'ഇങ്ങനെ കാത്തിരിക്കാനാവില്ല, ഫി​റോ​സ്പൂ​രി​​ലേ​ക്ക് പുറപ്പെടും'; പാക് പിടിയിലായ ജവാന്‍റെ വിവരങ്ങൾ ലഭിക്കുന്നില്ലെന്ന് ഭാര്യ

കൊ​ൽ​ക്ക​ത്ത: പാ​ക് പി​ടി​യി​ലാ​യ ജ​വാ​നെ​ക്കു​റി​ച്ച് വി​വ​ര​ങ്ങ​ളൊ​ന്നും ല​ഭി​ക്കാ​തെ ഭാ​ര്യ. പാ​ക് അ​തി​ർ​ത്തി ക​ട​ന്ന​തി​ന് ക​സ്റ്റ​ഡി​യി​ലെ​ടു​ത്ത ബി.​എ​സ്.​എ​ഫ് ജ​വാ​ൻ പൂ​ർ​ണം സാ​ഹു​വി​ന്റെ ഗ​ർ​ഭി​ണി​യാ​യ ഭാ​ര്യ ര​ജ​നി​ക്കാ​ണ് ഈ ​ദു​ര്യോ​ഗം. സാ​ഹു​വി​ന്റെ മോ​ച​ന​ത്തി​ൽ ഇ​ന്ത്യ​ൻ ഇ​ട​പെ​ട​ലി​ന്റെ വി​വ​രം ല​ഭി​ക്കാ​ത്ത​താ​ണ് അ​വ​രെ കു​ഴ​ക്കു​ന്ന​ത്. സേ​ന​യി​ലെ മു​തി​ർ​ന്ന ഉ​ദ്യോ​ഗ​സ്ഥ​രി​ൽ​നി​ന്ന് വി​വ​ര​മ​റി​യാ​ൻ ഫി​റോ​സ് പൂ​രി​​ലേ​ക്ക് പോ​കാ​നാ​ണ് ഇ​വ​രു​ടെ തീ​രു​മാ​നം. വി​വ​രം ല​ഭി​ച്ചി​ല്ലെ​ങ്കി​ൽ ഡ​ൽ​ഹി​യി​ലേ​ക്ക് പോ​കും.

അ​തി​ർ​ത്തി​ക്ക​ടു​ത്തു​ള്ള ഒ​രു കൂ​ട്ടം ക​ർ​ഷ​ക​ർ​ക്ക് അ​ക​മ്പ​ടി പോ​യ സാ​ഹു വി​ശ്ര​മി​ച്ച മ​രം പാ​ക് നി​യ​ന്ത്രി​ത മേ​ഖ​ല​യി​ലാ​യി​രു​ന്നു. ഉ​ട​ൻ പാ​ക് സേ​ന ഇ​യാ​ളെ ക​സ്റ്റ​ഡി​യി​ലെ​ടു​ത്തു. പ​ഞ്ചാ​ബി​ലെ ഫി​റോ​സ്പൂ​രി​ലെ ബി.​എ​സ്.​എ​ഫി​ന്റെ 182ാം ബ​റ്റാ​ലി​യ​ൻ അം​ഗ​മാ​ണ് സാ​ഹു. മോ​ച​ന​വു​മാ​യി ബ​ന്ധ​പ്പെ​ട്ട ച​ർ​ച്ച​ക​ൾ ന​ട​ത്താ​ൻ ഇ​ന്ത്യ-​പാ​ക് അ​തി​ർ​ത്തി സേ​ന​ക​ൾ ഫ്ലാ​ഗ് മീ​റ്റി​ങ് ന​ട​ത്തി​യ​താ​യി വ്യാ​ഴാ​ഴ്ച രാ​ത്രി അ​റി​യി​ച്ചി​രു​ന്നു.

അതിർത്തിയിൽ കർഷകരുടെ തുണയ്ക്കായുള്ള ‘കിസാൻ ഗാർഡ്’ ഡ്യൂട്ടിക്കിടെയാണ് സാഹു പാക്കിസ്ഥാന്റെ പിടിയിലായത്. വേനൽക്കാലത്ത് അതിർത്തിക്കും സീറോ ലൈനിനുമിടയിൽ സുരക്ഷാവേലിയില്ലാത്ത ഭാഗങ്ങളിൽ കൃഷി അനുവദിക്കാറുണ്ട്. ഇവിടെ നിരീക്ഷണ ചുമതലയിലുണ്ടായിരുന്ന സാഹു വിശ്രമിക്കാൻ ശ്രമിക്കുന്നതിനിടെ അബദ്ധത്തിൽ പാകിസ്ഥാൻ പ്രദേശത്തേക്ക് പ്രവേശിക്കുകയായിരുന്നു.