ദശകത്തിന്​ ശേഷം ഡി.എം.കെക്ക്​ തമിഴക ഭരണം

നീണ്ട പത്ത്​ വർഷ​ത്തെ ഇടവേളക്ക്​ ശേഷം ഡി.എം.കെ വീണ്ടും തമിഴകത്ത്​ ചെ​ങ്കോലേന്തുകയാണ്​. പത്ത്​ വർഷം അധികാര കസേരക്ക്​ പുറത്തിരിക്കൽ ഡി.എം.കെയെ പോലെ ഒരു പ്രാദേശിക രാഷ്​ട്രീയ പാർട്ടിക്ക്​ എളുപ്പമല്ല. എന്നിട്ടും കാഡറിസത്തി​െൻറ ബലത്തിലാണ്​ പാർട്ടി തകരാതെ പിടിച്ചുനിന്നത്​.

എം.ജി.ആർ ഡി.എം.കെയെ പിളർത്തി എ.ഐ.ഡി.എം.കെ രൂപീകരിച്ച്​ മുഖ്യമന്ത്രിയായ 1977 മുതൽ 1988 കാലം വരെയൊണ്​ ഇതിന്​ മുമ്പ്​ ഡി.എം.കെക്ക്​ ഇത്രയധികം കാലം അധികാത്തിന്​ പുറത്തിരിക്കേണ്ടി വന്നത്​. 1967ൽ അണ്ണാദുരൈയൂടെ നേതൃത്വത്തിൽ ഇന്ത്യയിലാദ്യമായി ഒരു കോൺഗ്രസ്​ ഇതര സർക്കാർ അധികാരത്തിൽ വന്നത്​ തമിഴ്​നാട്ടിൽ ഡി.എം.കെയുടെ നേതൃത്വത്തിലായിരുന്നു. പിന്നീട്​ മുഖ്യമന്ത്രി കസേരയിലും പ്രതിപക്ഷത്തുമായി ഡി.എം.കെ ഉണ്ട്​. എന്നാൽ, 2011ലെ കനത്ത തിരിച്ചടിക്ക്​ ശേഷം 2016ൽ തിരിച്ചുവരാമെന്ന കണക്കുകൂട്ടൽ ജയലളിത തെറ്റിക്കുകയായിരുന്നു. വീണ്ടും ഡി.എം.കെ അധികാരത്തിലേറു​േമ്പാൾ കരുണാനിധിയും ജയലളിതയും ഇല്ലാത്ത തമിഴകമാണ്​.

കപ്പിത്താനില്ലാത്ത ശൂന്യതയിലേക്ക്​ സ്വയം കസേര വലിച്ചിട്ടിരുന്ന എടപ്പാടി പളനി സാമിയും കരുത്ത തെളിയിച്ച സ്​റ്റാലിനും തമിഴക രാഷ്​ട്രീയത്തിലെ അധികാര ബലാബലമായി മാറും.

കരുണാധിയും സ്​റ്റാലിനും ഒന്നിച്ച്​ നിയമസഭയിലിരുന്നതിനെ ഓർമിപ്പിച്ച്​ സ്​റ്റാലിനും മകൻ ഉദയനിധി സ്​റ്റാലിനും ഒന്നിച്ച്​ തമിഴ്​നാട്​ നിയമസഭയിലേക്ക്​ വരുന്നതിനും ഈ നിയമസഭ സാക്ഷിയാവുകയാണ്​. കന്നിയങ്കത്തിന്​ ചെപ്പോക്ക്​ മണ്ഡലത്തിൽ വെല്ലുവിളികൾ ഏതുമില്ലാതെയാണ്​ ഉദയനിധിയുടെ വിജയം. ഡി.എം.കെയിൽ കലൈഞജർ കുടുംബത്തി​െൻറ അധികാര തുടർച്ച ഉറപ്പാക്കാൻ സ്​റ്റാലിൻ മകനെ സിനിമയിൽനിന്ന്​ രാഷ്​ട്രീയത്തിലേക്ക്​ പറിച്ചുനട്ടതിന്​ സാക്ഷ്യം വഹിച്ച തെരഞ്ഞെടുപ്പിൽ കൊളത്തൂരിൽനിന്ന്​ സ്​റ്റാലിനും സെൻറ്​ ജോർജ്​ കോട്ടയു​െട പടി കടന്നെത്തുകയാണ്​.

പുതുച്ചേരിയിൽ എൻ.ആർ കോൺഗ്രസ്​

പതുക്കെ പുരോഗമിക്കുന്ന പുതുച്ചേരിയിലെ വോ​ട്ടെണ്ണലിൽ 20 സീറ്റിലെ ഫലങ്ങളും ലീഡ്​ നിലയും മാത്രമാണ്​ നിലവിൽ പുറത്തുവന്നത്​. അതിൽ 12 സീറ്റിൽ എൻ.ആർ കോൺഗ്രസും ആറ്​ സീറ്റിൽ കോൺഗ്രസും ലീഡ്​ ചെയ്യുകയാണ്​. ബി.​െജ.പി, എ.ഐ.എ.ഡി.എം.കെ, എൻ.ആർ കോൺഗ്രസ്​ സഖ്യവും കോൺഗ്രസ്​, ഡി.എം.കെ സഖ്യവും തമ്മിലാണ്​ മത്സരം.