ന്യൂഡൽഹി: കഴിഞ്ഞ 24 മണിക്കൂറിനുള്ളിൽ ഇന്ത്യയിൽ 12,193 പതിയ കോവിഡ് കേസുകൾ റിപ്പോർട്ട് ചെയ്തു. ഇതോടെ സജീവ കേസുകളുടെ എണ്ണം 67, 556 ആയി ഉയർന്നുവെന്ന് കേന്ദ്രആരോഗ്യ മന്ത്രാലയത്തിന്റെ റിപ്പോർട്ട്.
ഇതുവരെയുള്ള മരണം 5,31,300 ആയി ഉയർന്നിട്ടുണ്ട്. 42 മരണങ്ങളാണ് പുതുതായി റിപ്പോർട്ട് ചെയ്തത്. അതിൽ 10 എണ്ണം കേരളത്തിൽ നേരത്തെ നടന്ന മരണങ്ങൾ കോവിഡ് മൂലമാണെന്ന് പിന്നീട് തിരിച്ചറിഞ്ഞതാണ്.
ആരോഗ്യ മന്ത്രാലയത്തിന്റെ വെബ് സൈറ്റ് പ്രകാരം 220.66 കോടി കോവിഡ് വാക്സിനുകളും ഇതുവരെ നൽകിയിട്ടുണ്ട്. കോവിഡ് കേസുകൾ വീണ്ടും ഉയരുന്ന സാഹചര്യത്തിൽ ആളുകൾ ബൂസ്റ്റർ ഡോസുകൾ നിർബന്ധമായും സ്വീകരിക്കണമെന്നാണ് അധികൃതർ നൽകുന്ന നിർദേശം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.