യു.എസി​ലെ ഇന്ത്യക്കാരെ നാടുകടത്തൽ: സി-17 സൈനിക വിമാനത്തിന്റെ യാത്ര ഫ്ലൈറ്റ് ട്രാക്കിങ് സൈറ്റുകൾക്ക് പിടിതരാതെ

ന്യൂഡൽഹി: 205 അനധികൃത ഇന്ത്യൻ കുടിയേറ്റക്കാരുമായി അമേരിക്കയിലെ ടെക്സസിൽനിന്നുള്ള ആദ്യ യു.എസ് വ്യോമസേന വിമാനത്തിന്റെ യാത്ര സഞ്ചാരം ഫ്ലൈറ്റ് ട്രാക്കിങ് വെബ് സൈറ്റുകൾക്ക് പോലും പിടിതരാതെ. 205 ഇന്ത്യക്കാരെയും വഹിച്ച് ഇന്ത്യൻ സമയം ഉച്ച കഴിഞ്ഞ് 2.30ഓടെ സാൻ അന്റോണിയോയിൽനിന്ന് പുറപ്പെട്ട സി-17 യു.എസ് വ്യോമസേന വിമാനം ജർമനിയിലെ റാംസ്റ്റീനിൽ ഇറങ്ങി ഇന്ധനം നിറച്ചശേഷമാണ് യാത്ര തുടർന്നത്. 13000 കിലോമീറ്റർ താണ്ടാൻ 20 മണിക്കൂറിലേറെ വേണ്ടിവരും.

അനധികൃത ഇന്ത്യൻ കുടിയേറ്റക്കാരായ 18,000 പേരെ ഇന്ത്യയിലേക്ക് തിരിച്ചയക്കാനുള്ള അമേരിക്കൻ പ്രസിഡന്റ് ഡോണൾഡ് ട്രംപിന്റെ തീരുമാനം നടപ്പാക്കുന്നതിന്റെ തുടക്കമാണിത്. ഇന്ത്യൻ എംബസി വഴി പൗരത്വം ഉറപ്പുവരുത്തിയശേഷമാണ് 205 പേരുമായി ‘സി -7’വ്യോമസേന വിമാനം ഇന്ത്യയിലേക്ക് പറന്നത്. ചൊവ്വാഴ്ച ഇന്ത്യൻ സമയം രാവിലെ ആറിന് പുറപ്പെട്ട വിമാനം ഇന്ന് ഉച്ചയോടെ അമൃത്സറിൽ ഇറങ്ങുമെന്നാണ് പ്രതീക്ഷ.

1100 ഇന്ത്യക്കാരെ കഴിഞ്ഞവർഷം അമേരിക്ക തിരിച്ചയച്ചിരുന്നുവെങ്കിലും ചരിത്രത്തിലാദ്യമായാണ് സൈനിക വിമാനത്തിൽ അനധികൃത കുടിയേറ്റക്കാരെ നാടുകടത്തുന്നത്. അനധികൃത കുടിയേറ്റക്കാരെ അമേരിക്കയിൽനിന്ന് പുറന്തള്ളാൻ പ്രസിഡന്റ് ഡോണൾഡ് ട്രംപ് സൈന്യത്തിന്റെ സഹായം ആവശ്യപ്പെട്ടിരുന്നു.

എൽപാസോ, ടെക്സസ്, സാൻഡിയാഗോ എന്നിവിടങ്ങളിൽനിന്ന് പിടികൂടിയ 5,000 അനധികൃത കുടിയേറ്റക്കാരെയാണ് സ്വന്തം രാജ്യങ്ങളിലേക്ക് കയറ്റിയയക്കുന്നത്. അനധികൃത കുടിയേറ്റം പൊറുപ്പിക്കില്ലെന്ന സന്ദേശമാണ് ഇതിലൂടെ നൽകുന്നതെന്ന് ന്യൂഡൽഹിയിലെ യു.എസ് എംബസി വക്താവ് പറഞ്ഞു.  

കൊ​ണ്ടി​റ​ക്കു​ന്ന​താ​രെ?

