ന്യൂഡൽഹി: നരേലയിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗം ചെയ്തു കൊലപ്പെടുത്തിയ സംഭവത്തിൽ ഒരാളെ പൊലീസ് അറസ്റ്റ് ചെയ്തു. പെൺകുട്ടിയുടെ അഴുകിയ മൃതദേഹം പൊലീസ് കണ്ടെടുത്തിരുന്നു. രണ്ടുപേരാണ് കുട്ടിയെ ബലാത്സംഗം ചെയ്തതെന്നും പിന്നീട് കഴുത്തുഞെരിച്ചു കൊല്ലുകയായിരുന്നുവെന്നും പൊലീസ് പറഞ്ഞു.
ഫെബ്രുവരി 15നാണ് മാനസിക വൈകല്യമുള്ള കുട്ടിയെ കാണാനില്ലെന്ന് കാണിച്ച് കുടുംബം പൊലീസിൽ പരാതി നൽകിയത്. പൊലീസ് പലയിടത്തും തെരച്ചിൽ നടത്തിയെങ്കിൽ കണ്ടെത്താനായില്ല. കഴിഞ്ഞ ദിവസം കടയുടമ തന്‍റെ കടയുടെ സ്റ്റോർ റൂമിൽ നിന്നും നാറ്റം വരുന്നതായി പൊലീസിനെ അറിയിക്കുകയായിരുന്നു. ജീവനക്കാരിലൊരാളെ കാണാതായെന്നും കടയുടമ അറിയിച്ചു. തുടർന്ന് നടത്തിയ തെരച്ചിലാണ് 14കാരിയുടെ മൃതദേഹം കണ്ടെത്തിയത്.
ഝാൻസിയിലായിരുന്ന കടയുടമ തിരിച്ചെത്തിയപ്പോഴായിരുന്നു സംഭവം. ചാണക വറളികൾക്കൊപ്പം ചാക്കിൽ പൊതിഞ്ഞ നിലയിലാണ് മൃതദേഹം കണ്ടെടുത്തത്. രണ്ടു പ്രതികളും അടുത്തുതന്നെ താമസിക്കുന്ന പെൺകുട്ടിയെ ബലാത്സംഗം ചെയ്യണമെന്ന് പദ്ധതിയിട്ടിരുന്നു. ജോലിക്കെന്നു പറഞ്ഞ് വിളിച്ചുവരുത്തിയാണ് കുട്ടിയെ ഇവർ ബലാത്സംഗം ചെയ്തത്.
ഒരാൾ കൂടി ുടൻ പിടിയിലാകുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.