പനാജി: ഗോവ നിയമസഭയിലേക്ക് നടക്കുന്ന ഉപതെരഞ്ഞെടുപ്പിൽ മൂന്ന് സീറ്റുകളിലും മത്സരിക്കുമെന്ന് ആം ആദ്മി പാർട്ടി (ആപ്) വ്യക്തമാക്കി. പാർട്ടി ഗോവ ജനറൽ സെക്രട്ടറി പ്രദീപ് പഡ്ഗോവൻകർ അറിയിച്ചതാണ് ഇക്കാര്യം. ശിരോദ, മാന്ദ്രം, മാപുസ മണ്ഡലങ്ങളിലാണ് തെരഞ്ഞെടുപ്പ്. പൊതുതെരഞ്ഞെടുപ്പിനൊപ്പം ഏപ്രിൽ 23നാണ് ഇവിടെ വോെട്ടടുപ്പ്. ശിരോദ, മാന്ദ്രം മണ്ഡലങ്ങളിലെ കോൺഗ്രസ് എം.എൽ.എമാർ പാർട്ടിവിട്ട് ബി.ജെ.പിയിൽ ചേർന്നതോടെയാണ് ഇവിടെ തെരഞ്ഞെടുപ്പിന് കളമൊരുങ്ങിയത്. മാപുസ മണ്ഡലത്തിൽ ബി.ജെ.പി എം.എൽ.എ ഫ്രാൻസിസ് ഡിസൂസ മരണപ്പെട്ടതിനെ തുടർന്നാണ് ഒഴിവുവന്നത്. സംസ്ഥാനത്തെ രണ്ട് ലോക്സഭ സീറ്റുകളിലും ആപ് മത്സരിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.