ഹൈദരാബാദ്: തെലങ്കാനയിൽ തെരഞ്ഞെടുപ്പു പ്രചാരണത്തിനിടെ വലിയ അപകടത്തിൽ നിന്ന് രക്ഷപ്പെട്ട് ബി.ആർ.എസ് നേതാവ് കെ.ടി. രാമറാവു. തെലങ്കാനയിലെ നിസാമാബാദിൽ പ്രചാരണം നടത്തുമ്പോഴായിരുന്നു സംഭവം. തുറന്ന വാഹനത്തിന് മുകളിൽ പാർട്ടി അനുയായികൾക്കൊപ്പം പ്രചാരണം നടത്തുകയായിരുന്നു രാമ റാവു.
റോഡ് ഷോക്കിടെ വാഹനം പെട്ടെന്ന് നിർത്തിയപ്പോൾ എല്ലാവരും വീണു. ഇതിന്റെ വിഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. കൂടെയുള്ളവർ നിലത്തേക്ക് വീണപ്പോൾ കെ.ടി.ആർ കൈകൊണ്ട് ബാലൻസ് കൊടുത്ത് വീഴാതെ പിടിച്ചുനിൽക്കുന്നത് വിഡിയോയിൽ കാണാം.
അപകട സമയത്ത് ഇവർ സഞ്ചരിച്ച വാൻ ഇടുങ്ങിയ പാതയിലൂടെയാണ് പോയ്ക്കൊണ്ടിരുന്നത്. കാറിന്റെ ബാരിക്കേഡിട്ട മേൽക്കൂരയിൽ നിന്ന് കെ.ടി.ആർ ആളുകളെ അഭിവാദ്യം ചെയ്യുന്നതിനിടെ അനുയായികൾ വാഹനത്തിനൊപ്പം ഓടുകയായിരുന്നു. അപകടത്തിനു ശേഷം കെ.ടി.ആർ കൊടങ്ങലിൽ നടന്ന റോഡ് ഷോയിലും പങ്കെടുത്തു. നവംബർ 30 ന് നടക്കുന്ന തെരഞ്ഞെടുപ്പിൽ സിർസില്യ മണ്ഡലത്തിൽ നിന്നാണ് കെ.ടി.ആർ മത്സരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.