മുംബൈ: വിഖ്യാത ഗസൽ ഗായകൻ ഭൂപീന്ദർ സിങ് (82) അന്തരിച്ചു. കുടലിൽ അർബുദം ബാധിച്ചതിനെ തുടർന്ന് ആശുപത്രിയിലായിരുന്നു. നാം ഗം ജായേഗ, ദിൽ ദൂൻഡ്താ ഹൈ, ദോ ദിവാനെ ഷഹർ മേ, ഏക് അകേല ഹി ഷഹർ മേ, തോഡി സീ സമീൻ തോഡാ ആസ്മാൻ, ദുനിയ ചൂതെ യാർ നാ ചൂതെ, കരോഗെ യാദ് തോ തുടങ്ങിയ ഗാനങ്ങളിലൂടെ പ്രശസ്തനാണ് ഭൂപീന്ദർ സിങ്.
അമൃത്സറിൽ ജനിച്ച ഭൂപീന്ദർ ഡൽഹി ഓൾ ഇന്ത്യ റേഡിയോയിൽ ഗായകനും സംഗീതജ്ഞനുമായാണ് കരിയർ തുടങ്ങിയത്. സംഗീത സംവിധായകൻ മദൻ മോഹനാണ് ഭൂപീന്ദറിന്റെ പ്രതിഭ തിരിച്ചറിഞ്ഞ് മുംബൈയിലേക്ക് കൊണ്ടുവന്നത്. 1964ൽ ഹഖീഖത്ത് സിനിമയിൽ പാടിയായിരുന്നു ബോളിവുഡ് അരങ്ങേറ്റം.
ഗായിക മിഥാലി സിങ് ആണ് ഭാര്യ. ഒരു മകനുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.