ന്നും ജ​ലാ​ശ​യ​ങ്ങ​ളി​ൽ​നി​ന്നും മാ​റി​നി​ൽ​ക്കാ​ൻ ശ്ര​ദ്ധി​ക്ക​ണം -നി​വാ​സി​ക​ളോ​ട് അ​ദ്ദേ​ഹം പ​റ​ഞ്ഞു. സാ​ധാ​ര​ണ പ​ട്രോ​ളി​ങ്​ വാ​ഹ​ന​ങ്ങ​ൾ​ക്ക് പ​ക​രം ഈ ​പ്ര​ദേ​ശ​ങ്ങ​ളി​ൽ ട്രാ​ഫി​ക് പ​ട്രോ​ളി​ങ്​ വി​ന്യ​സി​ച്ചി​ട്ടു​ണ്ടെ​ന്ന് കേ​ണ​ൽ അ​ൽ കെ​റ്റ്ബി പ​റ​ഞ്ഞു.

ക​മാ​ൻ​ഡ് ആ​ൻ​ഡ് ക​ൺ​ട്രോ​ൾ സെൻറ​റു​മാ​യി ആ​ശ​യ​വി​നി​മ​യം ന​ട​ത്തു​ന്ന​തി​ന് ഏ​റ്റ​വും പു​തി​യ സ്മാ​ർ​ട്ട് ഉ​പ​ക​ര​ണ​ങ്ങ​ളും ആ​ധു​നി​ക സാ​ങ്കേ​തി​ക​വി​ദ്യ​ക​ളും ഈ ​പ​ട്രോ​ളി​ങ്ങി​ൽ സ​ജ്ജീ​ക​രി​ച്ചി​രി​ച്ചി​ട്ടു​ണ്ട്. ര​ക്ഷാ​പ്ര​വ​ർ​ത്ത​ന​ത്തി​ന് ഉ​പ​യോ​ഗി​ക്കു​ന്ന എ​ല്ലാ ഉ​പ​ക​ര​ണ​ങ്ങ​ളും ഉ​ൾ​പ്പെ​ടു​ത്തി​യ രീ​തി​യി​ലാ​ണ് സ​ജ്ജീ​ക​രി​ച്ചി​ട്ടു​ള്ള​ത് -അ​ദ്ദേ​ഹം വി​ശ​ദീ​ക​രി​ച്ചു.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ 999 എ​ന്ന ന​മ്പ​റി​ൽ വി​ളി​ക്ക​ണ​മെ​ന്നും പൊ​തു​സു​ര​ക്ഷ ഉ​റ​പ്പാ​ക്കാ​ൻ ദു​ബൈ മു​നി​സി​പ്പാ​ലി​റ്റി, റോ​ഡ്‌​സ് ആ​ൻ​ഡ് ട്രാ​ൻ​സ്‌​പോ​ർ​ട്ട് അ​തോ​റി​റ്റി, ദു​ബൈ സി​വി​ൽ ഡി​ഫ​ൻ​സ്, ദു​ബൈ കോ​ർ​പ​റേ​ഷ​ൻ ഫോ​ർ ആം​ബു​ല​ൻ​സ് സേ​വ​ന​ങ്ങ​ൾ ഹ​ത്ത പൊ​ലീ​സ് സ്​​റ്റേ​ഷ​െൻറ സ​ഹ​ക​ര​ണ​ത്തോ​ടെ മു​ഴു​സ​മ​യ​വും പ്ര​വ​ർ​ത്തി​ക്കു​ന്ന​താ​യും അ​ദ്ദേ​ഹം ചൂ​ണ്ടി​ക്കാ​ട്ടി.