ഭോപാല്‍: പാര്‍ക്കിങ്ങിന് അനുമതിയില്ലാത്ത സ്ഥലത്ത് നിര്‍ത്തിയ ബൈക്ക് എടുത്തുമാറ്റിയതില്‍ ക്ഷുഭിതനായ യുവാവ് പൊലീസുകാരനെ കുത്തിപ്പരിക്കേല്‍പ്പിച്ചു. സംഭവത്തില്‍ ഹര്‍ഷ് മീണ എന്ന യുവാവിനെ പൊലീസ് അറസ്റ്റ് ചെയ്തു. കുത്തേറ്റ അസി. സബ് ഇന്‍സ്‌പെക്ടര്‍ ശ്രീറാം ദുബെ ചികിത്സയിലാണ്.
മധ്യപ്രദേശിലെ ഭോപാലിലാണ് സംഭവം. വാഹനം നിര്‍ത്തിയിടാന്‍ അനുമതിയില്ലാത്ത സ്ഥലത്താണ് ഹര്‍ഷ് ബൈക്ക് വെച്ചത്. പ്രദേശത്ത് അപ്പോള്‍ ഡ്യൂട്ടിയിലുണ്ടായിരുന്ന ശ്രീറാം ഇത് കാണുകയും ക്രെയിന്‍ കൊണ്ടുവന്ന് ബൈക്ക് പൊലീസ് സ്റ്റേഷനിലേക്ക് മാറ്റുകയും ചെയ്തു.
വിവരമറിഞ്ഞ് ബൈക്ക് അന്വേഷിച്ച് പൊലീസ് സ്റ്റേഷനിലെത്തി. പിഴ അടച്ചാല്‍ ബൈക്ക് കൊണ്ടുപോകാമെന്ന് അറിയിച്ചതോടെ വീട്ടില്‍നിന്നും പണമെടുത്തിട്ട് വരാമെന്ന് പറഞ്ഞ് ഇയാള്‍ പോയി. തിരികെ എത്തി പിഴ അടച്ച് ബൈക്കുമായി പൊലീസ് സ്റ്റേഷനില്‍നിന്ന് ഇറങ്ങുമ്പോള്‍ തന്റെ ബൈക്ക് നീക്കിയ എ.എസ്.ഐയെ കാണുകയായിരുന്നു.
ഇതോടെ രോഷാകുലനായ യുവാവ് എ.എസ്.ഐക്ക് അടുത്തെത്തി വയറ്റില്‍ കത്തി കൊണ്ട് കുത്തി. ആക്രമിച്ച ശേഷം യുവാവ് രക്ഷപ്പെടാന്‍ ശ്രമിച്ചെങ്കിലും പൊലീസുകാര്‍ ഇയാളെ പിടികൂടുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.