അഹമ്മദാബാദ്: ഗുജറാത്ത് ഭാവ്നഗറിലെ സ്വകാര്യ ആശുപത്രിയുടെ അത്യാഹിത വിഭാഗത്തിൽ ഡോക്ടർക്ക് രോഗിയുടെ ബന്ധുക്കളുടെ ക്രൂരമർദനം. രോഗിക്കൊപ്പം അത്യാഹിത വിഭാഗത്തിൽ കയറിയ ബന്ധുക്കളായ മൂന്നു യുവാക്കളോട് ഡോക്ടർ ചെരുപ്പ് അഴിച്ച് വെക്കാൻ പറഞ്ഞതാണ് ആക്രമണ കാരണം. സംഭവത്തിൽ മൂന്നു പേർ അറസ്റ്റിലായി.
Young Doctor assaulted at Sihor hospital in #Bhavnagar district;
— Indian Doctor🇮🇳 (@Indian__doctor) September 16, 2024
Altercation erupts over removing shoes.
A verbal altercation turned violent when relatives of a female patient were instructed to remove their footwear before entering the emergency ward."#MedTwitter @JPNadda pic.twitter.com/b91PU6eECD
ശനിയാഴ്ച നടന്ന സംഭവത്തിന്‍റെ സി.സി.ടി.വി ദൃശ്യങ്ങൾ പുറത്തുവന്നിട്ടുണ്ട്. ഡോക്ടർ ജയ്ദീപ് സിങ് ഗോഹിലിനാണ് മർദനമേറ്റത്.
യുവാക്കളുടെ മർദനം ഡോക്ടർ തടയുന്നതും തിരിച്ച് അടിക്കുന്നതും ദൃശ്യങ്ങളിലുണ്ട്. രോഗിയായ സ്ത്രീ കട്ടിലിൽനിന്ന് എഴുന്നേറ്റ് മർദനം തടയാൻ ശ്രമിക്കുകയും ചെയ്യുന്നുണ്ട്.
സംഭവത്തിൽ അത്യാഹിത വിഭാഗത്തിലെ ഉപകരണങ്ങൾക്ക് കേടുപാടുകൾ സംഭവിച്ചിട്ടുണ്ട്. ഹിരേൻ ദാംഗർ, ഭാവ്ദീപ് ദാംഗർ, കൗശിക് കുവാഡിയ എന്നിവരാണ് അറസ്റ്റിലായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.