• രേ​ഖ​ക​ളി​ല്ലാ​ത്ത, അ​ന​ധി​കൃ​ത കു​ടി​യേ​റ്റ​ക്കാ​രാ​യ 205 ഇ​ന്ത്യ​ൻ പൗ​ര​ന്മാ​ർ.
• ട്രം​പ് ഭ​ര​ണ​കൂ​ട​ത്തി​ന്റെ ക​ർ​ശ​ന ന​ട​പ​ടി​ക​ളു​ടെ ഭാ​ഗ​മാ​യി ഇ​തു​വ​രെ 18000 ഇ​ന്ത്യ​ക്കാ​രെ അ​ന​ധി​കൃ​ത കു​ടി​യേ​റ്റ​ക്കാ​രാ​യി ക​ണ്ടെ​ത്തി​യി​ട്ടു​ണ്ട്. ഇ​തി​ൽ 17,940 പേ​ർ​ക്ക് തി​രി​ച്ച​യ​ക്ക​ൽ രേ​ഖ​ക​ൾ ല​ഭി​ച്ചു.
• 2467 പേ​ർ നി​ല​വി​ൽ ഡി​റ്റ​ൻ​ഷ​ൻ കേ​ന്ദ്ര​ങ്ങ​ളി​ലാ​ണ്.
• യു.​എ​സി​ൽ 7,25000 അ​ന​ധി​കൃ​ത ഇ​ന്ത്യ​ക്കാ​രു​ണ്ടെ​ന്നാ​ണ് ക​രു​ത​പ്പെ​ടു​ന്ന​ത്. മെ​ക്സി​കോ, എ​ൽ​സാ​വ​ഡോ​ർ രാ​ജ്യ​ങ്ങ​ളി​ൽ​നി​ന്നു​ള്ള​വ​രാ​ണ് ഇ​ന്ത്യ​യേ​ക്കാ​ൾ മു​ന്നി​ൽ.
• വ​രും നാ​ളു​ക​ളി​ൽ കൂ​ടു​ത​ൽ പേ​രെ തി​രി​ച്ച​യ​ച്ചേ​ക്കും.

ക​ഠി​ന​യാ​ത്ര

യു.​എ​സ് സൈ​നി​ക വി​മാ​ന​ങ്ങ​ളി​ലാ​യി ഗ്വാ​ട്ട​മാ​ല​യി​ലും പെ​റു​വി​ലും ഹോ​ണ്ടു​റാ​സി​ലും എ​ത്തി​ച്ച അ​ന​ധി​കൃ​ത കു​ടി​യേ​റ്റ​ക്കാ​രെ മു​ന​ഷ്യ​ത്വ​ഹീ​ന​മാ​യാ​ണ് പ​രി​ഗ​ണി​ച്ച​തെ​ന്ന് ആ​രോ​പ​ണ​മു​ണ്ടാ​യി​രു​ന്നു. ആ​ളു​ക​ളെ വി​ല​ങ്ങ​ണി​യി​ച്ചാ​യി​രു​ന്നു ഇ​രു​ത്തി​യ​ത്.

യാ​ത്രാ​വി​മാ​ന​ങ്ങ​ളി​ൽ നി​ന്ന് വ്യ​ത്യ​സ്ത​മാ​യി, സൈ​നി​ക വി​മാ​ന​ങ്ങ​ളി​ലെ താ​പ​നി​ല​ ക​ഠി​ന​മാ​യി​രി​ക്കും. ശൗ​ചാ​ല​യം പോ​ലു​ള്ളവയും കു​റ​വാ​കും. അ​തി​ശ​ക്ത​മാ​യ ശ​ബ്ദ​മ​ട​ക്കം സൈ​നി​ക വി​മാ​ന​ങ്ങ​ളു​ടെ പ​രു​ക്ക​ൻ സാ​ഹ​ച​ര്യ​ം അ​തി​ജീ​വി​ച്ചു​വേ​ണം യാ​ത്ര.

