ദേശീയഗാനം തെറ്റിച്ചു പാടി ബിഹാർ വിദ്യാഭ്യാസ മന്ത്രി; പഴയ വിഡിയോ കുത്തിപ്പൊക്കി ആർ.ജെ.ഡി

പട്​ന: കഴിഞ്ഞ നിയമസഭാ തെരഞ്ഞെടുപ്പിൽ ഏറ്റവും വലിയ ഒറ്റകക്ഷിയായി മാറിയിട്ടും ബീഹാറിൽ സർക്കാർ രൂപീകരിക്കുന്നതിൽനിന്ന്​ പരാജയപ്പെട്ട രാഷ്​ട്രീയ ജനതാദളി​െൻറ (ആർ.ജെ.ഡി) നേതാക്കൾ എതിരാളികളെ ലക്ഷ്യമിട്ട് സമൂഹ മാധ്യമങ്ങളിൽ സജീവമാണ്​. ബി​ഹാ​റി​െൻറ പുതിയ വി​ദ്യാ​ഭ്യാ​സ മ​ന്ത്രി മേ​വാ​ലാ​ൽ ചൗ​ധ​രിയെയാണ്​ ഇപ്പോൾ പാർട്ടി പ്രധാനമായും ലക്ഷ്യമിടുന്നത്​.

മേ​വാ​ലാ​ൽ ചൗ​ധ​രി ദേ​ശീ​യ​ഗാ​ന​ത്തി​ന്‍റെ വ​രി​ക​ൾ തെ​റ്റി​ച്ചു​പാ​ടുന്ന വിഡിയോ ആർ.ജെ.ഡി അവരുടെ ഒൗദ്യോഗിക ട്വിറ്റർ അക്കൗണ്ടിൽ പങ്കുവെച്ചു​. ഒ​രു സ്കൂ​ളി​ൽ ന​ട​ന്ന ച​ട​ങ്ങി​ൽ പ​താ​ക ഉ​യ​ർ​ത്തി മേവാലാൽ ചൗധരി ദേ​ശീ​യ ഗാ​നം തെ​റ്റി​ച്ച് ചൊ​ല്ലു​ന്ന പഴയ വീ​ഡി​യോ​യാ​ണ് ഇ​പ്പോ​ൾ വൈ​റ​ലാ​കു​ന്ന​ത്.

പ​ല ത​വ​ണ അ​ഴി​മ​തി ആ​രോ​പി​ത​നാ​യ ബി​ഹാ​ർ വി​ദ്യാ​ഭ്യാ​സ മ​ന്ത്രി മേ​വാ​ലാ​ൽ ചൗ​ധ​രി​ക്ക് ദേ​ശീ​യ​ഗാ​ന​വും അ​റി​യി​ല്ലെ​ന്നും അ​ൽ​പം നാ​ണം ബാ​ക്കി​യു​ണ്ടോ നി​തീ​ഷ് എ​ന്നു​മാ​ണു വീ​ഡി​യോ ട്വീ​റ്റ് ചെ​യ്ത് ആ​ർ​.ജെ.​ഡി ചോ​ദി​ക്കു​ന്ന​ത്. വീ​ഡി​യോ എ​ന്ന് എ​ടു​ത്ത​താ​ണെ​ന്നോ എ​വി​ടെ​യാ​ണെ​ന്നോ വ്യ​ക്ത​മ​ല്ല.

ഭ​ഗ​ൽ​പു​ർ അഗ്രികൾച്ചർ സ​ർ​വ​ക​ലാ​ശാ​ല​യു​ടെ (ബി.എൻ.യു) വൈ​സ് ചാ​ൻ​സ​ല​ർ ആ​യി​രു​ന്ന ഡോ. ​മേ​വാ​ലാ​ൽ ചൗ​ധ​രി​ മു​മ്പും നി​ര​വ​ധി വി​വാ​ദ​ങ്ങ​ളി​ൽ ഉ​ൾ​പ്പെ​ട്ടി​ട്ടു​ണ്ട്. ഭാ​ര്യ​യു​ടെ മ​ര​ണം സം​ബ​ന്ധി​ച്ച ആ​രോ​പ​ണ​ങ്ങ​ളും ഇ​തി​ൽ ഉ​ൾ​പ്പെ​ടു​ന്നു. അഗ്രികൾച്ചർ യൂണിവേഴ്‌സിറ്റിയിൽ വൈസ് ചാൻസലറായിരുന്നപ്പോൾ ക്രമക്കേട് നടത്തിയെന്ന് മേവാലാൽ ചൗധരിയെതിരെ റിപ്പോർട്ടുകൾ ഉണ്ടായിരുന്നു.