ചുരുങ്ങിയ സമയം കൊണ്ട് മലയാളികളുടെ പ്രിയ നായികയായി മാറിയ നടിയാണ് െഎശ്വര്യ ലക്ഷ്മി. നാലുവർഷം മുമ്പാണ് െഎശ്വര്യ അഭിനയരംഗത്തെത്തിയത്. മലയാളത്തിലെ വിജയനായിക എന്നാണ് ഐശ്വര്യ അറിയപ്പെടുന്നത്. തമിഴിലും മികച്ച കഥാപാത്രങ്ങൾ ചെയ്യാൻ ഇവർക്കായി. ഇപ്പോഴിതാ, തെൻറ ഇഷ്ടവാഹനം സ്വന്തമാക്കിയിരിക്കുകയാണ് ഐശ്വര്യ. മെഴ്സിഡസ് ബെൻസ് ജി എൽ സി 220ഡി യാണ് ഐശ്വര്യ സ്വന്തമാക്കിയത്. 65-70 ലക്ഷം രൂപയാണ് വാഹനത്തിെൻറ വില.
മോഡലിങിൽ നിന്ന് സിനിമയിലേക്ക് എത്തിയ ഐശ്വര്യ ഒരു ഡോക്ടർ കൂടിയാണ്. എം.ബി.ബി.എസ് പഠനം കഴിഞ്ഞിരിക്കെ തന്നെ തേടിയെത്തിയ ഒരു ഫോൺകോളാണ് സിനിമയിലേക്ക് വഴിത്തുറന്നതെന്ന് ഐശ്വര്യ അഭിമുഖങ്ങളിൽ പറഞ്ഞിട്ടുണ്ട്. 'ഞണ്ടുകളുടെ നാട്ടിൽ ഒരിടവേള' എന്ന ചിത്രത്തിലൂടെയായിരുന്നു ഐശ്വര്യയുടെ സിനിമാ അരങ്ങേറ്റം. മായാനദി, വരത്തൻ, വിജയ് സൂപ്പറും പൗർണമിയും, അർജൻറീന ഫാൻസ് കാട്ടൂർക്കടവ്, ബ്രദേഴ്സ് ഡേ തുടങ്ങിയ ചിത്രങ്ങളിലൂടെ ഏറെ ജനപ്രീതി നേടിയ ഐശ്വര്യയുടെ ഏറ്റവും പുതിയ ചിത്രങ്ങളിലൊന്ന് മണിരത്നം സംവിധാനം ചെയ്യുന്ന 'പൊന്നിയിൻ ശെൽവൻ'ആണ്.
ധനുഷിനൊപ്പമുള്ള ആക്ഷന്‍ ത്രില്ലർ ചിത്രം 'ജഗമേ തന്തിരം', ടൊവിനോയുടെ നായികയായി അഭിനയിച്ച 'കാണെക്കാണെ' എന്നിവയാണ് അടുത്തിടെ റിലീസിനെത്തിയ ഐശ്വര്യ ചിത്രങ്ങൾ. ഓടിടി പ്ലാറ്റ്‌ഫോമിലാണ് ഇരു ചിത്രങ്ങളും റിലീസ് ചെയ്തത്. മലയാളത്തിൽ അർച്ചന 31 നോട്ട് ഔട്ട്, ബിസ്മി സ്പെഷ്യൽ, കുമാരി എന്നിവയാണ് റിലീസ് ചെയ്യാനുള്ള ഐശ്വര്യയുടെ ചിത്രങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.