മധ്യപ്രദേശിൽ ക്രിസ്ത്യൻ പള്ളിക്കുനേർക്ക് വീണ്ടും ഹിന്ദുത്വ ആക്രമണം. മധ്യപ്രദേശിലെ നർമ്മദാപുരം ജില്ലയിലെ ഒരു പള്ളി ഹിന്ദുത്വ സംഘടന പ്രവർത്തകർ നശിപ്പിക്കുകയും കത്തിക്കുകയും ചെയ്തു. പള്ളിയുടെ ചുമരിൽ ‘രാമൻ’ എന്ന് കരി ഉപയോഗിച്ച് എഴുതുകയും ചെയ്തു.
മതഗ്രന്ഥങ്ങളും ഫർണിച്ചർ ഉൾപ്പെടെയുള്ള വസ്തുക്കളും കത്തിച്ചു. ഞായറാഴ്ച പ്രദേശത്തുള്ള ക്രിസ്ത്യാനികൾ ചൗകിപുര പ്രദേശത്തുള്ള പള്ളിയിൽ പ്രാർത്ഥന നടത്താൻ പോയപ്പോഴാണ് സംഭവം പുറത്തറിയുന്നതെന്ന് പൊലീസ് അറിയിച്ചു. ഇന്ത്യൻ ശിക്ഷാനിയമത്തിലെ സെക്ഷൻ 295 (ഏതെങ്കിലും വിഭാഗത്തിന്റെ മതത്തെ അവഹേളിക്കുക എന്ന ഉദ്ദേശത്തോടെ ആരാധനാലയം തകർക്കുകയോ മലിനമാക്കുകയോ ചെയ്യുക) പ്രകാരം അജ്ഞാതർക്കെതിരെ കേസെടുത്തതായി ഇറ്റാർസി സബ് ഡിവിഷനൽ ഓഫീസർ ഓഫ് പൊലീസ് മഹേന്ദ്ര സിംഗ് ചൗഹാൻ പറഞ്ഞു. കേസല ബ്ലോക്കിലെ സുഖ്താവ ഗ്രാമത്തിലാണ് പള്ളി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.