മുംബൈ: മൂന്നു ദിവസമായി കാണാതായ എച്ച്.ഡി.എഫ്.സി ബാങ്ക് വൈസ് പ്രസിഡൻറ് സിദ്ധാർഥ് സംഘ്വിയുടെ (38) കാർ കണ്ടെത്തി. നവി മുംബൈയിലെ െഎരോളി െസക്ടർ 11ൽ ഉപേക്ഷിക്കപ്പെട്ട നിലയിലാണ് അദ്ദേഹത്തി‍െൻറ നീല മാരുതി ഇഗ്നിസ് കാർ കണ്ടെത്തിയത്. പിൻസീറ്റിൽ രക്തക്കറയും കത്തിയും പൊലീസ് കണ്ടെത്തി. കൂടുതൽ വിവരങ്ങൾ പൊലീസ് വെളിപ്പെടുത്തിയിട്ടില്ല.
ബുധനാഴ്ച രാത്രി 7.30ന് കമലാമിൽസ് സമുച്ചയത്തിലെ ഒാഫിസിൽനിന്ന് പുറത്തിറങ്ങിയ സിദ്ധാർഥിനെ പിന്നീട് കാണാതാവുകയായിരുന്നു. 7.30ഒാടെ മൊബൈൽ സ്വിച്ച് ഒാഫ് ആയി. മലബാർ ഹില്ലിലെ വീട്ടിൽ തിരിച്ചെത്താത്തതിനെ തുടർന്ന് ഭാര്യ പൊലീസിൽ പരാതി നൽകുകയായിരുന്നു. സിദ്ധാർഥിനെ കണ്ടെത്തലാണ് പ്രഥമ ദൗത്യമെന്ന് എൻ.എം. ജോഷിമാർഗ് പൊലീസ് സ്റ്റേഷനിലെ സീനിയർ ഇൻസ്പെക്ടർ പണ്ഡിറ്റ് തോറാട്ട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.