ജിംനി എസ്.യു.വിയുടെ ഇന്ത്യ അവതരണം ഉടനെന്ന് സൂചന നൽകി മാരുതി സുസുകി. കഴിഞ്ഞദിവസം നടന്ന ഡീലർമാരുടെ കോൺഫറൻസിൽ വാഹനം അവതരിപ്പിക്കുന്നതിനെപറ്റി കമ്പനി ചർച്ചചെയ്തതായി ഒാേട്ടാക്കാർ ഇന്ത്യ റിപ്പോർട്ട് ചെയ്തു. പുതിയ വാഹനത്തിനായി തയ്യാറെടുക്കാനാണ് ഷോറൂമുകളോട് ആവശ്യപ്പെട്ടിരിക്കുന്നത്. 2020 ഓട്ടോ എക്‌സ്‌പോയിൽ പ്രദർശിപ്പിച്ചത് മുതൽ ഇന്ത്യയിൽ ജിംനി ലോഞ്ച് ചെയ്യുന്നതിനെക്കുറിച്ചുള്ള ഊഹാപോഹങ്ങൾ വ്യാപകമായിരുന്നു. 2022 ആദ്യത്തോടെ വാഹനം നിരത്തിലെത്തുമെന്നാണ് നിലവിലെ സൂചന. 5-ഡോർ മോഡലായിരിക്കും വരിക.
നേരത്തേ, ജിംനിക്കായി ഇന്ത്യയിൽ പുത്തൻ വിപണി തന്ത്രമൊരുക്കുമെന്ന് കമ്പനിയുടെ സെയിൽസ് ആൻഡ് മാർക്കറ്റിംഗ് എക്സിക്യൂട്ടീവ് ഡയറക്ടർ ശശാങ്ക് ശ്രീവാസ്തവ പറഞ്ഞിരുന്നു. 'ഞങ്ങൾ ജിംനിക്കായി ഇന്ത്യയിൽ പുതിയൊരു മാർക്കറ്റിങ് പ്ലാൻ തയ്യാറാക്കും'എന്നാണ് ശശാങ്ക് ശ്രീവാസ്തവ പറഞ്ഞത്. പുതിയ സംഭവവികാസങ്ങളോടെ വാഹനം വരുമോ എന്നുള്ള വാഹനപ്രേമികളുടെ ആശങ്കകൾക്ക് വിരാമമാവുകയാണ്. എന്നാണ് ജിംനി നിരത്തിൽ എത്തുക എന്നത് മാത്രമാണ് ഇനി അറിയേണ്ടത്.
1.5 ലിറ്റർ പെട്രോൾ എഞ്ചിനുള്ള 5-ഡോർ പതിപ്പായിരിക്കും ഇന്ത്യ-സ്പെക് ജിംനി. 2021 ടോക്കിയോ മോേട്ടാർ ഷോയിൽ പുറത്തിറക്കാനിരുന്ന വാഹനമാണിത്. കോവിഡ് കാരണം ടോക്കിയോ മോേട്ടാർ ഷോ മാറ്റിവച്ചിരുന്നു. ടർബോ ചാർജർ എഞ്ചിനും മൈൽഡ് ഹൈബ്രിഡ് സാേങ്കതികവിദ്യയും ജിംനിക്ക് നൽകുമെന്നും സൂചനയുണ്ട്. ഇതുവരെ നിർമിച്ചിരുന്ന മൂന്ന് ഡോർ ജിംനികൾെക്കാപ്പം അഞ്ച് ഡോർ മോഡലും അവതരിപ്പിക്കാൻ നേരത്തേ സുസുകി തീരുമാനിച്ചിരുന്നു.
ഇന്ത്യ ഉൾപ്പടെ വിപണികളിൽ വാഹനം അവതരിപ്പിക്കാനുള്ള നീക്കത്തിന് മുന്നോടിയായാണ് പുതിയ നടപടി. നാല് മീറ്ററിൽ താഴെ നീളമുള്ള വഹനമാണ് ജിംനി. മൂന്ന് വാതിൽ വാഹനത്തേക്കാൾ 300 എം.എം വീൽബേസ് കൂടുതലാണ്. 3,850 എം.എം നീളവും 1,645 എം.എം വീതിയും 1,730 എം.എം ഉയരവും പുതിയ ജിംനിക്കുണ്ട്. വീൽബേസ് 2,550 മില്ലിമീറ്ററാണ്. 210 എംഎം ആണ് ഗ്രൗണ്ട് ക്ലിയറൻസ്. 1,190 കിലോഗ്രാം ആണ് ഭാരം. മൂന്ന് ഡോർ മോഡലിനേക്കാൾ 100 കിലോഗ്രാം കൂടുതലാണിത്.
എഞ്ചിൻ, ഗിയർബോക്സ് ഓപ്ഷനുകൾ
1.5 ലിറ്റർ കെ 15 ബി പെട്രോൾ എഞ്ചിനാണ് ജിംനി 5-ഡോറിൽ വരുന്നത്. ജപ്പാനിൽ വിൽക്കുന്ന ജിംനി സിയറയ്ക്ക് സമാനമായി 102 എച്ച്പി കരുത്ത് എഞ്ചിന് ലഭിക്കും. ജിംനിയുടെ ഇന്ത്യാ പതിപ്പിൽ മാരുതിയുടെ സ്മാർട്ട് ഹൈബ്രിഡ് സാങ്കേതികത കൂട്ടിച്ചേർക്കാൻ സാധ്യതയുണ്ട്. 1.5 ലിറ്റർ എഞ്ചിൻ നമ്മുടെ വിപണിയിലെ വിറ്റാര ബ്രെസ്സ, എസ്-ക്രോസ്, സിയാസ്, എർട്ടിഗ എന്നിവയിലേതിന് സമാനമാണ്. അഞ്ച് സ്പീഡ് മാനുവൽ, നാല് സ്പീഡ് ടോർക് കൺവെർട്ടർ ഓട്ടോമാറ്റിക് എന്നിവ ഗിയർബോക്സ് ഓപ്ഷനുകളിൽ ഉൾപ്പെടും.
നാല് മീറ്ററിൽ താഴെയാണ് നീളമെങ്കിലും 1.5 ലിറ്റർ എഞ്ചിൻ ഉള്ളതിനാൽ ജിംനി ലോവർ എക്സൈസ് വിഭാഗത്തിൽ വരില്ല. ജിംനിയിൽ 1.2 ലിറ്റർ എഞ്ചിൻ ഉപയോഗിക്കാൻ സുസുക്കി തീരുമാനിക്കുകയാണെങ്കിൽ മോഡലിന് താഴ്ന്ന എക്സൈസ് ഡ്യൂട്ടിക്ക് യോഗ്യത നേടാനാകും. ഇത് വാഹനത്തിന്‍റെ വില രാജ്യത്ത് വൻതോതിൽ കുറക്കാൻ സഹായിക്കും.
മാരുതി സുസുക്കി ഇതിനകം മൂന്ന് ഡോർ ജിംനിയുടെ ഉത്പാദനം ആരംഭിച്ചിട്ടുണ്ട്. വാഹനം നിലവിൽ അന്താരാഷ്ട്ര വിപണികളിലേക്ക് കയറ്റുമതി ചെയ്യുന്നുമുണ്ട്. മഹീന്ദ്ര ഥാർ, ഫോഴ്‌സ് ഗൂർഖ എന്നിവരായിരിക്കും ജിംനിയുടെ നേരിട്ടുള്ള എതിരാളികൾ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.