തി​രി​ച്ച​യ​ക്ക​ൽ ഇ​ന്ത്യ​യു​ടെ അ​റി​വോ​ടെ; മോദിയുടെ സന്ദർശനത്തിന് മുമ്പ്

ഇ​ന്ത്യ​യു​മാ​യി കൂ​ടി​യാ​ലോ​ച​ന ന​ട​ത്തി​യാ​ണ് 205 അ​ന​ധി​കൃ​ത കു​ടി​യേ​റ്റ​ക്കാ​രു​മാ​യി വ്യോ​മ​സേ​ന​യു​ടെ ആ​ദ്യ വി​മാ​നം യു.​എ​സ് ഇ​ന്ത്യ​യി​ലേ​ക്ക് അ​യ​ച്ച​ത്. ഡോ​ണ​ൾ​ഡ് ട്രം​പ് ര​ണ്ടാ​മ​തും പ്ര​സി​ഡ​ന്റ് പ​ദ​ത്തി​ലെ​ത്തി​യ ശേ​ഷ​മു​ള്ള ആ​ദ്യ സ​ന്ദ​ർ​ശ​ന​ത്തി​നാ​യി പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഒ​രാ​ഴ്ച ക​ഴി​ഞ്ഞ് യു.​എ​സി​ലേ​ക്ക് പോ​കാ​നി​രി​ക്കേ​യാ​ണി​ത്. അ​ന​ധി​കൃ​ത കു​ടി​യേ​റ്റ​ക്കാ​രെ തി​രി​ച്ച​യ​ക്കാ​നു​ള്ള ട്രം​പി​ന്റെ നീ​ക്ക​ത്തെ ഇ​ന്ത്യ പി​ന്തു​ണ​ച്ചി​രു​ന്നു. വാ​ഷി​ങ്ട​ണി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ കേ​ന്ദ്ര വി​ദേ​ശ മ​ന്ത്രി എ​സ്. ജ​യ്ശ​ങ്ക​ർ ഇ​ക്കാ​ര്യം വ്യ​ക്ത​മാ​ക്കി​യി​രു​ന്നു.

ഇ​ന്ത്യ​യി​ൽ​നി​ന്നു​ള്ള അ​ന​ധി​കൃ​ത കു​ടി​യേ​റ്റ​ക്കാ​രു​ടെ കാ​ര്യം ച​ർ​ച്ച ചെ​യ്ത​പ്പോ​ൾ ‘ശ​രി​യാ​യ​ത്’ ചെ​യ്യു​​മെ​ന്ന് ന​രേ​ന്ദ്ര മോ​ദി ഉ​റ​പ്പു​ന​ൽ​കി​യി​രു​ന്നെ​ന്ന് ട്രം​പും വെ​ളി​പ്പെ​ടു​ത്തി​യി​രു​ന്നു. അ​മേ​രി​ക്ക​യി​ലെ​ന്ന​ല്ല, ലോ​ക​ത്തി​ന്റെ ഏ​ത് ഭാ​ഗ​ത്തും മ​തി​യാ​യ രേ​ഖ​ക​ളി​ല്ലാ​തെ താ​മ​സി​ക്കു​ന്ന ഇ​ന്ത്യ​ക്കാ​രെ തി​രി​കെ കൊ​ണ്ടു​വ​രു​മെ​ന്നാ​ണ് വി​ദേ​ശ കാ​ര്യ വ​ക്താ​വ് ര​ൺ​ധീ​ർ ജ​യ്സ്വാ​ൾ പ​റ​ഞ്ഞ​ത്. എ​ന്നാ​ൽ, രേ​ഖ​ക​ൾ പ​രി​ശോ​ധി​ച്ച് ഇ​ന്ത്യ​ക്കാ​രാ​ണെ​ന്ന് ഉ​റ​പ്പു​വ​രു​ത്തി​യ ശേ​ഷ​മേ തി​രി​കെ കൊ​ണ്ടു​വ​രൂ​വെ​ന്നും അ​ദ്ദേ​ഹം വി​ശ​ദീ​ക​രി​ച്ചു.