ന്യൂഡൽഹി: 24 മണിക്കൂറിനിടെ ഇന്ത്യയിൽ 19,459 പേർക്ക് പുതുതായി കോവിഡ് സ്ഥിരീകരിച്ചു. ആകെ രോഗികളുടെ എണ്ണം 5,48,318 ആയി ഉയർന്നു. 16,475 പേരാണ് രോഗം ബാധിച്ച് ഇതുവരെ മരിച്ചത്.
380 പേരാണ് കഴിഞ്ഞ 24 മണിക്കൂറിനിടെ കോവിഡ് ബാധിച്ച് മരിച്ചത്. നിലവിൽ 2,10,120 പേരാണ് കോവിഡ് ബാധിച്ച് ചികിൽസയിലുള്ളത്. 3,21,723 പേർക്ക് രോഗം ഭേദമായി. 1,70,560 സാമ്പിളുകൾ ഞായറാഴ്ച മാത്രം പരിശോധിച്ചുവെന്ന് ഐ.സി.എം.ആർ അറിയിച്ചു. ഇതുവരെ 83,98,362 സാമ്പിളുകളാണ് പരിശോധിച്ചത്.
മഹാരാഷ്ട്ര, ഡൽഹി, തമിഴ്നാട് തുടങ്ങിയ സംസ്ഥാനങ്ങളിലാണ് കോവിഡ് ബാധ അതിരൂക്ഷം. 164626 പേർക്കാണ് മഹാരാഷ്ട്രയിൽ മാത്രം കോവിഡ് ബാധിച്ചത്. തമിഴ്നാട്ടിൽ 82275 പേർക്കും ഡൽഹിയിൽ 83077 പേർക്കും രോഗം സ്ഥിരീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.